Diutronomi 13:1 - Buka Blahi Ka Cheke Holo

¹ Mae Moses ne cheke eghu, “Jame kaisei mae profet ba kaisei mae ihei ke lamnami ghotilo mei chekeni ka ghotilo gaoghathogna mifi na, mana na mei eni kaisei kofubobhoi ba kaisei fagaglana.

Diutronomi 13:1 ပူးပေါင်းရင်းမြစ်များ

Ululahu Jone 4:1

Uve kheraguro, gognaro na kmana mae profet chaichaghi ka nauthoglu gne. Eghume kate toutonu naiknore, thosei fatutuani nodi cheke te gnafare, nu faglanidi eghu glahula gaoghatho te au ka mare tuare neke mei funu ka God.

Profet Jeremaea 29:8

Ghotilo thosei fanomho ka nodi cheke mae profet chaichaghi nei mae khaekae teu te au balumi ghotilo ka kantri Babilonia. Ghotilo thosei fanomho ka nodi mifi mae tuare.

Profet Jeremaea 27:9

Eghume ghotilo thosei fanomho ka mae profet chaichaghi, ka mae khaekae, ka mae neilehe, ka mae glalase nei ka mae iheire te ruarutha mifi. Ghotilo thosei fanomho ka mae igre kate chekeni mare te mala thosei au ke pari gna nogna nolaghi king gna Babilonia teuna.

Profet Isaia 9:15

Phaꞌudi mae igre na mae biꞌo igre, baludi naikno te fnakno nanghadire. Eghuteuna sekodi mae igre na hatimare mae profet te cheke chaichaghi koba igre.

Ululahu Kings 13:18

Mae profet khuekuꞌe igne ne cheke eghu, “Iara jaola kaisei mae profet jateula iagho eghu. Eghuteuna Lord neke kuruni kaisei engel neke mei cheke ka iara mala mei tali fapulo nigho iagho mala ke pulo ghamu nei koꞌu eghu ka sugagu iara na.” Nu mae khuekuꞌe igne chaghini mana kolho.

Fapea Tesalonika 2:9

Mae mala huhughuni vetula igne ginau mei ka nogna nolaghi mae Satan, eghuteuna mana ginauna edi kmana kofubobhoi chaichaghi, fagaglana nei glepo biꞌo mala jaglo naiknore.

Luku 6:26

Puhi biꞌo ka ghotilo te cheke fakeli ghami naikno are! Igne fagaglana gna ghotilo te jateula mae profet chaichaghi tifa ra teuna. Naugna mae tifa re neke cheke fakelidi fabrahu mae profet chaichaghire.”

Nonomho Te Keli Teke Risoi Mae Mak 13:22

Naugna mae Kraes chaichaghi nei mae profet chaichaghi teure ginauna na thakle mei. Eghuteuna mare ginauna na eꞌei kmana fagaglana, nei kmana kofubobhoi mala fariuriu chaghidi naikno teke vavahi God. Nu theome tangomana te chaghidi.

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Matiu 24:11

Kmana profet chaichaghi ginauna thakle mei. Mare na batu fadiꞌadi naikno kmana mala fatutuanidi kolho glepo te chaichaghire.

Matiu 7:15

Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.

Profet Sekaraea 13:4

“Ka narane tuana, mae profet te gnafa igre ginauna mamaja nodi fara eigna mifi teke filoni mana na. Theo kaisei ka mare nate pipichi nogna pohe profet te mala chaghidi naiknore, te mala ghathoni mana kaisei mae profet teuna.

Profet Sekaraea 10:2

Nu naiknore toreni mumuju god mala toghodi, eghuteuna mare toreni mae khaekae mala chekeni unha nate thoke mei na. Nu cheke tughu te eni mana na khogla chaghi kolho. Mare rurutha gaoghathodi mifi re, nu mare khogla chaghidi kolho mare. Mare edi igre ka naiknore mala fatutuanidi glepo te theome tangomana nate toghodi naiknore. Naugna igne, naikno igre tei tafri jateula sipu te snivi mata ra eghu. Uve, mae igre papara jateula sipu te theo kaisei naikno te reireghidi ra eghu.

Profet Esikiel 13:23

Eghume funu gognarogna iara theome snakredi goro gaꞌase igre te toutonu chaichaghi eidi mifi, ba chaichaghi eidi glepo nate thoke mei ginau. Gobigna lepo igre ginauna hui. Iara ginauna fakarhidi nogu naikno gre ka ghotilo. Ka narane tuana, ghotilo ginauna laseni te iara Lord.’ ”

Profet Jeremaea 23:11

Aonu Lord ne cheke eghu, “Hatimare mae profet nei hatimare mae pris teu igre mare jaola au fakhaba ka iara. Neuba mare ne au neu ke lamnagna nogu Sugablahi iara igne, mare eni ngala puhi te thono diꞌa fara na.

Profet Jeremaea 6:13

Iheire te fnakno ba iheire te theome fnakno, mae igre kafe edi thua nafnata puhi te diꞌare mala atha nodi kmana sileni ka naiknore. Uve, neubane mae pris ba mae profet, mare chaichaghidi fara naiknore.

Fapea Pita 2:1

Tifa na kmana mae profet chaichaghi farihotei naiknodi Israel. Eghuteuna hatimare mae velepuhi chaichaghire ginauna jaola kegra haghe farihoteimi ghotilo. Mare ginauna farirhiu chaichaghi ghami ghotilo nu theo kaisei naikno ghosei te filo glanini u najafra te eni mare na. Eghuteuna mare ginauna fariuriu fadiꞌa ghami ghotilo, naugna mae velepuhi igre neke figri tagruni nodi Lord Jisas, mae ihei teke fakarhidi ka nakhibo. Eghume God ginauna ghosei roꞌedi mare naugna mare neke leghuni nodi puhi thedire.

Profet Jeremaea 29:24

Lord mae ihei te au nolaghi fateote'o, nodi God mae Israel igne ne cheke ka iara mala fatei kaisei nonomho ka mae Semaea, maegna Nehelam te tei au Babilonia. Nonomho igne cheke eghu, “Ghema Semaea, iagho neke rioriso kaisei letas ka nanghamu themu mala fatei ka naikno te au faleghu teu Jerusalem ra, nei ka mae pris Sefanaea thugna mae Masea, nei ka mae pris te gnafa te au Jerusalem. Iagho rioriso eghu ka mae Sefanaea:

Diutronomi 18:20

Nu jame kaisei mae profet cheke ka nanghagu iara unha teke theome chekedi iara ka mana re, ghotilo faleheni mana. Eghuteuna jame kaisei mae profet cheke ka nanghadi keha god delei, ghotilo jaola faleheni mae igne.’

Profet Jeremaea 23:32

Uve, iara jaola theome magnahaghedi mae profet chaichaghi te toutonu eidi mifi te fodu ka chaichaghi igre. Mare toutonu eidi kmana chaichaghi biꞌo, eghuteuna batu fadeleidi nogu naikno iara re. Iara neke theome kurudi nei theome vahidi neku mae profet igre. Mae profet chaichaghi igre theome toghodi nogu naikno iara re.” Igne chekegna Lord.

Profet Jeremaea 29:26

‘Sefanaea, Lord na vahi nigho iagho mala tughuni mae Jehoeada mala mae pris ulu ka nogna Sugablahi Lord. Iagho tangomana te lokini kaisei mae fameomekro te loku jateula kaisei mae profet teu ana. Iagho loki khame gna nei ghahe gna teu manare fari hotei thaba, aonu fabaꞌo lao kaisei chen aean ka grara gna mana na.

Diutronomi 4:1

Mae Moses neke cheke eghu, “Ghotilo naiknomi Israel ra fanomho fakeli ka cheke nei vetula eghu nate farirhiu ghami iara igre. Eghuteuna jame te leghudi ghotilo cheke nei vetula teu igre na, Lord nodi God kuꞌemi ghotilo tifa ra mana ginauna fakarhi ghami, eghuteuna ghotilo ginauna tangomana nate tei te hata glose tarabana teu te mala tusu ari ka ghotilo.

Diutronomi 4:2

Ghotilo thosei ke nhaꞌa lao ba hata koko kaisei phugra cheke ikoi kate tusu ari iara ka ghotilo igre. Cheke igre nogna cheke Lord mala leghudi ghotilo.

Ululahu Kings 13:19

Aonu kate nomhini cheke igne, mae profet gna Juda igne neke pulo balugna mana, eghuteuna mana ne ghamu nei koꞌu neu balugna mana.

Proveb 30:6

Thosei tuthughu nogna cheke mana na, glahu diꞌatagna mana ka iagho, eghuteuna ke leghu na naiknore na laseni te kaisei mae chaichaghi iagho na.