Diutronomi 12:6 - Buka Blahi Ka Cheke Holo

⁶ ghotilo nate hata te mei unha te mala fafara na. Fafara te thofno krono nei keha nafnata fafara la ngau, nei kaisei nomi fabotho re, nei nafnata fafara te nheta eigna nhaꞌa cheke, nei keha nafnata fafara te edi ghotilo leghuni unha te magnahagheni ghotilo, nei nomi sua buluka te karha ulu.

Diutronomi 12:6 ပူးပေါင်းရင်းမြစ်များ

Luku 18:12

Iara theome ima phei narane ke lamnagna kaisei wik naugna iara dangna. Eghuteuna iara tangomana te tusu ranghi nigho iagho fabothodi nogu sileni teke hata iara ka nogu gloku na.’

Luku 11:42

“Puhi biꞌo ka ghotilo, mae Farasi ra! Naugna ghotilo tangomana te tusu lao ka God kaisei ka fabothodi ghemi khuromu te kilodi mint, nei ruꞌu, nei keha glepo ikoi langau teke hata ka nomi nagare re. Nu ghotilo ghatho ihodi te mala toghodi naiknore nei ghatho iho nila te mala namhani God. Glepo te ikodi igre te mala edi ghotilo re, nu ghotilo thosei ghatho dila glepo te biꞌo are.

Profet Malakai 3:10

Ghotilo atha mei ka iara fabothodi unha teke atha ghotilo ka nagare are mala kmana ghedi gano nogu mae gloku iara gre. Te eghu ghotilo na, iara ginauna na thofno fablahi ghami ghotilo, eghuteuna ghotilo ginauna na theome kmoꞌe ka gano na. Ginauna ghotilo na laseni unha te chekeni iara igne thofno tutuani fara.

Profet Malakai 3:8

“Eghume te chekeni iara ka ghotilo na, ‘Ghotilo blau nogu glepo iara re. Puhi te diꞌa igre theome gnafa ka ghotilo eghu.’ “Thogheiro na ghotilo nake cheke ka iara, ‘Naugna unha sagho te chekeni ne blau ghehati nou glepore teu gnea?’ “Filo si ghotilo, ghotilo chaghi ghau iara, naugna ghotilo ne theome atha ne mei ka iara fabothodi gobigna lepo malagu iara teku ghotilora.

Profet Esikiel 20:40

Iara Lord God cheke tutuani ka ghotilo: Iara ginauna hata fapulo ghami ghotilo ke kligna nogu thogele blahi Israel. Ka vido igne, naikno te gnafa Israel igre ginauna fafnakno ghau iara eghuteuna iara ginauna kelitagu fara ka mare. Eghuteuna ka vido tuana, ghotilo ginauna tangomana te tusu mei nomi namha re ka iara baludi nomi fafara blahi ghotilo re.

Diutronomi 26:2

ghotilo mala hata gano saro ulu ka nagare ghotilo are. Ghotilo mala lilisei gano igre ka kaisei kharaꞌo. Aonu ghotilo mala hata tei ka vido blahi teke vahini Lord aheva te mala au nanghagna mana na.

Diutronomi 12:17

Gobigna lepo te tufa ghotilo ka Lord igre, ghotilo thosei ghamu ka sugami re. Neubane kaisei ka fabothodi gano ba waen ba oel, eghuteuna neubane sua karha ulu ka nomi glepo te tautagu ghotilo, ba fafara eigna kaisei nhaꞌa cheke, ba kaisei fafara te eni ghotilo leghuni unha te magnahagheni ghotilo na, ba keha fafara la ngau, gobigna lepo jateula igre teuna blahi te ghamu ghotilo ka sugami re.

Levitikas 1:3

Lord ne cheke eghu, “Jame kaisei mae ka ghotilo magnahaghei mala fafara buluka nalhaꞌu te thofno krono, mana mala atha kaisei te famane te theome au kaisei thona ka thinigna na. Mana mala tusu mei ka iara ka grengathagna Suga tapuale te Blahi te namo ka Olta te mala Gahu Fafara tagna na, mala kelitagu iara. Eghuteuna mae igne mala habo lao khamegna na ka phaꞌugna buluka nalhaꞌugna, eghuteuna iara ginauna kelitagu ka fafara tuana mala atha koko nakhibogna mae igne. Eghuteuna mana mala falelehe buluka nalhaꞌugna na ke ulugu iara, eghuteuna mae pris ka vikegna mae Eron igne ginauna atha dadaragna na atha mei ka iara mala totofa ka fati philegna olta na.

Josua 22:27

Olta igne mala falase ghita tahati te gnafa nei phagusu te gnafa teu igre tangomana te tei ka nogna Suga Tapuale te Blahi Lord te mala edi soasopai nafnata fafara igre. Ka puhi teu igre iheire nate karha mei ginau ka vikemi ghotilo re ginauna na theome cheke eghu ka iheire nate karha mei ka thilo vikemi ghehati igre, ‘Ghotilo theome tangomana te tarai ka Lord.’

Ululahu Samuel 1:24

Kate biꞌohi sua na, Hana hata ne tei thugna na Saelo ka sugagna Lord, naꞌa hata kaisei sua buluka nalhaꞌugna te thilo finogha gna, katha kilo flaoa, nei kaisei botol waen.

Esra 3:2

Aonu pris biꞌo Jesua, thugna Jehosadak, nei keha mae pris nei mae Serubabel, thugna mae Sealtiel baludi kheragna mana re, mare neke horo fapulo nogna olta God gna Israel, mala tangomana mare teke gahu fafara tagna. Igne thofno leghuni unha te au ka nogna Vetula mae Moses, nogna mae gloku God.

Nehemaea 10:39

Leuleghu finogha na ghehati naiknomi Israel baludi mae Livaet igre, ghehati ginauna hata mei nomi thotogho re ka gano, nei waen majaghani, nei oliv oel majaghani teu igre mala hata mei mala lilisei ke lamna chogho ka Sugablahi aheva te tathaji teu mare glepo mala loku ka Sugablahi igne. Eghuteuna mae pris, nei mae mala reireghi grengatha, nei mae mala koje eghu au tagna. “Ghehati ginauna reireghi fakelini nogna Sugablahi nomi God ghehati na.”

Ululahu Samuel 1:21

Mae Elikana haghe balu tharakna gna Saelo ne fafara ka Lord jateula te sughu edi koba mare leuleghu finogha ra neu, mala thofno doglo nogna nhaꞌa cheke na.

Fapea Kronikols 7:12

Aonu Lord mei bongiro ne cheke eghu ka Solomon: “Iara la nomhinihi nou tharai iagho ia. Iara la vahinihi Sugablahi igne, eghuteuna ghotilo ginauna mei agne mala fafara ka iara.

Fapea Kronikols 31:14

Eghuteuna kaisei mae Livaet nanghagna na Kore, thugna Imna, mana te reireghini grengatha gna Sugablahi fei ke maghati na. Mare jaola vahini mae Kore mala hata thufa teke tusu ranghini God naiknore, leghuni nodi magnahaghei thedi na. Eghuteuna mana jaola tufa gano igre ka hatimare mae pris nei hatimare mae Livaet.

Nehemaea 10:36

“Eghuteuna ghehati ginauna hata mei ka hatimare mae pris thumi nalhaꞌu teke kulu karha, nei buluka teke kulu karha, nei sipu teke kulu karha, nei nomi nanigot, mala fablahidi, leghuni unha te chekeni ka vetula na.

Nodi Khoje Hatimare Mae Jiu 116:17

Iara ginauna fafara mala tegio ka iagho. Uve, iara ginauna tarai ka iagho mala tegio nigho.