Diutronomi 12:3 - Buka Blahi Ka Cheke Holo

³ Ghotilo mala paꞌe sukha nodi olta re, eghuteuna goigoni nodi mumuju thina re. Eghuteuna ghotilo gnubra ka khaꞌaghi mumujugna god gaꞌase Astarot, eghuteuna kato sukha mumujudi nodi god re. Eghuteuna ghiha koko nanghadi nodi god re ka vido tuare mala theome tangomana kaisei naikno na teke ghathodi re.

Diutronomi 12:3 ပူးပေါင်းရင်းမြစ်များ

Jajis 2:2

Eghuteuna ghotilo thosei ke eni kaisei nhaꞌa cheke baludi naikno te au ka namono Kenan igne, eghuteuna ghotilo ginauna paꞌe soru nodi olta naikno bongihehe are.’ Nu ghotilo theome edi kolho unha teke chekedi iara ka ghotilo ra. Naugna unha site edi ghotilo glepo igrea?

Naba 33:52

ghotilo ginauna brue fajifla naikno te au jare re. Ghotilo ginauna goigoni nodi mumuju thina ba aean teu mare re, eghuteuna ghotilo jaola goigoni nodi vido blahi mare re.

Profet Sekaraea 13:2

“Jaola ka narane tuana, iara ginauna atha fadelei mumuju blahi te gnafa ka glose igne, mala theome tangomana naiknore teke ghathodi nanghadi re. Iara ginauna ngolhi fajifladi profet chaichaghi te kilodi thedi nogna profet God nu theome tutuani, baludi iheire te magnahaghei fara te mala tarai ka mumuju blahi igre.

Nodi Khoje Hatimare Mae Jiu 16:4

Iheire te tufru soru ka mumuju tuare ginauna hata mei kmana hoholo kolho ka thedi. Iara ginauna na theome fafara fodu baludi, ba cheke thakledi nanghadi nodi god mare tuare.

Diutronomi 7:5

Eghume ghotilo mala roꞌe soru nodi olta nei mumuju thina, nei roꞌe soru mumuju gna gaꞌase god Astarot, eghuteuna ghotilo mala gnhubra nodi mumuju mare re.

Eksodas 23:13

“Fanomho fakeli nei leghudi eghu ghotilo unha te cheke iara ka ghotilo igre. Iara theome snakre ghami ghotilo te pogho soru te tarai ghotilo ka mumuju na, ba te chekedi ghotilo nanghadire. Nangha tuare iara theome magnahaghei te nomhidi ka foflomi ghotilore.”

Thakle 13:1

Ke leghu na iara ne fapea fata filoni bosu na ne thakle ka nhorora na. Bosu tuana au fitu pha'ugna nei nabotho honagna. Ka honagnare kafe au khepi nafnakno nei ka pha'ugnare jaola au teke rioriso mare nangha te thofno cheke faparini God.

Profet Maeka 5:14

Iara ginauna paꞌe soru nomi mumuju god gaꞌase Asera te au tafri ka nomi kantri ghotilo igne, eghuteuna iara ginauna goigoni nomi namono ghotilo igre.

Profet Hosia 2:17

Iara ginauna nake theome snakreni naꞌa mala cheke fakelini nanghagna Baal.

Profet Jeremaea 17:2

Ghotilo jaola leghudi fabrahu puhidi vikemi tifa teke pogho soru ka nogna olta mumuju god gaꞌase Asera, ba ke pari gaju blahi, ba ke kligna thogele biꞌo.

Fapea Kronikols 34:3

Ka fahana finogha Josia te king kate mae sitei fara nga teuna, mana ne funu tarai ka nogna God kuꞌegna King Devet. Eghuteuna ka fabotho phei finogha na, mana ne funu fagagae Jerusalem ghe Juda mala klino ka tathagna Lord. Mana ne goigoni fahui nodi vido blahi mae bongihehe re, nei hata koko mumuju gna god gaꞌase Asera nei keha mumuju langau eghu.

Fapea Kronikols 31:1

Kate gnafa Gaghamu Ghasa-Polho igne, naiknore ne tei ka namono te gnafa Juda igre ne pike nguanguja khegra thina brahure, eghuteuna mare kato soru pari mumuju gna god gaꞌase Asera igne. Eghuteuna mare jaola goigoni nodi vido blahi mae bongihehe nei olta teure. Ke leghu, mare jaola ne eni nafnata puhi igne ka keha vido ka namono Juda nei ka namono ka nohi Benjamin, nei ka nohi Efrem, nei ka nohi Manase. Aonu naiknodi Israel igre neke figri ka namonodi re.

Fapea Kronikols 19:3

Neuba, iagho eni unha glepo te keli na. Iagho neke kato soru mumuju gna god gaꞌase Asera, eghuteuna iagho thofno toreni God mala togho nigho.”

Fapea Kings 23:14

King Josia ne rurhuja thina blahi igre, eghuteuna kato soru mumuju gna god gaꞌase Asera. Aonu mana ne koko tafri nhubradi naikno teke lehe re ka vido tuana.

Fapea Kings 18:4

Mana paꞌe nodi Sugablahi te mala tarai mare ka mumuju na, eghuteuna rofo soru nodi thina te brahu fara na, eghuteuna kato soru mumuju gna gaꞌase Asera na. Eghuteuna mana jaola kina ruaruja mogo teke eni mae Moses ka bras tifa igne. Mogo igne mare kiloni, “Nehustan, ba mogo neke horo ka bras.” Mana eni igne naugna naiknore tei neke gahu insens koba ka mumuju gna mogo na.

Ululahu Kings 15:13

Mana jaola ne fagnafani kavegna na ka sapegna Kuin, naugna naꞌa ne eni kaisei mumuju god gaꞌase Astarot. Eghuteuna mana ne kato soru mumuju god gaꞌase igne ne koko lao ka khaꞌaghi ka glogu Kidron.

Fapea Kronikols 14:3

Mana hata fadelei nodi olta naikno bongihehe, nei jaola ne fadidiꞌa nodi vido blahi te mala tarai mare ka mumuju god, nei paꞌe soru thina te brahu fara te blahi fara ka mare igne, nei kato soru nodi mumuju god gaꞌase Asera.

Eksodas 23:24

Ghotilo thosei pogho soru ba tarai ka nodi mumuju god naikno te au ka namono tuare. Ghotilo thosei atha nafnata tharai te edi naikno tuare. Ghotilo roꞌe fahui mumuju god te pogho mare tadi are, nei jaola kuri leuleghu thina blahi te kegra teu ka vido te mala tarai mare na are.

Eksodas 34:13

Nu igne unha te mala eni ghotilo na, ghotilo paꞌe soru nodi olta are, goigoni nodi thina blahi are, eghuteuna ghotilo kato soru mumuju gna nodi god gaꞌase mare Astarot.

Diutronomi 7:25

Ghotilo gnubra nodi mumuju re ka khaꞌaghi. Eghuteuna ghotilo thosei mamagnadi silva nei gol eghu te au ka mumuju igre ba hata malami themi, nu ghotilo mala gnubra fahui. Glepo igre diꞌa fara ka Lord nomi God. Ghotilo thosei tathaji naugna jateula kaisei phighoro eghu ka ghotilo.

Diutronomi 12:4

“Ghotilo thosei leghudi puhidi naikno bongihehe te au ka glose tuana kate pogho soruni ghotilo Lord nomi God na.

Ululahu Kings 14:15

Lord ginauna farhani ni Israel mala jateula fora te blele tafri ka nabritha ra eghu. Uve, Lord ginauna khi fajifladi naiknodi Israel mala tei kokoni mare nodi thofno namono te keli teke tusu lao Lord ka kuꞌedi mare tifa ra. Eghuteuna mana ginauna na eni igne mala tei fagaꞌu mare ka keha phile Khoꞌu biꞌo Iufretis. Mana ginauna eni igne, naugna mare ne tarai ka mumuju god gaꞌase Astarot.

Fapea Kings 11:18

Mare kafe tei ka nogna Sugablahi Baal na ne paꞌe soru pari. Eghuteuna mare ne goigoni fahui olta te gnafa nei mumuju te gnafa teu ka vido te gnafa igre. Eghuteuna mare ne aknu faleheni mae Matan nogna pris Baal igne rhedi olta re. Pris Jehoeada ne cheke ka mae soldia re mala reireghini nogna Sugablahi Lord na.

Profet Isaia 27:9

Jame te magnahagheni God te hata fadeleidi nakhiboda re na, tahati vikegna mae Jekop gre, tahati ginauna paꞌe soru nodi olta keha god igre mala bruja ghilei vuhai nakrofu kolho. Eghuteuna ginauna na theo kaisei mumuju god gaꞌase Asera ba kaisei olta mala gahu insens te au ka vido igne.

Fapea Kronikols 14:2

Asa edi unha glepo te keli nei doglo teure ka tathagna Lord nogna God.