Diutronomi 13:9 - Buka Blahi Ka Cheke Holo

⁹ Iagho aknu faleheni mana. Iagho mae ulu lahu te mala fadi thina ni mana na, eghuteuna ke leghu, keha naiknore jaola fadi thina ni mana mala ghilei lehe mana.

Diutronomi 13:9 ပူးပေါင်းရင်းမြစ်များ

Mae Khuru 7:58

Mare hata fajiflani mana ke kosigna namono biꞌo na ne fada thina ni ne ghilei lehe mana. Mae teke cheke chaghi eigna mae Stivin re lisei soru nodi pohe brahure ka khamegna kaisei mae majaghani, nanghagna na mae Sol.

Jone 8:7

Mare magnahaghei keha cheke tughu ka mana ne ghusna fabrahu. Mana gnokro fadoglo haghe ne cheke eghu ka mare, “Mae ihei ka ghotilo te theome eni kaisei najafra na, kulu atha kaisei thina mala fadi faleheni naꞌa.”

Luku 14:26

“Ihei te mei ka iara te magnahaghei nogu mae fanomho iara teunu, namhani fara kmagna, idogna, khetogna, thugna, thabusigna, greghagna ba thegna ke tulaogu iarai teuna, mana theome nabagna te nogu mae fanomho iara na.

Matiu 10:37

“Ihei te namhadi fara kmagna ba idogna ba thugna nalhaꞌu ba thugna gaꞌase ke tulaogu iarai na, mana theome nabagna te nogu mae fanomho iara na.

Levitikas 24:14

“Ghotilo hata mae tuana tei ke kosigna vido te au ghotilo na. Eghuteuna iheire teke nomhini mana teke cheke fadiꞌa na mala tei lisei khamedi re ka phaꞌugna mana na, mala laseni mana te jafra na. Eghuteuna ghotilo te gnafa na fadi faleheni mana ka thina.

Diutronomi 13:5

Tifa na ghotilo neke sneka Ijep, eghuteuna Lord neke hata fajifla ghami neke fakarhi ghami ghotilo. Eghume ghotilo mala aknu falehe mae profet te fariuriu batu fadelei ghami ghotilo are, eigna mare magnahaghei ghami ghotilo te figri tagruni Lord nomi God, mala thosei ke eni mare puhi te batu fadiꞌadi naiknore igne.

Diutronomi 7:2

nu mana ginauna lisa ari naikno igre ka khamemi ghotilo, eghuteuna ghotilo ginauna uludi mare. Ka narane tuana, ghotilo mala aknu falehedi gnafa. Ghotilo mala thosei eni kaisei nhaꞌa cheke te mala au fakeli baludi mare na. Eghuteuna ghotilo mala thosei kokhonidi mare.

Diutronomi 7:16

Ghotilo mala aknu falehe naikno te gnafa te lisa ari Lord ka khamemi ghotilo are, thosei kokhonidi. Ghotilo mala thosei pogho soru ka nodi god mare re, naugna igne kaisei puhi te mala jateula kaisei phighoro teu mare te mala fakhale ghami ghotilo na.

Diutronomi 25:12

Jame te eghu na, ghotilo kusu koko khamegna gaꞌase igne, eghuteuna ghotilo thosei kokhoni ni naꞌa.