Diutronomi 11:8 - Buka Blahi Ka Cheke Holo

⁸ Mae Moses ne cheke eghu, “Ghotilo mala leghudi vetula te tusu ari iara ka ghotilo gognaro gre, ka puhi igne ghotilo ginauna au nomi nolaghi te mala hata glose kate kasa ghotilo ka Khoꞌu biꞌo Jordan.

Diutronomi 11:8 ပူးပေါင်းရင်းမြစ်များ

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Efesus 3:16

Iara toreni God ka nogna nafnakno biꞌo kligna mala snakre meini nogna Tharunga te Blahi na ka ghotilo, mala tangomana ghotilo te heta ka nagnafamire.

Diutronomi 31:23

Aonu Lord ne cheke eghu ka mae Josua, “Rheta gaoghathomu na nei kegra maku fabrahu eghu. Iagho ngala ginauna batudi tei naiknodi Israel ka glose aheva teke nhaꞌa cheke hi iara mala tusu ari ka ghotilo teku ia. Eghuteuna iara ginauna au balumi ghotilo.”

Nodi Khoje Hatimare Mae Jiu 138:3

Ka vido te eha ari iara ka iagho na, iagho nomhi ghau iara, aonu ke farerheta ghau ka nou nolaghi na.

Kolose 1:11

God te au nolaghi biꞌo fateote'o, eghuteuna ghehati tarai ka mana mala tusu ranghi ghami nolaghi igne mala tangomana ghotilo te kegra heta ka unha puhi biꞌo te mei ke uluda.

Profet Daniel 10:19

Eghuteuna mana ne cheke eghu ka iara, “Iagho thosei nanga nou, ba mhaghu, naugna God na namha nigho iagho fara. Iagho kegra heta!” Kate cheke eghu mana igne, iara thofno haimini neke rheta fapulo thinigu na, ne cheke eghu, “Mae biꞌo, cheke mei ka iara unha te magnahaghei chekeni iagho ka iara na naugna iara gognaro na kela nheta fapulo.”

Diutronomi 28:47

Kate fablahi ghami Lord ka glepo te kmana re, eghuteuna ghotilo theome thofno keli tami te pogho soru ka mana teuna,

Profet Isaia 40:31

Nu iheire te rouronu ka Lord na, ginauna nake rheta fapulo. Uve, mare ginauna flalo ka maloa jateula gaghata eghu. Mare ginauna na lase chari, nu mare na theome tangomana te babaꞌo na. Eghuteuna mare ginauna nolo tei kate khaba, nu mare na theome tangomana te nigra na.

Eksodas 20:12

“Ghatho tahudi idomi kmami are, nei leghudi nodi cheke re eghu. Jame te eghu ghotilo na, ghotilo ginau na theome ghosei lehe, thono theo fara. Ghotilo ginau na karha fabrahu tifa tifa ka glose teke tusu ari iara Lord nomi God ghotilo igne.

Diutronomi 11:7

Nu ghotilo neke thofno filo tathami gobigna lepo te biꞌo teke edi Lord ra.”

Diutronomi 4:14

Eghuteuna ka narane tuana, mana neke cheke faheta ka iara mala farirhiu ghami iara cheke nei vetula eghu te mala leghudi ghotilo kate tei kasa ka khoꞌu te mala tei au ka glose aheva nate au tagna ghotilo na.”