Diutronomi 13:17 - Buka Blahi Ka Cheke Holo

^17-18 Gobi lepogna namono tuana blahi eghuteuna ghotilo thosei hata kaisei glepo tagna. Jame te leghuni cheke igne na, Lord ginauna na theome ke diꞌatagna ka ghotilo, eghuteuna ginauna mana nake kokhoni ghami ghotilo. Kate leghudi ghotilo nogna vetula mana teke tusu ari iara ka ghotilo gognaro igre, nei edi unha te doglo ka tathagna mana na teuna, mana ginauna keli ranghi ghami ghotilo, eghuteuna mana ginauna fablahi ghami ghotilo mala kmana e kmana jateula teke nhaꞌa chekehi mana ka kuꞌemi ghotilo tifa ra eghu.”

Diutronomi 13:17 ပူးပေါင်းရင်းမြစ်များ

Josua 7:26

Eghuteuna mare ne bukru thina ke kligna thinigna mae Ekan. Tothoghei thina igne au ngala gognaro na. Naugna igne, mare kiloni vido igne, “Glogu Ako,” gaoghathogna na, Puhi Biꞌo. Ke leghugna igne, Lord ne theome diꞌatagna ka naiknodi Israel.

Diutronomi 7:26

Ghotilo thosei hata mei kaisei glepo te diꞌa igre ka sugami re. Jame te eni ghotilo igne na, Lord ginauna goigoni ghami ghotilo jateula mana te goigonidi glepo igre eghu.”

Jenesis 26:24

Ka bongi tuana Lord ne thakle ka mae Isak ne cheke eghu ka mana, “Thosei mhaghu, iara nogna God mae kmamu iagho Ebraham. Iara neke eni kaisei nhaꞌa cheke ka mae Ebraham. Ka nhaꞌa cheke igne iara na au balumu iagho, nei fablahi nigho nei na fabruaradi eghu vikemu iagho gre.”

Jenesis 26:4

Iara ginauna na snakre ari ka iagho kmana vike mala jateula nathunu te filodi iagho te theome naba te kahadi ka maloa na are eghu. Eghuteuna iara ginauna na snakre lao namono te gnafa igre ka mare. Naikno te gnafa ka nauthoglu igne ginauna na tore ghau iara mala fablahidi jateula teke eni iara ka vikemu iagho gre eghu.

Josua 6:18

Nu fiofilo ghami eghu! Thosei hata kaisei glepo malami themi, naugna glepo igre mala gnubra fahui jateula kaisei fafara eghu ka Lord. Jame te eni ghotilo kaisei glepo te diꞌa na, Lord ginauna falehe ghami ghotilo.

Diutronomi 30:3

Jame te eghu ghotilo na, Lord ginauna kelitagna ka ghotilo, eghuteuna mana ginauna tangomana nate atha fajifla ghami ka keha namono aheva teke brue ghami mana teke tei ghotilo tadi are.

Jenesis 28:14

Vikemu iagho igre ginauna na kmana fara jateula gaughavu glose eghu heva heva ke mosu ba ke maghati ba ke mata ba ke raru eghu ka nauthoglu igne. Eghuteuna naikno te gnafa ka nauthoglu igne ginauna na tore ghau iara mala fablahidi jateula te fablahidi iara vikemu iagho gre eghu.

Ululahu Korin 16:22

Jame ihei te theome namhani Lord na, iara magnahagheni mae tuana ginauna mala fnota fabrahu ka God tifa tifa. Nomi Lord, mei iagho!

Profet Esikiel 37:26

Iara ginauna eni kaisei nhaꞌa cheke pharikeli baludi mare, u nhaꞌa cheke igne ginauna theome tangomana te gnafa na. Uve, iara ginauna fablahidi mala thovu mare. Eghuteuna nogu vido blahi iara igne ginauna kegra fabrahu ka nodi namono mare igne.

Lamentations 3:32

Neuba mana ne para ghita, nu mana ginauna tangomana te kokhoni ghita nei keli ranghi ghita teuna, naugna mana ghatho tahu ghita fabrahu.

Nodi Khoje Hatimare Mae Jiu 78:38

Neuba mare ne eghu ngau, God na kokhoni nognadi fara, aonu mana ne hata koko nakhibodire ne theome paradi. Kmana fata mana diꞌatagna ka mare, nu mana loku fapulo diꞌatagna na.

Josua 22:20

Ghotilo mala ke ghathoni puhigna Akan te diꞌa mae ihei teke karha ka vikegna mae Sera. Lord neke cheke ka tahati mala gnhubra fahui gobigna lepo re ke lamna namono Jeriko, mala fafara ka mana, nu mae igne neke theome leghuni Lord. Naugna igne Lord neke para ghita tahati hui eigna puhi igne. Eghuteuna theome thegna mana kolho teke lehe eigna nakhibo igne, nu kmana naikno jaola neke lehe.”

Josua 7:1

Lord neke cheke faheta fara ka naiknodi Israel igre mala thosei hata kaisei glepo ka namono Jeriko. Nu kaisei mae ka mare nanghagna na mae Ekan, thugna mae Kami, gragna mae Sabdi, vikegna mae Sera thugna mae Juda tifa igne ne theome leghuni chekegna Lord igne ne blau keha glepo. Lord ne thono diꞌatagna fara ka nafnata puhi te eni mana igne.

Josua 6:26

Ka narane igne, mae Josua ne cheke faheta eghu fara ka nanghagna Lord, “Jame ihei te fariu riu babana fapulo namono Jeriko igne, Lord ginauna parani mae tuana. Kate fufunu mana gloku igne na, thugna nalhaꞌu ulu lahu mana na ginauna lehe. Eghuteuna kate loku fahui mana grengathagna bara thina igne na, thugna nalhaꞌu leghu lahu mana na ginauna lehe.”

Diutronomi 7:13

Eghuteuna kate leghudi ghotilo vetula igre, mana ginauna namha ghami nei fablahi ghami eghu mala vuragha au kmana thumi ghotilo, eghuteuna ghemi nagare ghotilo re ginauna au kmana gano, eghuteuna ghotilo ginauna au ghemi kmana waen, nei kmana oel mala kuki. Eghuteuna mana ginauna fablahidi nomi buluka nei sipu teu ghotilo re mala karha kmana thudi. Ka puhi jateula igre eghu mana ginauna tangomana te fablahi ghami ghotilo kate au ghotilo ka glose teke nhaꞌa chekehi mana ka kuꞌemi ghotilo ra.

Naba 25:4

Aonu Lord ne cheke eghu ka mae Moses, “Iagho na kilodi mae biꞌo te gnafa Israel igre nei falehedi mare eghu, eghuteuna fagefe haghe kligna thinidi mare re ke ulugna Suga Thapuale te blahi ana mala filo naiknore. Eni tuana mala nu theome diꞌatagu iara ka ghotilo eghu.”

Eksodas 20:6

Nu jame te namha ghau iara nei leghudi nogu vetula iara gre teu ghotilo na, iara ginau na thofno namha ghami ghotilo nei kaisei thogha vikemi ghotilo nate karha mei teu thogheiro re.

Eksodas 32:12

Jame te eni iagho igne na, naiknodi Ijep igre ginauna chekeni te iagho neke chaghidi kolho naiknore mala mei falehedi ka thogele igre. Iagho thosei diꞌatamu di. Iagho tughu nagnafamu na, iagho thosei eni kaisei puhi biꞌo mala goigonidi.

Diutronomi 30:5

Lord nomi God ginauna nake hata fapulo mei ghami ghotilo ka glose teke kulu au ghotilo tagna igne. Eghuteuna ka narane tuana, mana ginauna nake snakreni ka ghotilo mala ke khotogna glose tuana, mala au ka nakarha te keli, nei mala ke rheta salaꞌui ghotilo gognaro gne.

Nodi Khoje Hatimare Mae Jiu 85:3

Tifa na iagho neke diꞌatamu ka ghehati, uve, gognaro na iagho kela theome diꞌatamu ka ghehati.

Profet Hosia 11:9

Neubane diꞌatagu iara ka ghotilo, iara ginauna na theome para ghami ba goigoni ghami fabrahu ghotilo. Iara God mae ihei te au balumi fabrahu ghotilo. Puhigu iara na theome jateula puhigna naikno eghu. Neubane diꞌatagu iara ka ghotilo, iara na theome hiro mala para ghami ghotilo. Theo.

Josua 6:24

Mae Josua baludi nogna soldiare ne thofno gnubra namono igne baludi gobigna lepo fateote'o te au ke lamnagna. Nu gobigna lepo teke horo ka silva nei gol, baludi gobigna lepo teke horo ka bras nei aean teu igre kolho te theome gnubra mare na. Mare hata lepo igre ne lilisei baludi keha glepo te tathaji teku mare ka vido te mala tufru soruni Lord.

Josua 8:28

Mae Josua ne gnubra namono Ai, eghuteuna namono igne diꞌa fabrahu ghilei mei posa ka narane gognarogne.