Diutronomi 12:12 - Buka Blahi Ka Cheke Holo

¹² Ka vido blahi tuana ghotilo tangomana te glealeꞌa ke ulugna Lord. Ghotilo baludi thumi nalhaꞌu nei thumi gaꞌase, nei nomi mae gloku teure, ghotilo te gnafa na tangomana te glealeꞌa jare na. Eghuteuna ghotilo mala edi vikedi mae Livaet te au ka nomi namono ghotilo are mala mei glealeꞌa balumi ghotilo jare, naugna mare theo nodi glose thedi.

Diutronomi 12:12 ပူးပေါင်းရင်းမြစ်များ

Diutronomi 12:7

Ka vido blahi tuana, ghotilo baludi tharaknami re tangomana te mei ke ulugna Lord nomi God. Jare ghotilo tangomana te ghamu gano te keli mala glealeꞌa ka gobigna lepore, naugna mana neke fablahidi nomi gloku ghotilo re.

Diutronomi 26:12

“Leuleghu thilo finogha, ghotilo eni fabothodi gano te hata ghotilo ka nagare are. Eghuteuna ka finogha tuana ghotilo tusu lao fabothodi gano igre ka mae Livaet, nei ka mae phosa te au balumi ghotilo, nei goro sua glehe kokoi, nei goro naikno biꞌo tela lehehi khetodi ra. Ghotilo eni igne, mala tangomana naikno te kuma igre te au ghedi naba gano ka namonomi ghotilo are.

Diutronomi 10:9

Naugna igne mae Livaet gre theo thufadi ka glepo ba vido glose jateula keha vikedi Israel te au thufadi ba au nodi vido glose teu igre eghu. Naugna Lord nomi God ghotilo igne mana la chekehi ka mare te mana tangomana te tusu lao gobigna lepo te nabadi mare te mala karha tagna na.)

Diutronomi 14:29

Ka puhi igne vikegna mae Livae te theo nodi glose igre ginauna tangomana te au ghedi gano na. Eghuteuna jaola naiknodi delei te mei au balumi ghotilo are, nei iheire te glehe kokoi, nei goro naikno biꞌo tela lehehi khetodire teu te au ka namonomi ghotilo are eghu tangomana te kafe mei ka vido igne mala hata gano te nabadi. Jame te eghu ghotilo na, Lord ginauna fablahidi nomi gloku te gnafa ghotilore.”

Diutronomi 12:19

Eghuteuna kate au ghotilo ka glose igne na, ghotilo ginauna thofno reireghi fakelidi vikegna mae Livae.

Nodi Khoje Hatimare Mae Jiu 147:1

Tahati cheke fakelini Lord! Thofno keli fara tahati te cheke fakelini noda God. Uve, nabada fara tahati te cheke fakelini mana na, naugna puhigna mana na keli fara.

Fapea Kronikols 29:36

King Hesekaea baludi nogna naiknore ne glealeꞌa fara, naugna Lord ne toghodi mare mala ke faghose fufunu glepo igre.

Ululahu Kings 8:66

Aonu ka keha narane na, king neke kuru fapulodi ka nodi namonore. Naiknore ne filo glanini Lord teke keli fara ranghini nogna mae gloku King Devet tifa ia, nei jaola keli ranghidi mare. Mare cheke gleale'a ka King Solomon neke pulo ka namono, nei kelitadi fara ka unha te edi Lord ka mare igre.

Josua 13:33

Nu mae Moses neke theome tufa lao kaisei vido glose ka vikegna mae Livae. Eigna mae Moses neke chekehi ka mare te mare ginauna tangomana te atha vido ka unha te fafara lao naiknodi Israel ka Lord, nodi God maedi Israel.

Naba 18:20

Lord ne cheke eghu ka mae Eron, “Iagho nei mae ka vikemu iagho teure, ginauna theome tangomana te khotodi kaisei vido glose kate tufa iara ka naikno te gnafa Israel re, naugna gobigna lepo te magnahagheidi ghotilore mei funudi ka iara.”

Josua 13:14

Lord neke chekehi ka mae Moses te vikegna mae Livae igre ginauna theo nodi glose, nu mare ginauna au ghedi gano ka unha keha vike are te hata te mei te mala taraidi nei fafara eghu ka Lord.

Naba 18:26

“Iagho tei cheke eghu ka vikegna Livae, ‘Kate hata ghotilo fabotho igne ka naiknodi Israel, ghotilo mala jaola mala fafara mei fabotho di glepo igre mala kilo fnakno ghau iara.

Diutronomi 18:6

“Jame kaisei mae ka vikegna Livae jifla ka namono gna na jare Israel, eghuteuna mana magnahaghei te tei au ka nogna vido blahi Lord na.

Diutronomi 16:14

Ghotilo balu thumi, nomi mae gloku, nei gaꞌase gloku, nei mae Livaet te au ka namonomi ghotilo are, nei naiknodi delei te mei au balumi ghotilo are, nei goro sua glehe kokoi, nei goro naikno biꞌo te au ka namonomi ghotilo are, ghotilo te gnafa na mala kafe tei mala thofno glealeꞌa ka gaghamu igne.

Diutronomi 16:11

Ghotilo balu thumi, nomi mae gloku nei gaꞌase gloku, nei mae Livaet ka namonomi ghotilo ra, maedi delei te au balumi ghotilo ra, goro sua glehe kokoi ra, goro naikno biꞌo ra, ghotilo te gnafa na kafe tei mala glealeꞌa ka vido blahi aheva Lord teke vahini te mala au nanghagna na.

Jone 13:8

Mae Pita ne tirogna fara ne cheke eghu ka mae Jisas, “Lord, iagho theome tangomana te titihi ghahegu iara gre funu gognaro te haghe na.” Mae Jisas ne cheke eghu ka mana, “Uve, ghema Pita, te theome titihi iara ghahemu iagho re, iagho theome tangomana te kaisei mae nogu gloku iara na.”

Mae Khuru 8:21

Iagho theome tangomana te loku balumi ghehati ka nogna gloku God gne, naugna nagnafamu iagho na theome doglo ke ulugna God.

Diutronomi 12:18

Ghotilo baludi thumi nei nomi mae gloku nei vikegna mae Livae te au balumi ghotilo are eghu, ghotilo te gnafa na ginauna mala ghamu glepo blahi re ke ulugna Lord ka vido blahi teke vahini mana na. Jare ghotilo tangomana te gleꞌa ka gobigna lepo te edi ghotilo re.

Diutronomi 26:11

Aonu iagho nei mae Livaet nei hatimare mae phosa te au balumu iagho igre, ghotilo tangomana te ghamu gano te keli ka gaghamu igne mala glealeꞌa ka gobigna lepo Lord teke tusu ari ka ghotilo ra.

Nehemaea 8:9

Kate nomhidi naiknore cheke ka Vetula na igre, mare diꞌanagnafa ne tanhi fabiꞌo. Nu iara mae Nehemaea gavana gna Juda balugna Pris Esra nei mae Livaet mae iheire te toghodi naiknore te mala laseni Vetula igne, ghehati ne cheke eghu ka naiknore, “Narane igne blahi fara ka Lord noda God. Eghume ghotilo thosei diꞌanagnafa nei tanhi eghu.”

Levitikas 23:40

Ka narane ululahu gna narane biꞌo igne, ghotilo mala hata mei famane sisi ka nomi gaju ghotilo ra, eghuteuna ghotilo mala hata khakladi gaju thubo, nei gregedi gaju te au kmana khaklagna, mala fufunu narane biꞌo igne. Eghuteuna ghotilo mala glealeꞌa nei ghatho tahu ghau iara Lord nomi God ghotilo.

Diutronomi 27:7

Jaola ghotilo edi fafara igre mala laseni te ghotilo au fakeli balugna Lord. Eghuteuna kate ghamu ghotilo fafara igne ke ulugna Lord na, ghotilo ginauna tangomana te thofno glealeꞌa fara tagna.