Diutronomi 13:6 - Buka Blahi Ka Cheke Holo

^6-8 “Neubane thabusimi, ba thumu, ba khetomu ihei iagho te namhani fara, ba kaisei mae kheramu fofodu keli, jame kaisei ka mare mei cheke poru eghu ka iagho, ‘Tapa ari mala tarai ka keha god delei,’ iagho thosei fanomho ka mana! Jau mana magnahaghei ghami ghopa te tei tarai ka nodi god naikno te au rhemi ghotilo are, ba nodi god naikno te au khaba ka ghotilo are. Jau mana magnahaghei ghami ghopa te tei tarai ka nodi god naikno te au ka glose igne, god teke theome lasedi ghotilo nei kuꞌemi tifa ra. Nu iagho thosei fanomho tagna. Eghuteuna iagho thosei diꞌanagnafamu, nei iagho thosei pophoru mae igne mala theome thokeni mana papara na.

Diutronomi 13:6 ပူးပေါင်းရင်းမြစ်များ

Fapea Pita 2:1

Tifa na kmana mae profet chaichaghi farihotei naiknodi Israel. Eghuteuna hatimare mae velepuhi chaichaghire ginauna jaola kegra haghe farihoteimi ghotilo. Mare ginauna farirhiu chaichaghi ghami ghotilo nu theo kaisei naikno ghosei te filo glanini u najafra te eni mare na. Eghuteuna mare ginauna fariuriu fadiꞌa ghami ghotilo, naugna mae velepuhi igre neke figri tagruni nodi Lord Jisas, mae ihei teke fakarhidi ka nakhibo. Eghume God ginauna ghosei roꞌedi mare naugna mare neke leghuni nodi puhi thedire.

Efesus 4:14

Kate kotu haghe te naikno biꞌo na, tahati ginauna theome jateula vaka te pala tafri ka nuri ba galo biꞌo ia eghu. Tahati ginauna theome tangomana te ghosei leghuni u nafnata farirhiu te chaichaghi na. Neuba hatimare mae velepuhi chaichaghi are ne magnahaghei chaghi ghita tahati kolho mala leghuni tahati nabrou te jafra na.

Proveb 18:24

Mae te au kmana kheragna na mana theo nafugna kolho. Nu thofno kheramu na, keli fara salaꞌuni thabusimu na.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Ululahu Samuel 20:17

Aonu mae Jonatan ne toreni mae Devet mala ke nhaꞌa chekei mala ghatho tahuni nhaꞌa cheke igne, naugna mae Jonatan namhani fara mae Devet jateula Devet te namhani mae Jonatan eghu.

Ululahu Samuel 18:3

Mae Jonatan ne eni kaisei nhaꞌa cheke balugna mae Devet mala theome gnafa phiamare nodi namha na.

Ululahu Samuel 18:1

King ghe mae Devet ne toutonudi unha teke edi mae Devet re. Funu ka narane igne, mae king ne theome snakreni mae Devet teke figri ka namono gna na, naugna mana magnahagheni mae Devet te loku ranghini. Ka vido tuana mae Jonatan thugna mae Sol igne fofodu fara balugna mae Devet jateula kaisei thabusigna eghu.

Diutronomi 29:18

Eghume ghotilo fiofilo ghami eghuteuna thosei snakreni kaisei naikno mala figri thagrugna na ka Lord nomi God. Neuba kaisei mae, ba kaisei gaꞌase, ba kaisei tharakna, ba kaisei vikemi ghotilo, theo kaisei naikno te tangomana te tei tarai nei pogho soru ka nodi god keha naiknore. Theome keli kaisei ka ghotilo te biꞌo haghe jateula kaisei gaju te ure sisi poesen ra eghu.

Diutronomi 28:54

Eghuteuna neuba kaisei mae te keli te thofno ke keli fara puhigna na, nu ka narane tuana, mana ginauna diꞌa nagnafagna fara ka grofo, aonu mana ginauna aknu falehe kaisei thugna mala ghamu nafnahigna na. Nu mana ginauna na theome tangomana te tufa kaisei nafnahi ka mae kheragna na, ba ka khetogna te namhani fara mana na, ba ka keha thugna te karha teure.

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Kolose 2:4

Gognaro na iara theome au balumi ghotilo nu nagnafagu na auhi balumi ghotilo. Tutuani iara gleale'a fara te filoni nakarhami nei nomi fatutuani te heta ka mae Kraes. Nu neuba iara chekeni igne ka ghotilo eigna iara theome magnahagheni kaisei naikno te chaghi ghami ghotilo ka nogna cheke te famaemahe fara igre. Naugna cheke igre mala batu fadelei ghami ghotilo mala theome fatutuani ni Kraes. Cheke te famaemahe igre keli fara fanomhodire nu chaichaghi kolho eghu.

Galesia 2:4

Ghehati neke cheke eigna puhi igne naugna keha mae thabusignare chaichaghi neke poru neke ruma mei ka noda tothoghei tahati gne. Eghuteuna mare magnahaghei te ruma mei mala filoni eigna noda naꞌau nasnagla tahati balugna mae Jisas Kraes. Mare magnahaghe ghita tahati te mala au jateula naikno sneka eghu ka nogna vetula mae Moses kolho.

Fapea Korin 5:16

Eghume gognaro na ghehati theome fateni kaisei naikno leghuni nogna gaoghatho naiknogna nauthoglu gne. Tifa na ghehati neke fateni Kraes leghuni nogna gaoghatho naikno na, naugna ghehati gaoghathomi na ne khogla naikno kolho mana eghu. Nu gognaro na ghehati theome eni tuana.

Thoutonu Eigna Mae Job 31:27

Iara theome poru te mala kilo fnaknodi phei glepo igre. Eghuteuna iara theome gnangho ka khamegu na mala pogho sorudi phei glepo igre.

Jajis 10:6

Eghuteuna theome raugha ke leghudi igre, naiknodi Israel igre ne funu huhughuni Lord ne tarai ka mumujudi Baal ghe Astarot. Mare jaola tarai ka nodi god naiknodi Siria, nei nodi god naiknodi Saedon, nei nodi god naiknodi Moab, nei nodi god naiknodi Amon, nei nodi god naiknodi Filistia.

Jajis 5:8

Ka narane naiknodi Israel igre te vahidi keha god delei igne, magra ne thoke mei, nu theo kaisei ka phiatutu thogha soldia di Israel te au grojo ba greoreo mala magra!

Jajis 2:13

Mare lisei kokoni Lord ne tarai ka god Baal ghe god gaꞌase Astarot.

Jenesis 16:5

Aonu Sarai ne cheke eghu ka mae Ebram, “Hega gne gognaro na theome keli ranghi ghau iara, eghuteuna igne u nakhibomu iagho! Tutuani, iara ngala teke snakreni nogu naikno gloku na ka iagho na. Nu gognaro na naꞌa la laseni te bukla thegna na, la filo fapari ghau iara eigna naꞌa ne naikno ke keli gu iarai eghu ka gaoghathogna! Eghume te magnahagheni iara na Lord ginauna na vahi meini ihei gne te doglo ka tapa na.”

Proveb 5:20

Thuguo, iagho thosei ghathoni fara gaꞌase te mala eni puhi te diꞌa na, eghuteuna iagho thosei kelitamu ka khetogna mae kheramu na.

Fapea Samuel 1:26

Iara tanhi nigho thabusigna Jonatan. Nou namha iagho ranghi ghau iara na thofno biꞌo fara salaꞌuni te namhani gaꞌase na.

Diutronomi 13:2

Eghuteuna kate thakle mei kofubobhoi ba fagaglana igne na, glahu cheke eghu mana, ‘Tahati ari mala tarai ka god teke theome laseni ghotilo tifa igne.’

Fapea Kronikols 15:13

Neubane nalhaꞌu ba gaꞌase, neubane majaghani ba kuekuꞌe, nu jame kaisei ka mare te theome leghuni Lord na, mare ginauna aknu faleheni mana.

Fapea Kronikols 23:17

Aonu naiknore ne leghuni nogna cheke mana igne ne kafe tei paꞌe soru nogna Sugablahi Baal igne. Eghuteuna mare ne goigoni olta te gnafa nei mumuju te gna teu ka vido igne. Eghuteuna mare ne aknu faleheni mae Matan nogna pris Baal igne rhegna olta na.

Profet Jeremaea 44:3

naugna naiknore ne leghuni fabrahu puhi te diꞌa na. Iara diꞌatagu fara naugna mare ne gahu insens ka mumuju. Neuba mare baludi kuꞌedi teu tifa ra theome lasedi mumuju te pogho soru mare tadi igre.

Profet Sekaraea 13:3

Eghuteuna jame kaisei mae chekeni koba nogna cheke na neke mei funu ka God teuna, kmagna nei idogna teu mana igre repa ginauna cheke eghu ka mana, ‘Iagho mala lehe, naugna iagho ne cheke nigho themu ne kaisei mae profet tutuani, nu iagho chaghi kolho.’ Ka narane tuanala mana na cheke eghu, kmagna nei idogna teu mana igre repa ginauna faleheni ka naflahi.

Eksodas 13:3

Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Eksodas 32:27

Moses ne cheke eghu ka mare, “Igne unha te chekeni Lord nodi God naiknodi Israel, ‘Ghotilo te gnafa na kafe atha naflahi mala magra, eghuteuna tei ka vido te gnafa heva heva mala aknu falehe iheire teke eni puhi te diꞌa igne, neuba ne thabusimi, ba kherami, ba kherami fofodu ghotilo.’ ”

Diutronomi 8:14

Jame te theome filo fakeli ghotilo na, ghotilo tangomana te ghatho tahu ghami themi, eghuteuna ghotilo ginauna ghatho ihoni Lord nomi God. Mae ihei teke hata fajifla ghami ka naꞌau papara Ijep kani teke au sneka jare ia.

Diutronomi 11:32

ghotilo mala thofno leghudi nogna cheke nei nogna farirhiu teu mana te tusu ari iara ka ghotilo gognarogne.”

Diutronomi 17:12

Ihei te theome magnahaghedi nei cheke fadiꞌadi teu unha te chekedi nogna mae mala fate ba nogna mae pris Lord nomi God ghotilo igre mala lehe. Igne unha te mala eni ghotilo na te mala hata fadelei puhi te diꞌa igne ka namonomi ghotilo re.

Diutronomi 18:20

Nu jame kaisei mae profet cheke ka nanghagu iara unha teke theome chekedi iara ka mana re, ghotilo faleheni mana. Eghuteuna jame kaisei mae profet cheke ka nanghadi keha god delei, ghotilo jaola faleheni mae igne.’

Diutronomi 19:19

ghotilo ginauna parani mana ka nafnata puhi te magnahagheni mana teke parani keha mae na. Ka puhi igne, ghotilo ginauna hata fadelei ke lamnami puhi te diꞌa igne.

Diutronomi 21:21

Eghume nabagna na maegna ka namono igne fada faleheni mana ka thina mala ghilei lehe mana. Ka puhi igne, ghotilo ginauna fahuhui puhi te diꞌa igne ke lamnami ghotilo. Aonu kate nomhini igne, naiknodi Israel igre ginauna mhaghu nodi fara.”

Diutronomi 22:21

Jame te tutuani na, hatimare mae lida mala hata tei gaꞌase igne ka grengatha gna nogna suga mae kmagna na. Aonu mae nalhaꞌugna namono na fadini naꞌa ka thina ghilei lehe naꞌa. Gaꞌase igne neke jafra kani au teku ka suga gna kmagna na eghuteuna naꞌa ne famamajadi naiknodi Israel. Eghume ka puhi igne, ghotilo koko puhi te diꞌa igne.”

Diutronomi 24:7

“Jame kaisei mae lokini mae kheragna na eghuteuna huhuruni mana mala nogna naikno sneka, ba foli mala kaisei nogna sneka, te eghuna, ghotilo aknu falehe mae igne. Ghotilo aknu falehe mae igne mala koko puhi te diꞌa igne ka ghotilo.

Josua 7:13

“Eghume iagho kegra haghe! Tei fagaedi naiknora, eghuteuna tarabana mala mei ke ulugu iara nathuꞌu. Naugna iara nomi Lord God ghotilo maemi Israel. Ghotilo neke hatahi glepo mala thosei hata ghotilo teku iara ra. Jame te theome koko ghotilo glepo igre na, ghotilo ginauna theome tangomana nate tapla faparidi mae naoka gre.

Jajis 20:13

Ghotilo hata mei mae te diꞌadi Gibea ra, mala aknu falehe ghehati! Tahati mala hata koko puhi te diꞌa igne ka noda namono tahati maeda Israel.” Nu mae ka vikegna Benjamin igre tirodi fanomho ka nodi cheke kheradi mare ka keha vikegna Israel.

Ululahu Kings 18:40

Aonu profet Elija ne cheke eghu, “Ghotilo haru famaku nogna profet Baal are, thosei snakreni kaisei profet mala rikha!” Aonu mare ne kafe haru famakudi ne hui. Eghuteuna Elija hata mae profet igre ne soru ka Glogu Khoꞌu Kison ne kafe aknu falehe jare.

Fapea Kings 11:18

Mare kafe tei ka nogna Sugablahi Baal na ne paꞌe soru pari. Eghuteuna mare ne goigoni fahui olta te gnafa nei mumuju te gnafa teu ka vido te gnafa igre. Eghuteuna mare ne aknu faleheni mae Matan nogna pris Baal igne rhedi olta re. Pris Jehoeada ne cheke ka mae soldia re mala reireghini nogna Sugablahi Lord na.

Profet Jeremaea 28:15

Aonu profet Jeremaea leghuni nogna cheke Lord igne ne cheke eghu ka profet Hananaea, “Hananaea, fanomho fakeli iagho ia! Lord neke theome kuru mei nigho iagho. Nu naikno igre fatutuanidi nou cheke chaichaghi iaghore.

Profet Jeremaea 28:16

Naugna igne, Lord ne cheke eghu: Theome raugha, iara ginauna atha fadelei nigho iagho ka nauthoglu igne. Ka finogha igne iagho ginauna lehe, naugna cheke te edi iagho igre batudi naiknore mala theome leghuni nogu cheke iara na.”