Diutronomi 13:3 - Buka Blahi Ka Cheke Holo

³ Nu ghotilo thosei leghuni nogna cheke mae profet tuana. Lord nomi God ghotilo na, mana tangomana te fariuriu ghami ghotilo mala laseni jame ghotilo te thofno namhani mana ka nagnafami fateote'o nei ka gaoghathomi fateote'o.

Diutronomi 13:3 ပူးပေါင်းရင်းမြစ်များ

Diutronomi 8:2

Leuleghu fata na ghotilo mala ke ghathoni Lord nomi God mae ihei teke batu ghami ke lamna namono nagou nabagna phiatutu finogha. Mana neke fariuriu ghami ghotilo kate thokedi narane te ninhigrana mala laseni na tangomana ghotilo te leghudi nogna vetula mana re ba theo.

Ululahu Korin 11:19

Uve, keli ka ghotilo te fnota ka phei tothoghei ka khiloau na mala laseni ihei te thofno leghuni cheke te tutuani na. Phei tothoghei igre theome nodi tothoghei mae te dedei nei mae te khuma eghu nu nodi tothoghei iheire te thofno nomhini chekegna God na ba iheire te tirodi nomhini chekegna mana na.

Nodi Khoje Hatimare Mae Jiu 66:10

God, iagho neke fariuriudihi nakarhami ghehati gre mala gae jateula mae te gahu silva te mala khoko thonagna na ia eghu.

Diutronomi 6:5

Eghuteuna ghotilo mala namhani Lord nomi God ka nagnafami fateote'o, nei ka gaoghathomi fateote'o, nei ka nanhetami fateote'o.

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Ululahu Jone 4:1

Uve kheraguro, gognaro na kmana mae profet chaichaghi ka nauthoglu gne. Eghume kate toutonu naiknore, thosei fatutuani nodi cheke te gnafare, nu faglanidi eghu glahula gaoghatho te au ka mare tuare neke mei funu ka God.

Fapea Tesalonika 2:11

Eghume God ginauna snakre lao ka nafnata naikno igre kaisei nolaghi mala fatutuanidi thoutonu chaghi are.

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Ululahu Jone 4:4

Uve thuguro, ghotilo nogna God, eghuteuna ghotilo tapla sorudihi mae profet chaichaghi gre, naugna mae Tharunga te Blahi te au balumi ghotilo na au nolaghi fara uluni mae Satan, mae ihei te au ka naikno te leghuni puhigna nauthoglu gne.

Ululahu Jone 2:19

Nogna naoka mae Kraes gre neke au baluda tahati. Nu gognaro na mare la jifla koko ghitahi. Naugna mare theome thofno nogna tothoghei tahati gne. Jame thofno nogna tothoghei tahati gne na, mare au ngau baluda tahati. Nu mare tei koko ghita tahati, eghume gaglana fara te theo kaisei mae ka mare tarabana te mala leghuni mae Kraes baluda tahati na.

Efesus 4:14

Kate kotu haghe te naikno biꞌo na, tahati ginauna theome jateula vaka te pala tafri ka nuri ba galo biꞌo ia eghu. Tahati ginauna theome tangomana te ghosei leghuni u nafnata farirhiu te chaichaghi na. Neuba hatimare mae velepuhi chaichaghi are ne magnahaghei chaghi ghita tahati kolho mala leghuni tahati nabrou te jafra na.

Fapea Korin 8:8

Iara theome lisei soru kaisei vetula ranghi ghami. Nu kate toutonu ka ghotilo na iara eni igne mala laseni ghotilo eidi naikno khiloau te au Masidonia, mare magnahaghei fara te toghodi keha naiknore. Uve, iara neke eni igne naugna iara magnahaghei te filoni glahula te au thofno namha na ka ghotilo nanaba ka mare.

Mae Khuru 17:11

Naikno Jiu te au Berea gre thono ke keli tadi fara ka naikno Jiu te au Tesalonika re. Mare magnahaghei fara te fanomho ka glepo te chekedi mae Pol ghe mae Silas. Naikno igre leuleghu narane na iu'ijuni grioriso te blahi na mala lase fakelini glahula tutuani ba theo kolho glepo igre.

Nodi Khoje Hatimare Mae Jiu 81:7

Kani teke thoke mei puhi biꞌo ka ghotilo na, ghotilo kilo mei ghau iara, eghuteuna iara neke fakarhi ghami ghotilo. Uve, iara ngala teke togho ghami ghotilo kani teke mei iara ke lamnagna fila ia. Iara neke fariuriu ghami ghotilo jare ke lamnagna namono nagou na ka glokha khoꞌu Meriba.

Diutronomi 8:16

Eghuteuna mana neke tusu mei ka ghotilo ‘manna’ igne mala ghamu boho ghotilo. Nu gano igne, ghotilo baludi kuꞌemi ghotilo tifara neke theome laseni gano igne. Lord neke eni igne mala thoke ghami ghotilo narane te ninhigrana mala fariuriu ghami ghotilo, nei mala gaoghathomi ghotilo na, eghuteuna ke leghu na Lord neke fablahi ghami ghotilo ka kmana nafnata glepo te keli.

Eksodas 20:20

Mae Moses ne cheke eghu, “Thosei mhaghu, God na mei mala fariuriu ghami ghotilo kolho, eghume ghotilo mala ghatho tahuni Mana eghuteuna ghotilo mala thosei eni kaisei nakhibo eghu.”

Jajis 2:22

Iara ginauna hata vikegna Kenan igne mala farirhiudi naiknodi Israel igre mala laseni ihei gne te leghudi puhigu iara te keli jateula teke edi kuꞌeda tifa ra.”

Nodi Khoje Hatimare Mae Jiu 119:2

Naikno te leghudi nogna farirhiu mana re, nei leghuni mana teu ka nagnafadi fateote'o re, mare keli tadi fara.

Ululahu Samuel 26:19

Nogu funei nei nogu king, iagho fanomho ka cheke nate chekeni iara igne. Jame teke gaoghatho Lord te mala diꞌatamu iagho ka iara na, kaisei fafara jame teke figrini gaoghathogna mana na mala teke keli ka iara na. Nu jame teke keha maei kolho te eni ka iagho te mala diꞌatamu ka iara na, lisa lao ka Lord mala thoke mei puhi biꞌo ka mare. Naugna mare ne khi fajifla ghau iara ka namono gna Lord na, eghuteuna mare eni igne mala tei tarai iara ka keha god delei.

Ululahu Kings 13:19

Aonu kate nomhini cheke igne, mae profet gna Juda igne neke pulo balugna mana, eghuteuna mana ne ghamu nei koꞌu neu balugna mana.