Diutronomi 11:21 - Buka Blahi Ka Cheke Holo

²¹ Jame te eghu ghotilo na, ghotilo nei thumi re teuna, ghotilo te gnafa na ginauna tangomana te au raugha ka glose teke nhaꞌa chekeni Lord teke tusu ari ka kuꞌemi ghotilo tifa ra. Uve, ghotilo te gnafa na ginauna tangomana te au fabrahu jateula maloa te au fabrahu ke kligna nauthoglu igne eghu.

Diutronomi 11:21 ပူးပေါင်းရင်းမြစ်များ

Proveb 4:10

Thuguo, fanomho fakeli ka iara, ghatho tahudi nogu cheke iara igre, eghuteuna iagho ginauna au raugha ka nauthoglu igne.

Proveb 3:2

Jame te leghuni iagho cheke igne na, iagho ginauna au raugha ka nauthoglu igne, eghuteuna iagho ginauna au ka pharikeli.

Proveb 9:11

Gaoghatho te keli na ginauna togho nigho mala au raugha ka nauthoglu igne, eghuteuna iagho ginauna uludi kmana finogha.

Nodi Khoje Hatimare Mae Jiu 72:5

Te keli na jame mae king gne mala karha fabrahu, jateula naprai nei glaba eghu te phae fabrahu are eghu.

Diutronomi 4:40

Ghotilo mala leghudi nogna cheke nei vetula teu mana te chekedi iara ka ghotilo gognaro igne. Eghuteuna jame te eghu ghotilo na, ghotilo ginauna au ka nakarha te keli, eghuteuna thumi ghotilo baludi goro sua nate karha mei ke leghumi ghotilo re, ginauna jaola au ka nakarha te keli. Eghuteuna ghotilo ginauna au raugha ka glose teke tusu ari Lord na mala khotogna fabrahu ghotilo.”

Thakle 20:6

Naikno teke kulu fakarha fapulodi God kau glehe igre mare keli tadi fara, naugna mare ginauna na theome papara kate kafe papara naikno te diꞌare kau khaꞌaghi te theo ka gnafagna. Mare nogna naikno blahi God. Mare ginauna jaola mala nogna mae pris God nei nogna Kraes, eghuteuna mare ginauna funei fruni balugna Kraes kaisei thogha finogha.

Profet Isaia 65:20

“Theo kaisei sua nate lehe ka namono igne. Naikno te gnafa te au ka namono igne ginauna theome ghosei lehe. Jame ihei te lehe kate thokeni kaisei gobi finogha na, naiknore te ghathoni na, mae igne majaghaniu ngala. Eghuteuna jame ihei te lehe te thokeni nga narane igne na, naiknore ginauna ghathoni ne parani iara teuna.

Proveb 3:16

Gaoghatho te keli na ginauna tusu ranghi nigho dedei nei togho nigho mala au raugha ka nauthoglu igne. Eghuteuna naiknore ginauna ghatho tahu nigho iagho.

Diutronomi 5:16

Ghatho tahudi idomi kmami re, jateula teke chekeni iara Lord nomi God ia eghu. Eghume ghotilo ginauna au raugha ka nakarha te keli ka glose nate tusu ari iara Lord, nomi God.

Diutronomi 6:2

Ghotilo, baludi thumi nei grami teure mala ghatho tahuni fabrahu Lord nomi God ka puhi te leghudi ghotilo cheke nei vetula eghu te chekedi iara ka ghotilo gognaro igre. Jame te eni ghotilo igne na, ghotilo ginauna au ka nakarha te brahu.

Diutronomi 11:9

Eghuteuna ghotilo ginauna tangomana te au raugha ka thofno glose te keli teke nhaꞌa cheke Lord ka kuꞌemi ghotilo ra nei ka ghotilo vikedi mare ra.

Nodi Khoje Hatimare Mae Jiu 89:30

“Nu jame te theome leghudi mare nogu vetula iara re, nei theome leghudi puhigu iara re teuna, iara na thofno paradi fara ngala mare, naugna mare ne tapla jafra ka nakhibo. Eghuteuna jame te huhughuni mare u vetula te farirhiudi iara mare igne na, nei jaola theome edi mare unha mala edi mare teku iara na, iara ginauna na paradi fara ngala mare eidi nakhibo teke edi mare re.