Diutronomi 12:23 - Buka Blahi Ka Cheke Holo

²³ Nu ghotilo thosei koꞌu dadara, naugna nakarhagna glepo te tautagu igne au ka dadaragna na, eghuteuna blahi te ghamu nafnahi te au teu karha tagna na.

Diutronomi 12:23 ပူးပေါင်းရင်းမြစ်များ

Levitikas 17:11

Gobigna lepo te karha igre, nakarhadi na au ka dadaragna na. Naugna igne iara vahini dadaragna fafara na pris tangomana te toatoafa dadara igne ka olta na mala hata fadelei nakhibomi ghotilo re. Naugna dadaragna glepo te tautagu na jateula nakarhagna eghu, eghume dadara na tangomana te hata fadelei nakhibomi ghotilo re.

Jenesis 9:4

“Nu kaisei glepo ngala te thosei ima ghotilo na, u nafnahi te au teu dadara tagna na, eigna u dadara gne ngala u nafugna u karha na.

Diutronomi 12:16

Nu ghotilo ginauna thosei ghamu dadaradi glepo te tautagu igre. Ghotilo tofa tei dadara igre ka glose.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Mae Khuru 15:20

Te keli na, tahati rioriso kaisei letas ranghidi mare. Igre glepo jame te mala chekedi tahati ranghidi re, ‘Thosei ghamu gano teke fafara ka mumuju. Thosei eni puhi te diꞌa. Thosei ghamu gano teke lalamho falehe. Thosei koꞌu dadara.’

Levitikas 7:26

Eghuteuna namono aheva te au ghotilo tagna na, blahi te ghamu ghotilo dadaradi nanghaji ba dadaradi glepo tautagu.

Levitikas 17:10

“Eghuteuna jame kaisei naikno gna Israel, ba kaisei naikno phosa au balumi ghotilo, koꞌu dadara ba ghamu nafnahi te dadara teu, iara ginauna theome magnahagheni naikno tuana, hata fadeleini ka naiknodi Israel.

Levitikas 19:26

“Ghotilo thosei ghamu nafnahi te au teu dadara tagna. “Eghuteuna ghotilo mala thosei eni kaisei glepo ka kastom meresin, ba fariuriu edi glepo ka kastom meresin mala laseni unha nate thoke mei ginauna.

Diutronomi 12:22

Ghotilo tangomana te ghamu nafnahi tuana jateula te ghamu ghotilo nafnahidi glepo te tautagu ka namhata ra eghu. Ghotilo te gnafa na tangomana te ghamu nafnata nafnahi igne, neuba ghotilo ne klino ka tathagna Lord na ba ghotilo theome klino.

Diutronomi 12:24

Eghume ghotilo thosei koꞌu dadaragna glepo tautagu igne. Nu ghotilo totofa dadara igne jateula khoꞌu eghu ke kligna glose.

Diutronomi 15:23

Nu ghotilo thosei ghamu dadaradi glepo tautagu igre, ghotilo totofa koko dadara igre.”

Ululahu Samuel 14:32

Aonu mare chari ne tei hata unha teke uludi mare ka magra na. Mare ne falehe sipu nei buluka balu suadi aheva te kadi mare mala ghamu. Nu mare ne theome ofoni u nafnahi te dadara teuna ne ghamu.

Ululahu Samuel 14:33

Eghuteuna keha naiknore tei ne cheke eghu ka king, “Filo sagho! Mare khibo ranghini Lord, naugna mare ne ghamu nafnahi te au teu dadara tagna na.” Aonu King Sol ne cheke eghu, “Tore! Ghotilo khibo ranghini Lord. Gognarona, ghotilo pili mei kaisei thina biꞌo.”

Profet Esikiel 33:25

Eghume iagho cheke eghu ka mare, ‘Lord God neke cheke eghu: Leuleghu fata na ghotilo ghamu nafnahi te au teu dadara tagna, ghotilo tarai ka mumuju, ghotilo magra fari themi, ghotilo falehe naikno. Eghuteuna ghotilo te gnafa na thuru fodu baludi khetodi kherami themi are. Ba, na snakreni iara glose igne mala khotogna themi eghu ghotilo gaoghathomi na? Ghotilo theo nomi nolaghi te mala khotogna glose igne.’