Diutronomi 12:10 - Buka Blahi Ka Cheke Holo

¹⁰ Ghotilo ginauna tei kasa ka Khoꞌu biꞌo Jordan mala thofno au fabrahu ka glose aheva Lord nomi God teke tusu ari mala khotogna ghotilo teku na. Eghuteuna mana ginauna togho ghami ghotilo mala au muana nei theome nangadi nomi naokare.

Diutronomi 12:10 ပူးပေါင်းရင်းမြစ်များ

Profet Esikiel 34:28

Naiknodi keha kantri are ginauna theome tangomana nate blau nodi gobigna lepore, eghuteuna glepo ka namhata na are ginauna theome tangomana nate falehedi te ghamudi re. Mare ginauna tangomana te au fakeli nodi, eghuteuna ginauna na theo kaisei naikno te tangomana nate famamhaghudire.

Profet Jeremaea 33:11

naiknore na eha fabiꞌo, naugna mare ne thono gleale'a fara. Mare jaola na nomhidi khojedi mae sua nalhaꞌu nei goro sua gaꞌase ka gaghamu tholaghi. Eghuteuna mare tangomana te nomhidi naikno te atha gano te tei ka Sugablahi na mala kilo fnakno ka iara. Naikno igre ginauna eha eghu: “ ‘Tahati cheke fakelini Lord mae ihei te au nolaghi fateote'o, naugna mana thofno keli fara. Uve, mana namha ghita fabrahu.’ Glepo igre thoke mei naugna iara ginauna eni nomi glose ghotilo igne mala ke keli fapulo jateula tifa ia eghu.” Igne cheke gna Lord.

Diutronomi 11:31

Aonu mae Moses ne cheke eghu, “Gognarona ghotilo la namo tei kasa ka Khoꞌu biꞌo Jordan mala hata glose Lord nomi God teke tusu ari ka ghotilo igne. Kate hata ghotilo glose na te au fakeli tagna na,

Diutronomi 4:22

Iara theome tangomana te tei kasa ka Khoꞌu biꞌo Jordan igne, iara ginauna lehe kolho ka namono igne. Nu ghotilo ginauna tangomana nate tei kasa ka khoꞌu igne te mala khotogna famane glose tuana.

Diutronomi 3:27

Iagho haghe ka thogele Pisga. Eghuteuna iagho filo thongana ka vido te gnafa are. Filo fakeli ka gobigna lepo te filodi iaghore, naugna iagho ginauna theome tangomana te kasa ka Khoꞌu biꞌo Jordan.

Profet Esikiel 38:8

Naugna raugha ginauna, iara ginauna kilo nigho balugna nou armi biꞌo na mala mei magra. Ka narane tuana, iagho ginauna mei ka thogele Israel mala magra ka mare. Tifa na, iara neke snakredi hatimare mae naoka neke mei goigoni namono igne neke ngolho teidi naiknore mala tei au tafri ka keha kantri delei. Ke leghu, iara neke hata fafigri meidi ka namono igne mala ke mei au fakeli mare tagna. Thogele gna namono igne neke krogha funu tifa, nu gognarona naiknore au fakeli nodi nei glealeꞌa eghu nodi tagna.

Profet Esikiel 34:25

“ ‘Iara ginauna eni baludi kaisei nhaꞌa cheke mala au mare kau pharikeli. Iara ginauna ngolho teidi gobigna lepo te diꞌa fateote'o te au ka namono nagou nei mata teu are, eghuteuna nogu sipu iara igre ginauna theome mhaghu na thuru tafri nodi kolho.

Profet Esikiel 28:26

Ka namono tuana, mare ginauna babana nodi suga tagna, eghuteuna mare ginauna tangomana te ei nodi nagare grep. Nu iara ginauna paradi keha kantri te au rhedi mare te susukudi fabrahu naiknore igre. Eghuteuna vikegna Israel igne ginauna au fakeli. Naugna igne, naiknodi keha kantri are ginauna thofno laseni te iara nodi Lord God maedi Israel.”

Profet Jeremaea 32:37

Iara thofno diꞌatagu fara ka naikno gna namono igne, eghuteuna iara ginauna ngolhi fajifladi mala tei mare ka keha kantri delei. Nu ke leghu na, iara ginauna nake atha fapulodi mala ke mei au fakeli mare ka namono igne.

Profet Jeremaea 23:6

Ka narane te king mana igre, mana ginauna fakarhidi nogu naikno iara ka kantri Juda, eghuteuna nogu naikno iara te au Israel igre ginauna au ka pharikeli. Eghuteuna mare ginauna kiloni nanghagna mae king igne, Lord Sedekenu, gaoghathogna na, ‘Lord batu ghita tahati mala leghuni puhi te doglo na.’

Proveb 1:33

Nu iheire te fanomho ka iara re, mare ginauna au fakeli nodi fabrahu. Uve, mare ginauna theome mhaghuni kaisei glepo.”

Nodi Khoje Hatimare Mae Jiu 4:8

Lord, kaisei iagho ngala te reireghi ghau iara te mala au fakeli iara na. Iara gne theome tangomana te mhaghuni kaisei glepo na. Kate thuru na, iara thuru blakno.

Ululahu Kings 4:25

Ka narane te King Solomon igre, naiknodi Juda nei Jerusalem teu igre ne au ka pharikeli, funu ka namono Dan ke raru tei posa mhata namono Bereseba. Mare te gnafa na au fakeli ka ghedi nagare thedire, aheva mare te joꞌu grep nei fig.

Ululahu Samuel 7:12

Eghuteuna ke leghu, mae Samuel ne lisei haghe kaisei thina biꞌo ka kaisei vido farihoteidi phei namono Mispa ghe namono Sanai. Eghuteuna mana kiloni thina igne Ebenesa, naugna mana neke cheke eghu, “Lord na togho ghita fabrahu la ghilei mei posa gognarogne.”

Josua 4:12

Vikegna mae Ruben, vikegna mae Gad, nei gaga ka mae Manase teu igre mare ne pala glepo mala magra re ne kulu tei ka keha naiknodi Israel, leghuni unha teke chekeni mae Moses tifa na.

Josua 3:17

Eghuteuna kate kasa mare na, hatimare mae pris kegra fabrahu neu fari hotei khoꞌu tela krango hi na ne ghilei kasa ne hui naiknore ka keha phile khoꞌu na.

Diutronomi 33:28

Eghume ghotilo Israel ginauna au ka pharikeli. Eghuteuna nomi namono ghotilo ka vikegna mae Jekop ra na au fakeli. Nomi glose ghotilo are ginauna au kmana gano nei waen, eghuteuna leuleghu fata na nakhete fabrahu.

Diutronomi 33:12

Vikegna mae Benjamin, Lord thofno namha ghami ghotilo. Ghotilo tangomana te au muana balugna Lord. Mana au balumi ghotilo ka nomi thogele ghotilo are, eghuteuna mana reireghi ghami ghotilo fabrahu.

Diutronomi 9:1

Aonu mae Moses ne cheke eghu, “Naiknomi Israel, ghotilo fanomho fakeli! Gognarona ghotilo namo kasa ka Khoꞌu biꞌo Jordan mala tei hata glose na ka naikno te nheta ulu ghami ghotilo. Nodi namono re biꞌo fara, eghuteuna gringni thina te bara te lithui na thono haghe fara.

Eksodas 33:14

Lord ne cheke eghu, “Moses, thosei nanga nou! Iara ginauna tei balumu iagho! Gobigna lepore ginauna keli ranghi nigho iagho.”

Josua 11:23

Mae Josua ne kafe atha tongana namono igre ne tufa fari hoteidi vike te gnafa Israel. Eghuteuna kate atha te gnafa mae Israel namono igre, mare ne gnafa magra na ne au soru ka pharikeli.

Ululahu Kings 8:56

Mana ne cheke eghu, “Tahati cheke fakelini Lord, naugna mana togho ghita tahati nogna naiknore mala au ka pharikeli, leghuni unha teke nhaꞌa cheke ni mana na. Mana tajidi nogna famane nhaꞌa cheke teke chekedi mana ka mae Moses nogna mae gloku ia.

Josua 14:1

Aonu pris biꞌo Eliesa balugna mae Josua nei mae lida ka tharakna te gnafa ka vikegna Israel, mare ne fofota glose Kenan ke mosu Khoꞌu biꞌo Jordan mala tei ka iheire te theo kaisei nodi vido glose.

Ululahu Kronikols 22:18

Eghuteuna mana ne cheke eghu ka mare, “Lord noda God tahati na au balumi ghotilo. Mana neke snakre ghau iara neke uludi naikno teke kulu au agne tifa ka kantri igne. Eghuteuna gognarona mare au ke parigna nogna nolaghi mana, nei tahati nogna naikno mana ra. Eghuteuna ka puhi igne, mana tusu mei pharikeli ka ghotilo, nei ka iheire te au falithui ghami ghotilo. Eghuteuna theo kaisei naoka nate mei magri ghami ghotilo na.

Profet Esikiel 38:11

Eghuteuna iagho ginauna cheke eghu, ‘Naikno gre au ka pharikeli, eghuteuna theome nangadi mae naoka gre. Nodi namono re theome bara ligoho ka thina balu grengatha te bibilakhi te maku.