Diutronomi 14:2 - Buka Blahi Ka Cheke Holo

² Ghotilo thosei diꞌanagnafa, jateula keha naikno te leghudi keha nafnata god delei ra eghu. Naugna ghotilo nogna naikno blahi Lord nomi God. Eghuteuna Mana neke vahi fadelei ghami ka keha naikno te gnafa ka nauthoglu igne mala nogna naikno mana kolho.”

Diutronomi 14:2 ပူးပေါင်းရင်းမြစ်များ

Diutronomi 7:6

Ghotilo mala edi glepo igre, naugna ghotilo nogna naikno blahi Lord, nomi God. Mana neke vahi fadelei ghami ka keha naikno te gnafa ka nauthoglu igne mala nogna naikno thegna.

Levitikas 20:26

Ghotilo mala au blahi naugna iara Lord, iara blahi, eghuteuna iara neke atha fajifla ghami ghotilo ka keha naiknore, mala nogu naikno iara.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Diutronomi 28:9

“Jame te leghudi ghotilo nogna vetula mana re, eghuteuna leghudi puhigna mana re teuna, mana ginauna fablahi ghami ghotilo, eghuteuna ghotilo ginauna nogna naikno blahi mana, jateula teke nhaꞌa cheke hi mana ia eghu.

Levitikas 11:45

Naugna iara, Lord, iara neke atha fajifla ghami ghotilo Ijep, mala tangomana iara te nomi God ghotilo na. Eghume, ghotilo mala au blahi naugna iara blahi.

Profet Isaia 62:12

Ka narane igne, naiknore ginauna kilo ghami ghotilo, “Nogna naikno blahi God” nei “Naikno teke atha fapulo Lord ka namono igne.” Eghuteuna mare ginauna kiloni Jerusalem, “Namono te magnahagheni fara Lord,” nei “Namono aheva na teke pulo mei te au Lord tagna.”

Profet Daniel 8:24

King igne ginauna kaisei mae rheta fara, nu theome rheta ka nogna nolaghi thegna. Mana ginauna gleale'a fara ka unha te magnahaghedi thegnare. Mana ginauna goigonidi kmana glepo nei kmana mae nheta. Mana ginauna jaola goigonidi nogna naikno God re.

Diutronomi 14:21

“Ghotilo thosei ghamu buluka ba unha te filoni ghotilo tela lehehi thegna na. Ghotilo tangomana te tusu lao glepo igne ka maedi delei te mei au balumi ghotilo are mala ghamu mare, ba ghotilo tangomana te sabiri ka naiknodi keha kantri are. Ghotilo eni igne naugna ghotilo nogna naikno blahi Lord, nomi God. “Eghuteuna kate kuki ghotilo kaisei nanigot ikoi na, ghotilo thosei kuki ka milk gna idogna na.”

Profet Daniel 12:7

Aonu mae te kegra teu ke mata khoꞌu igne ne ngafa haghe phei khamegnare ka maloa na ne nhaꞌa cheke ka nanghagna God mae ihei te karha te tifa igne. Iara ne nomhini mana te cheke eghu na, “Glepo igre ginauna na theome tughu nabagna thilo finogha namno nhigra. Kate theo nodi nolaghi nogna naikno God igre te mala magra na, glepo igre ginauna na jaola ari gnafa.”

Profet Esikiel 21:2

“Maegna ka nauthoglu. Filo tei Jerusalem mala nhaꞌa soru chekemu na ka vido blahi te tarai naikno are, eghuteuna cheke faheta eghu ranghini Israel,

Profet Isaia 6:13

Neubane phei, ba thiloi naikno te au na, iara ginauna na jaola goigonidi. Neuba, nogu naikno blahi majaghani iara igre ne jateula gaju majaghani te seseke haghe ka pesigna teke kato soruhi ra neu.”

Letas Teke Riso Tei Mae Pol Ka Khiloau Rom 12:1

Eghume kheraguro, naugna God ne kokhoni ghami fara, iara tore ghami te mala lisa lao nakarhami are jateula kaisei fafara eghu ka God. Kaisei fafara te karha nei blahi te kelitagnani God. Igne thofno puhi te mala tufru soruni God ghotilo na.

Diutronomi 4:20

Nu Lord neke fakarhi ghami ghotilo ka puhi biꞌo Ijep te jateula kaisei khaꞌaghi biꞌo te brana fara ra neku, naugna mana magnahaghei ghami ghotilo te mala nogna naikno thegna, eghuteuna tahati au eghu au gognaro gne.

Diutronomi 33:3

Tutuani, Lord namhadi nogna naiknore. Mana thofno reireghi fakeli ghami ghotilo nogna naikno blahi mana ra. Eghume ghotilo mei mala pogho soru ka mana, eghuteuna mana na farirhiu ghami ghotilo.

Esra 9:2

Mare hata gaꞌase bongihehe igre mala tolaghi, eghuteuna mare jaola hata thudi gaꞌase mare re mala tolaghi ka thudi nalhaꞌure. Eghume tahati nogna naikno blahi God igre la kaisei loku fodu baludi naikno bongihehe te au faligoho ghita igre la thona ka tathagna noda God. Eghuteuna noda mae lida tahati igre baludi keha mae biꞌo igre ngala te baubatudi naiknore te edi puhi te jafra igre.”

Profet Isaia 41:9

Iara neke hata mei ghami ghotilo funu ka vido te gnafa ka nauthoglu igne. Eghume iara na cheke eghu ka ghotilo, ‘Ghotilo nogu naikno gloku iara.’ Iara theome thodo ghami ghotilo. Uve, iara neke vahi ghami ghotilo.

Profet Jeremaea 2:3

Ka narane tura ghotilo naiknomi Israel gre neke nogu naikno blahi iara. Ghotilo neke jateula gano majaghani ka nagare ra neku neke fafara mei ka iara nakarhami na. Kate mei fariuriu goigoni ghami naiknore, iara neke kegra tughu ghami ghotilo neke goigonidi mare.” Igne nogu cheke iara Lord.

Levitikas 20:24

Nu iara neke nhaꞌa chekehi ka ghotilo te mala atha ghotilo nodi glose mare na. Uve, iara ginauna tusu ari ka ghotilo mala khotogna namono aheva glosegna na thofno keli fara, eghuteuna leuleghu fata na au kmana gano.” Iara Lord, nomi God ghotilo. Iara neke vahi ghami ghotilo neke hata fajifla ghami ka keha naikno re, mala nogu naikno iara.

Diutronomi 7:7

“Lord namha ghami ghotilo neke vahi fadelei ghami ghotilo, theome naugna te kmana te salaꞌudi ghotilo keha naiknore ka nauthoglu igne. Ghotilo laseni, ghotilo bua fara salaꞌudi keha naiknore ka nauthoglu igne.