Diutronomi 12:27 - Buka Blahi Ka Cheke Holo

²⁷ Ka vido blahi igne kolho, ghotilo ginauna tangomana te hata te mei fafara te thofno krono na ke kligna gna nogna olta Lord nomi God. Eghuteuna keha nafnata fafara te edi ghotilo ra, ghotilo tangomana te ghamu nafnahigna na, nu dadaragna na, ghotilo tofa soru ke kligna olta.

Diutronomi 12:27 ပူးပေါင်းရင်းမြစ်များ

Levitikas 17:11

Gobigna lepo te karha igre, nakarhadi na au ka dadaragna na. Naugna igne iara vahini dadaragna fafara na pris tangomana te toatoafa dadara igne ka olta na mala hata fadelei nakhibomi ghotilo re. Naugna dadaragna glepo te tautagu na jateula nakarhagna eghu, eghume dadara na tangomana te hata fadelei nakhibomi ghotilo re.

Levitikas 4:30

Aonu pris tihi lao geghesugna na ka dadara igne eghuteuna ghiha ka fati honagna olta na. Eghuteuna mana totofa keha vido dadara ka pesigna olta na.

Levitikas 3:1

Lord ne cheke eghu, “Jame kaisei mae ka ghotilo magnahaghei fafara mala au fakeli balugu iara, mana tangomana te atha kaisei nalhaꞌugna ba gaꞌase gna buluka te theo kaisei thona ka thinigna na, eghuteuna mana atha mei ke ulugu iara.

Profet Jeremaea 7:21

“Iara nomi God ghotilo maemi Israel, iara Lord mae ihei te au nolaghi fateote'o. Iara tore ghami ghotilo mala gahu keha fafara ka iara, eghuteuna kehare ghotilo tangomana te ima na. Nu gognarona iara theome gleꞌadi fafara te edi ghotilo ka iara igre. Eghume, jame te keli na ghotilo ima nafnahi te fafara ghotilo are.