Diutronomi 13:16 - Buka Blahi Ka Cheke Holo

¹⁶ Aonu ghotilo hata mei bubukrei farihotei namono nodi gobigna lepore. Nako namono tuana baludi gobigna lepore, mala tusu ranghini Lord nomi God jateula fafara te gahu te thono krono ra eghu. Eghuteuna namono tuana ginauna diꞌa fabrahu na theome tangomana na teke kegra haghe na, eghuteuna blahi kaisei naikno na teke loku tagna na.

Diutronomi 13:16 ပူးပေါင်းရင်းမြစ်များ

Profet Jeremaea 49:2

Nu kate thoke mei narane na, naikno gna namono biꞌo Raba ginauna nomhini te kufli mae naokare. Mare ginauna paꞌe sukha namono igne, eghuteuna mare ginauna gnubra ka khaꞌaghi namono te gnafa te au faligohoni namono igne. Israel ginauna mei brue fajifladi naiknodi Amon teke atha fajifla mare igre.” Igne cheke gna Lord.

Josua 8:28

Mae Josua ne gnubra namono Ai, eghuteuna namono igne diꞌa fabrahu ghilei mei posa ka narane gognarogne.

Profet Isaia 25:2

Iagho neke goigonidihi namono biꞌo ra eghuteuna mare jateula bukrei chara eghu kolho. Nodi vido mala poru mae naoka ra iagho neke kafe paꞌe soruhi pari, eghuteuna mare jateula bukrei thina eghu kolho. Nodi suga te gnafa nodi king mare igre la thono diꞌa fara gognarona, eghuteuna mare ginauna na theome tangomana na teke babana fapulo na.

Profet Isaia 17:1

Lord neke cheke eghu eigna Damaskas, “Neuba Damaskas ne kaisei namono biꞌo, nu ginauna na kaisei bukrei chara kolho.

Josua 6:24

Mae Josua baludi nogna soldiare ne thofno gnubra namono igne baludi gobigna lepo fateote'o te au ke lamnagna. Nu gobigna lepo teke horo ka silva nei gol, baludi gobigna lepo teke horo ka bras nei aean teu igre kolho te theome gnubra mare na. Mare hata lepo igre ne lilisei baludi keha glepo te tathaji teku mare ka vido te mala tufru soruni Lord.

Profet Maeka 1:6

Naugna igne, Lord ne cheke eghu, “Iara ginauna goigoni fahui namono biꞌo Samaria igne. Eghuteuna namono igne ginauna jateula tothoghei chara ka glalaba ra eghu filogna na, eghuteuna ginauna jateula vido mala joꞌu gaju grep eghu kolho. Thina gringni gna namono igne, iara ginauna pili tei ka glogu ro, eghuteuna thina mala famamhaku gna namono igne ginauna fiti au kolho ka vido te krogha.

Josua 6:26

Ka narane igne, mae Josua ne cheke faheta eghu fara ka nanghagna Lord, “Jame ihei te fariu riu babana fapulo namono Jeriko igne, Lord ginauna parani mae tuana. Kate fufunu mana gloku igne na, thugna nalhaꞌu ulu lahu mana na ginauna lehe. Eghuteuna kate loku fahui mana grengathagna bara thina igne na, thugna nalhaꞌu leghu lahu mana na ginauna lehe.”

Diutronomi 7:25

Ghotilo gnubra nodi mumuju re ka khaꞌaghi. Eghuteuna ghotilo thosei mamagnadi silva nei gol eghu te au ka mumuju igre ba hata malami themi, nu ghotilo mala gnubra fahui. Glepo igre diꞌa fara ka Lord nomi God. Ghotilo thosei tathaji naugna jateula kaisei phighoro eghu ka ghotilo.

Diutronomi 7:26

Ghotilo thosei hata mei kaisei glepo te diꞌa igre ka sugami re. Jame te eni ghotilo igne na, Lord ginauna goigoni ghami ghotilo jateula mana te goigonidi glepo igre eghu.”

Profet Esikiel 26:14

Iara ginauna snakreni nomi namono ghotilo igne mala jateula kaisei thina biꞌo te mala famomoja nodi fangna ke kligna gna mae te ugra ra eghu. Eghuteuna theo kaisei mae ka ghotilo na teke babana fapulo na namono igne. Naugna iara Lord God te chekeni igne.

Eksodas 22:19

“Ghotilo falelehe mae nalhaꞌu ba gaꞌase te eni puhi te diꞌa ka khuma ba ka bosu ba ka buluka teu are.

Josua 6:21

Mare ne thofno aknu falehe ne hui ka naflahi gaꞌase ba nalhaꞌu, mae majaghani, ba mae biꞌo, baludi buluka, sipu, nei dongki.