Diutronomi 12:7 - Buka Blahi Ka Cheke Holo

⁷ Ka vido blahi tuana, ghotilo baludi tharaknami re tangomana te mei ke ulugna Lord nomi God. Jare ghotilo tangomana te ghamu gano te keli mala glealeꞌa ka gobigna lepore, naugna mana neke fablahidi nomi gloku ghotilo re.

Diutronomi 12:7 ပူးပေါင်းရင်းမြစ်များ

Diutronomi 12:18

Ghotilo baludi thumi nei nomi mae gloku nei vikegna mae Livae te au balumi ghotilo are eghu, ghotilo te gnafa na ginauna mala ghamu glepo blahi re ke ulugna Lord ka vido blahi teke vahini mana na. Jare ghotilo tangomana te gleꞌa ka gobigna lepo te edi ghotilo re.

Diutronomi 14:26

Aonu ghotilo hata sileni igne mala foli buluka, ba sipu, ba waen, ba beer, ba keha nafnata ganoi. Eghuteuna ghotilo te gnafa baludi tharaknami are tangomana te ghamu nei glealeꞌa eghu ka vido blahi te au Lord nomi God.

Levitikas 23:40

Ka narane ululahu gna narane biꞌo igne, ghotilo mala hata mei famane sisi ka nomi gaju ghotilo ra, eghuteuna ghotilo mala hata khakladi gaju thubo, nei gregedi gaju te au kmana khaklagna, mala fufunu narane biꞌo igne. Eghuteuna ghotilo mala glealeꞌa nei ghatho tahu ghau iara Lord nomi God ghotilo.

Diutronomi 12:12

Ka vido blahi tuana ghotilo tangomana te glealeꞌa ke ulugna Lord. Ghotilo baludi thumi nalhaꞌu nei thumi gaꞌase, nei nomi mae gloku teure, ghotilo te gnafa na tangomana te glealeꞌa jare na. Eghuteuna ghotilo mala edi vikedi mae Livaet te au ka nomi namono ghotilo are mala mei glealeꞌa balumi ghotilo jare, naugna mare theo nodi glose thedi.

Filipae 4:4

Gleale'a koba balugna noda Lord. Uve, iara nake fapea chekei ngala ka ghotilo, gleale'a!

Diutronomi 27:7

Jaola ghotilo edi fafara igre mala laseni te ghotilo au fakeli balugna Lord. Eghuteuna kate ghamu ghotilo fafara igne ke ulugna Lord na, ghotilo ginauna tangomana te thofno glealeꞌa fara tagna.

Diutronomi 15:20

Aonu leuleghu finogha kate tei ghotilo balu tharaknami ka vido blahi aheva teke vahini Lord nomi God igne, ghotilo mala fafara nei ghamu eghu gano igre jare.

Diutronomi 14:23

Hata fabothodi gano, nei waen, nei oel, nei sua teke kulu karha ka nomi buluka ghotilo re. Hata tei glepo igre ka vido blahi aheva Lord teke vahini. Jare te mala ghamu ghotilo glepo igre ke ulugna Lord, nomi God. Ka puhi igne ghotilo ginauna laseni unha te magnahagheini mana na.

Mae Khuru 2:46

Leghu narane na mare salo fodu kau nogna Sugablahi God na mala tarai fodu nei jaola ima fodu ka sugadire balu gleale'a ka nagnafa te keli,

Profet Malakai 2:13

Mae profet Malakai ne cheke eghu, “Kaisei glepo te chekeni koba ghotilo na igne: Kate laseni ghotilo te theome magnahagheni Lord unha te tusu lao ghotilo ka mana na, ghotilo tanhi ghilei lao ke kligna olta kholo te tathamire.

Profet Isaia 23:18

Nu sileni te hata mare ka bisnis igre mala nogna Lord. Mare ginauna theome tathaji sileni igre, nu mala tufa ka naikno te loku ranghini Lord. Aonu nogna mae gloku Lord igre ginauna au ghedi kmana gano balu nodi famane pohe.

Diutronomi 26:11

Aonu iagho nei mae Livaet nei hatimare mae phosa te au balumu iagho igre, ghotilo tangomana te ghamu gano te keli ka gaghamu igne mala glealeꞌa ka gobigna lepo Lord teke tusu ari ka ghotilo ra.

Diutronomi 12:8

“Gognarona ghotilo theome tei posa ngau ka glose teke tusu ari Lord ka ghotilo igne. Glose igne nate au fakeli ghotilo tagna ginauna. Eghume gognarona tahati mala fafara leghudi noda gaoghatho theda re. Nu kate tei posa ghotilo ka glose igne na, ghotilo ginauna theome tangomana na teke fafara jateula te edi ghotilo gognarogre teuna.

Diutronomi 28:47

Kate fablahi ghami Lord ka glepo te kmana re, eghuteuna ghotilo theome thofno keli tami te pogho soru ka mana teuna,

Nehemaea 8:9

Kate nomhidi naiknore cheke ka Vetula na igre, mare diꞌanagnafa ne tanhi fabiꞌo. Nu iara mae Nehemaea gavana gna Juda balugna Pris Esra nei mae Livaet mae iheire te toghodi naiknore te mala laseni Vetula igne, ghehati ne cheke eghu ka naiknore, “Narane igne blahi fara ka Lord noda God. Eghume ghotilo thosei diꞌanagnafa nei tanhi eghu.”

Eklesiasti 3:12

Te laseni iara na kaisei glepo ngala te ulu fara te mala eni tahati na: Tahati mala glealeꞌa nei mala edi eghu glepo te kelire kate au teu tahati ka nauthoglu igne.

Eklesiasti 3:13

Doglou kolho te mala ima nei koꞌu nei glealeꞌa teu tahati na, naugna God neke tusu ranghi ghita puhi igne mala glealeꞌa na.

Eklesiasti 5:18

Glepo ulu jame te eni tahati ka nakarha te kmoꞌei teke tusu ranghi ghita God igne na, eghu agne, tahati ghamu gheda, koꞌu gheda nei glealeꞌa noda eghu ka unha teke loku hetadi theda igre. Theo kaisei glepo nate eni tahati na.

Profet Joel 1:16

Tahati la filo tathadahi te theo gano te mala fafara na, eghuteuna tahati gognarona theome tangomana te gleale'a na ka narane te tei tarai ka Sugagna Lord.

Profet Joel 2:26

Ka narane igre, ghotilo ginauna nake gleale'au, naugna ghotilo ginauna nake au ghemi kmana gano. Ghotilo ginauna cheke fakelini nanghagu iara nomi Lord nei nomi God, naugna iara neke edi kmana glepo te keli ranghi ghami ghotilo. Eghuteuna theo kaisei naikno nate famamaja ghami ghotilo na.

Ululahu Kronikols 29:22

Naiknore ne ghamu nei koꞌu neu ke ulugna Lord ka narane tuana balu glealeꞌa biꞌo. Aonu naiknore ne fapea chekeni te Solomon ngala nodi king mare na. Eghuteuna hatimare mae pris ne tofa oel ka phaꞌugna mana na ka nanghagna Lord, eghuteuna mae Solomon ne kegra king ka narane igne. Eghuteuna mare ne jaola ka mae Sadok mala nodi pris.

Profet Isaia 62:9

Eghume, ghotilo iheire teke kmusa ka atha gano ra, ghotilo ginauna ima ka gano teke joꞌu themi re, eghuteuna ghotilo ginauna cheke fakelini Lord eidi gano igre. Ghotilo iheire teke kmusa ka reireghi nagare grep ra, eghuteuna ghotilo iheire te atha te mei sisi grep teura, ginauna ghotilo kolho nate koꞌu waen ke lamnagna nogu Sugablahi iara na ka narane te fafara ghotilo te tegio ka iara na.”

Profet Esikiel 44:3

Nomi king ghotilo thegna kolho te tangomana te mei gnokro lamna ka grengatha igne ke ulugu iara mala ghamu vido gano teke fafara te thono blahi fara igne malagna mana kolho. Ginauna mana kolho nate tangomana te mei lamna nei jifla teu ka grengatha te figri tei ka glalaba biꞌo igne.”