Diutronomi 12:16 - Buka Blahi Ka Cheke Holo

¹⁶ Nu ghotilo ginauna thosei ghamu dadaradi glepo te tautagu igre. Ghotilo tofa tei dadara igre ka glose.

Diutronomi 12:16 ပူးပေါင်းရင်းမြစ်များ

Jenesis 9:4

“Nu kaisei glepo ngala te thosei ima ghotilo na, u nafnahi te au teu dadara tagna na, eigna u dadara gne ngala u nafugna u karha na.

Diutronomi 15:23

Nu ghotilo thosei ghamu dadaradi glepo tautagu igre, ghotilo totofa koko dadara igre.”

Ululahu Timoti 4:4

Glepo te gnafa teke vuavuha God igre thofno keli fara, theo kaisei glepo te diꞌa na. Naugna God neke fablahidi gano igre ka nogna cheke thegna nei tahati jaola taraidi. Eghume kate imadi glepo igre tahati tangomana kilo fafnaknoni God.

Mae Khuru 15:20

Te keli na, tahati rioriso kaisei letas ranghidi mare. Igre glepo jame te mala chekedi tahati ranghidi re, ‘Thosei ghamu gano teke fafara ka mumuju. Thosei eni puhi te diꞌa. Thosei ghamu gano teke lalamho falehe. Thosei koꞌu dadara.’

Levitikas 19:26

“Ghotilo thosei ghamu nafnahi te au teu dadara tagna. “Eghuteuna ghotilo mala thosei eni kaisei glepo ka kastom meresin, ba fariuriu edi glepo ka kastom meresin mala laseni unha nate thoke mei ginauna.

Diutronomi 15:22

Nafnata glepo tautagu te diꞌa igre ghotilo tangomana te hata tei ghamu ka nomi namonore, jateula te ghamu ghotilo glepo ka namhata ra eghu te kilodi gasele ba deer. Neuba ghotilo ne klino ka tathagna Lord ba theo, ghotilo te gnafa na tangomana te ghamu glepo igre.

Ululahu Samuel 14:32

Aonu mare chari ne tei hata unha teke uludi mare ka magra na. Mare ne falehe sipu nei buluka balu suadi aheva te kadi mare mala ghamu. Nu mare ne theome ofoni u nafnahi te dadara teuna ne ghamu.

Ululahu Samuel 14:33

Eghuteuna keha naiknore tei ne cheke eghu ka king, “Filo sagho! Mare khibo ranghini Lord, naugna mare ne ghamu nafnahi te au teu dadara tagna na.” Aonu King Sol ne cheke eghu, “Tore! Ghotilo khibo ranghini Lord. Gognarona, ghotilo pili mei kaisei thina biꞌo.”

Profet Esikiel 24:7

“ ‘Maegna ka namono igne aknu falehe naiknore eghuteuna dadaradi re thofa soru kolho ke kligna glose te maku na, mala theome tangomana te thafru ka gaughavu na.

Profet Esikiel 33:25

Eghume iagho cheke eghu ka mare, ‘Lord God neke cheke eghu: Leuleghu fata na ghotilo ghamu nafnahi te au teu dadara tagna, ghotilo tarai ka mumuju, ghotilo magra fari themi, ghotilo falehe naikno. Eghuteuna ghotilo te gnafa na thuru fodu baludi khetodi kherami themi are. Ba, na snakreni iara glose igne mala khotogna themi eghu ghotilo gaoghathomi na? Ghotilo theo nomi nolaghi te mala khotogna glose igne.’

Levitikas 3:17

“Ghotilo naiknomi Israel ra thosei ghamu kaisei garofa ba dadara buluka. Igne kaisei vetula te mala leghuni nei taji fakelini teu fabrahu ghotilo ka namono aheva nate au ghotilo tagna na.”