Aonu ghotilo mala tei hata mei gobigna lepo teke chekedi re ka kaisei vido blahi kolho aheva Lord nomi God teke vahini te mala au nanghagna na jare. Ka vido blahi tuana kolho, te tangomana ghotilo hata te mei glepo teke chekedi iara ka ghotilo ra. Igne fafara te thofno krono na, nei keha nafnata fafara langau eghu, nei kaisei ka fabothodi nomi glepo re, nei kaisei nomi glepo te keli teke nhaꞌa cheke ghotilo te mala tusu lao ka Lord.
Diutronomi 12:5 - Buka Blahi Ka Cheke Holo5 Nu ghotilo mala filoni kaisei vido blahi kolho aheva Lord nomi God nate vahini te mala au fabrahu nanghagna mana na jare eghuteuna ghotilo mala ghatho tahuni nanghagna mana na. Ka vido blahi tuana kolho အခန်းကိုကြည့်ပါ။ |
Diutronomi 12:5
50 ပူးပေါင်းရင်းမြစ်များ
Lord ginauna vavahi kaisei vido blahi kolho ka nogna glose kaisei vike ka ghotilo. Eghume ghotilo filo ghami thosei gahu fafara ka kaisei vido aheva ghotilo te magnahagheini. Ghotilo mala gahu nomi fafara re ka vido blahi tuana kolho, eghuteuna jare ghotilo mala jaola edi keha glepo blahi teke chekedi iara ka ghotilo ra.
Mana neke cheke eghu, ‘Funu ka narane teke hata fajifladi iara nogu naikno re Ijep te ghilei mei posa ka narane gognarogne, iara neke theome vahini kaisei namono biꞌo ka nodi vido glose vikegna Israel te mala horo ghotilo nogu Sugablahi iara tagna na, te mala tarai ghotilo ka Nanghagu iara na. Nu Iara neke vahi Devet mala funei frunidi nogu naikno iara Israel.’
Ka narane igre, Rehoboam thugna mae Solomon, mana neke king gna Juda kate phiatutu kaisei finogha na. Mana neke funei Jerusalem nabagna nabotho fitu finogha ka namono aheva teke vavahi Lord ka vike te gnafa Israel. Mana neke vahini namono igne mala pogho soruni nanghagna na jare. Idogna king na, nanghagna na, Nama, ka vikegna mae Amon.
“Ghotilo atha keha glose mala hohoro nogu olta iara. Eghuteuna ka olta igne ghotilo mala fafara sipu, nanigot nei buluka eghu ka vido aheva teke vahini iara ranghi ghami ghotilo te mala pogho soru ranghi ghau na. Jame te eni ghotilo igne ka vido aheva teke vahini iara te mala pogho soru ranghi ghau na, iara ginau na soru mei mala fablahi ghami ghotilo.
“Jame keha fata, keha puhi biꞌo te ninhigrana fara ranghini mae mala fate te fadogli gna na thoke mei. Jame puhi biꞌo eigna mae te lehe, ba fapholai ka thua nafnata vetula, ba ka puhi eigna kaisei mae te ghoreho. Jame puhi biꞌo jateula igne eghu thoke mei, ghotilo mala tei fadoglini ka vido blahi aheva teke vahini Lord, nomi God.
God neke vahini Jerusalem mala jateula namono aheva te mala tarai nei tufru soruni nei kilo fnaknoni eghu nanghagna mana na. Eghuteuna mana thegna ngala nate koko soruni kaisei king ba kaisei kantri te fariuriu tuthughu nogu cheke iara na, ba fariuriu goigoni nogna Sugablahi God igne Jerusalem! “Iara King Darius te faꞌari cheke igne. Eghume ghotilo loku heta mala faꞌuveni cheke igne.”
Tutuani, iara neke vahini suga igne mala tufru soru ghau iara ghotilo. Eghuteuna te ghathoni ghotilo na, suga igne ginauna togho ghami mala au fakeli. Nu te cheke fadoglo arini iara ka ghotilo na, iara ginauna na roꞌe soru suga igne jateula teke eni iara Saelo tifa ia eghu. Eghuteuna iara ginauna na jaola goigoni glose teke tusu ari iara ka mae kuꞌemi ghotilo ra.
Mae komanda gna Asiria igne tudu ne cheke eghu, ‘Glahu chekeni iagho ka iara te rouronu iagho ka Lord nou God na fou? Nu filo si ghotilo! King Hesekaea la goigonihi nogna vido blahi nei nogna olta teu Lord ra. Eghuteuna mana cheke faheta ka ghotilo naiknomi Jerusalem nei Juda teu ra mala pogho soru ka kaisei olta kolho Jerusalem.’
Nu jame teke figri mei ghotilo ka iara na, eghuteuna leghudi ghotilo nogu cheke iara gre teuna, iara ginauna nake hata fapulo ghami ghotilo. Neuba ghotilo ne tei au tafri delei fara ka nauthoglu igne, iara ginauna hata fajifla ghami ghotilo ka vido igne mala hata ghami ghotilo mala ke pulo mei ka vido aheva teke kulu vahini iara te mala tarai ghotilo ka iara na.’
ကြော်ငြာတွေ