Diutronomi 13:10 - Buka Blahi Ka Cheke Holo

¹⁰ Iagho fadi faleheni mana ka thina, naugna mana ne fariuriu batu fadelei nigho iagho ka Lord nomi God ghotilo na, mae ihei teke fakarhi ghami ghotilo Ijep ka namono teke sneka ghotilo tagna ia.

Diutronomi 13:10 ပူးပေါင်းရင်းမြစ်များ

Josua 7:25

Mae Josua ne cheke eghu ka mana, “Naugna unha sagho te eni ka ghehati puhi biꞌo ignea? Nu Lord ginauna na jaola tusu ari puhi biꞌo ka iagho.” Aonu naiknore ne kafe hata thina ne fada falehedi mae Ekan nei tharaknagna. Eghuteuna mare ne gnubra ka khaꞌaghi thinidire balu nodi gobigna lepo fateote'o.

Fapea Kronikols 24:21

Nu king ne kaisei gaoghatho baludi nogna mae biꞌo re mala falehe mae pris igne. King ne chekedi mare ne fadini mana ka thina ne ghilei lehe ka glalaba ke ulugna nogna Sugablahi Lord.

Diutronomi 21:21

Eghume nabagna na maegna ka namono igne fada faleheni mana ka thina mala ghilei lehe mana. Ka puhi igne, ghotilo ginauna fahuhui puhi te diꞌa igne ke lamnami ghotilo. Aonu kate nomhini igne, naiknodi Israel igre ginauna mhaghu nodi fara.”

Levitikas 24:23

Kate tei Moses te cheke ka mare nogna cheke Lord igre ka naiknore, mare hata fajifla ne tei mae te cheke diꞌa ka nangha gna Lord igne. Eghuteuna mare ne fadini mana ka thina ne ghilei lehe. Ka puhi igne, mare ne edi unha teke chekedi Lord ka Moses.

Levitikas 20:27

“Jame kaisei mae ba gaꞌase cheke baludi tharungadi naikno teke lehe ra ba ka keha naitu, ghotilo fada faleheni ka thina, eghuteuna glehegna na eigna najafra gna mana thegna.”

Eksodas 20:2

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Diutronomi 4:19

Ghotilo fiofilo ghami glahu chaghi ghami mare korhi ghami mala pogho soru nei tarai eghu ka glepo te filodi ka maloa na are, naprai nei glaba, nei nathunu. Lord neke tusu mei glepo igre ka keha naikno te au heva heva ka nauthoglu igne mala tarai nei pogho soruni eghu God.

Diutronomi 13:5

Tifa na ghotilo neke sneka Ijep, eghuteuna Lord neke hata fajifla ghami neke fakarhi ghami ghotilo. Eghume ghotilo mala aknu falehe mae profet te fariuriu batu fadelei ghami ghotilo are, eigna mare magnahaghei ghami ghotilo te figri tagruni Lord nomi God, mala thosei ke eni mare puhi te batu fadiꞌadi naiknore igne.

Eksodas 32:27

Moses ne cheke eghu ka mare, “Igne unha te chekeni Lord nodi God naiknodi Israel, ‘Ghotilo te gnafa na kafe atha naflahi mala magra, eghuteuna tei ka vido te gnafa heva heva mala aknu falehe iheire teke eni puhi te diꞌa igne, neuba ne thabusimi, ba kherami, ba kherami fofodu ghotilo.’ ”

Diutronomi 17:5

ghotilo ginauna hata tei mae igne ba gaꞌase ke kosi namono mala fada falehe ka thina.

Diutronomi 17:7

Mae iheire te witnes ka puhi igne na te mala kulu fada faleheni mana ba gaꞌase ka thina na. Aonu keha naiknore tangomana te fadini mana ba gaꞌase na ka thina ke leghu. Igne unha te mala eni ghotilo te mala hata koko puhi te diꞌa igne ka namonomi ghotilore.

Fapea Kings 11:18

Mare kafe tei ka nogna Sugablahi Baal na ne paꞌe soru pari. Eghuteuna mare ne goigoni fahui olta te gnafa nei mumuju te gnafa teu ka vido te gnafa igre. Eghuteuna mare ne aknu faleheni mae Matan nogna pris Baal igne rhedi olta re. Pris Jehoeada ne cheke ka mae soldia re mala reireghini nogna Sugablahi Lord na.