Diutronomi 11:16 - Buka Blahi Ka Cheke Holo

¹⁶ “Nu filo fakeli ghami eghu, glahu chaghi ghami keha mae mala figri tagruni Lord, eghuteuna loku ranghidi nei pogho sorudi eghu keha god delei.

Diutronomi 11:16 ပူးပေါင်းရင်းမြစ်များ

Hibru 3:12

Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!

Hibru 2:1

Eghume tahati famane leghu fakelidi nogna farirhiu mae Jisas Kraes Thugna God teke nomhidi tahati ra, mala thosei jateula mola te elo tafri ka nuri ia eghu noda fatutuani na.

Thoutonu Eigna Mae Job 31:27

Iara theome poru te mala kilo fnaknodi phei glepo igre. Eghuteuna iara theome gnangho ka khamegu na mala pogho sorudi phei glepo igre.

Jemes 1:26

Mae ihei la naikno khiloau hi thegna teu ka gaoghathogna na nu theome saghe leghu fakelini nogna cheke na teuna, mana chaghini kolho thegna nei nogna fatutuani mana na theo nafudi kolho.

Diutronomi 29:18

Eghume ghotilo fiofilo ghami eghuteuna thosei snakreni kaisei naikno mala figri thagrugna na ka Lord nomi God. Neuba kaisei mae, ba kaisei gaꞌase, ba kaisei tharakna, ba kaisei vikemi ghotilo, theo kaisei naikno te tangomana te tei tarai nei pogho soru ka nodi god keha naiknore. Theome keli kaisei ka ghotilo te biꞌo haghe jateula kaisei gaju te ure sisi poesen ra eghu.

Ululahu Jone 5:21

Uve thuguro, reireghi fakeli ghami themi ka mumuju are. Me gnafa. Iara, mae Jone.

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.

Profet Isaia 44:20

Nu neuba, mae igne theome laseni unha te eni na. Eghuteuna gaoghatho te jafra na batu fadiꞌani mana. Mana jateula mae te ghamu nakrofu ra eghu kolho. Mana theome tangomana te fakarhini thegna na, ba te cheke eghu na, “Mumuju te hata iara igne theome god tutuani, kaisei vido gaju kolho!”

Diutronomi 30:17

“Nu jame te figri tagru ghotilo te tiromi fanomho, eghuteuna tei tarai ka keha god delei teuna,

Diutronomi 8:19

“Iara cheke fadoglo ari ka ghotilo gognarona, jame te ghatho ihoni ghotilo Lord nomi God na, eghuteuna leghudi keha god delei, eghuteuna tarai nei tufru soru tadi teuna, Lord ginauna thofno goigoni ghami fara ghotilo.

Diutronomi 4:23

Ghotilo fiofilo ghami. Glahu ghatho ihoni nei huhughuni eghu ghotilo nogna Nhaꞌa Cheke Lord teke eni mana balumi ghotilo ia. Glahu ghatho ihoni ghotilo eigna blahi te horo ghotilo kaisei mumuju te mala tarai tagna na.

Thakle 20:4

Iara ne filodi keha nodi sape nafnakno mae king. Tharungadi naikno teke kusu mare pha'udire tifa ra gnokro neu jare. Nogna naoka God re neke falehedi mare naugna mare neke fatutuani ni fabrahu chekegna God na nei toutonuni eigna u cheke tuana. Mae igre neke theome pogho soru ka bosu ba ka mumuju gna na. Eghuteuna mare jaola neke theome hata nogna fagaglana bosu na ka greredire ba ka khamedire. Nu mare neke karha fapulo mala funei fruni balugna Kraes kaisei thogha finogha.

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Hibru 12:15

Fiofilo fakeli ghotilo ia mala theome kaisei naikno figri tagruni nogna namha te biꞌo God na. Na eghunu jateula kaisei gaju te fahoihoti ia eghu kaisei naikno ke lamnami ghotilo. Nafnata naikno tuana tangomana te goigonidi kmana naikno.

Hibru 4:1

Tutuani fara, God neke nhaꞌa soru nhaꞌa cheke igne mala tei gnafa tahati balugna mana. Eghume fiofilo ghitai eghu, na eghunu keha ka ghotilo theome ari thokeni namono mala gnafa na jateula mae Israel tifa ra eghu.

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Luku 21:8

Mae Jisas ne cheke eghu ka mare, “Fiofilo ghami, na eghunu mei chaghi ghami mare eghu. Kmana naikno ginauna mei cheke ka nanghagu iara. Mare ginauna na cheke eghu, ‘Iara ngala Kraes na!’ Ba, mare na cheke eghu, ‘Thofno narane na la thoke meihi!’ Nu thosei leghudi mare eghu.

Diutronomi 13:3

Nu ghotilo thosei leghuni nogna cheke mae profet tuana. Lord nomi God ghotilo na, mana tangomana te fariuriu ghami ghotilo mala laseni jame ghotilo te thofno namhani mana ka nagnafami fateote'o nei ka gaoghathomi fateote'o.

Diutronomi 4:9

“Nu fiofilo ghami eghu! Na eghunu ghatho ihodi ghotilo glepo tela filo tathamihi igre eghu. Leuleghu fata ka nakarhami re, ghotilo mala ghathodi glepo igre. Eghuteuna ghotilo mala farirhiudi thumi are nei grami te ikodi are eghu.

Diutronomi 31:20

Iara ginauna hata teidi ka glose te thofno keli fara teke nhaꞌa cheke iara ka kuꞌemi ghotilo tifa ra. Eghuteuna kate au mare tagna na, mare na au ghedi kmana gano, eghuteuna mare ginauna glealeꞌa fabrahu. Neuba mare ginauna nake figri ke tarai nei pogho soru eghu ka keha god delei na figri tagru ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Ululahu Samuel 12:20

Aonu mae Samuel ne cheke eghu ka mare, “Ghotilo thosei mhaghu! Tutuaniu teke eni ghotilo glepo te diꞌa igne na. Nu gognarona, ghotilo mala thosei tei kokoni Lord, eghuteuna ghotilo mala leghuni mana ka gaoghathomi fateote'o.

Ululahu Samuel 12:21

Ghotilo thosei tufru soru ka mumujudi god te chaichaghi are. Naugna god tuare theo nafudi kolho! Eghuteuna reꞌe theome tangomana te togho ghami nei fakarhi ghami teu ghotilo na!

Ululahu Kings 8:35

“Glahu te theome nakhete naugna nou naikno iagho gre tapla jafra ka nakhibo ranghi nigho iagho. Nu mare na tarai mei ka Sugablahi igne, mala cheke fakelini nanghamu iagho na. Eghuteuna mare na tughu nagnafa nei koko nakhibo eghu naugna iagho neke paradi mare.

Diutronomi 5:7

Thosei ghatho tahuni kaisei god delei, kaisei Iara ngala te mala ghatho tahu ghau ghotilo na.

Diutronomi 17:3

Jau mae igne huhughuni nogna vetula Lord na eghuteuna mana tarai ka keha god delei, ba jau mana pogho soru tarai ka naprai, ba glaba, ba ka nathunu.

Diutronomi 28:14

Ghotilo mala thofno leghu fakelidi vetula te tusu ari iara ka ghotilo gognaro igre, eghume ghotilo thosei ngolho leghudi keha god delei, eghuteuna ghotilo thosei tarai nei pogho soru eghu ka keha god te chaichaghi igre.”

Diutronomi 29:17

Eghuteuna ghotilo neke filodi mumuju teke horo ka thaba, nei ka thina, nei ka silva, nei ka gol teu te thono diꞌa fara ra.