Diutronomi 11:14 - Buka Blahi Ka Cheke Holo

¹⁴ jame te eghu ghotilo na, mana ginauna kuru mei nakhete ka nomi glose ghotilo gne ka thofno naranegna na. Uve, famane nakhete ginauna mei ka narane te mala kaikaliti joꞌu nagare, nei ka narane mala famane kotu gano. Ka puhi jateula igne teuna ghotilo ginauna au ghemi kmana gano, nei waen, nei oel mala kuki.

Diutronomi 11:14 ပူးပေါင်းရင်းမြစ်များ

Jemes 5:7

Kheraguro, thosei babaꞌo, ghotilo au kmu ofou ke ghilei pulo mei noda Lord. Ghathoni si ghotilo mae te loku ka nagare ia. Kate joꞌu te gnafa nagare na, mana na ofoni meigna nakhete na mala kotu ganore.

Levitikas 26:4

iara ginauna kuru mei nakhete malami ghotilo ka thofno narane gna na, mala tangomana ghotilo te au ghemi kmana gano ka nomi glose ghotilo re, eghuteuna nomi gaju ghotilo re tangomana jaola te au kmana sisi na.

Profet Esikiel 34:26

Iara ginauna fablahi vido nei namhata eghu te au faligohoni nogu thogele blahi iara igne. Iara ginauna kuruni nakhete mala soru mei ke kligna glose ka thofno nogna narane na, mala kotu kmana glepo te keli.

Diutronomi 28:12

“Maloa gne jateula kaisei suga te mala liliseidi nogna famane glepo Lord ra eghu, eghuteuna mana ginauna tothora maloa gne mala soru mei nakhete ka thofno narane gna na. Lord ginauna fablahidi ghemi nagare ghotilo are mala au kmana gano. Eghume ghotilo ginauna au ghemi kmana gano, eghuteuna naiknodi keha kantri are tangomana te mei kaoni ka ghotilo. Eghuteuna theo kaisei glepo nate faꞌiho ghami ghotilo te mala tei kaoni ghotilo ka keha kantri delei.

Profet Jeremaea 14:22

Ba, nodi god mae bongihehe igre au nolaghi te mala snakre mei nakhete ka ghehati na? Ba, maloa thegna kolho te au nolaghi te mala snakre mei nakhete ka ghehati na? Thono theo fara! Lord nomi God, kaisei iagho kolho te tangomana na. Ghehati fatutuani nigho iagho kolho, naugna iagho kolho te tangomana te edi gobigna lepore.

Mae Khuru 14:17

Neubane eghu ngau, mana leuleghu fata na lolokelidi naiknore nei fatakleni thegna ranghidi. Uve, mana neke tusu ranghi ghami ghotilo nakhete te soru mei kau maloa gne, nei nhigra mala fabruara gano. Mana jaola tusu ranghi ghami ghotilo kmana gano, nei faglealeꞌadi nagnafami ghotilo re.”

Levitikas 26:3

“Jame te leghudi ghotilo nogu vetula nei faꞌuvedi nogu cheke iara re teuna,

Profet Isaia 30:23

Ka narane tuana, Lord ginauna kuru soru mei nakhete mala karha unha teke joꞌu ghotilo ka nagare ra. Ghotilo ginauna au ghemi kmana gano, eghuteuna nomi buluka, sipu, nanigot nei hose teu are ginauna na jaola au ghedi kmana buburu te mala ghamu na.

Profet Jeremaea 5:24

Iara kuru mei nakhete ka narane te mala joꞌu nei ka narane te mala karha gano nei narane te mala ghano nagare teu ghotilo ka finogha igre. Nu ghotilo theome ghatho tahu ghau iara God, nomi Lord.

Profet Joel 2:19

Lord ne fanomho ka nodi tharai naiknore ne cheke eghu, “Iara ginauna tusu ari kmana gano, waen nei oliv oel eghu ka ghotilo mala keli tami ghotilo. Eghuteuna naiknodi keha kantri igre ginauna theome tangomana nate cheke fadiꞌa ghami ghotilo na.

Profet Malakai 3:11

Iara ginauna theome snakreni kaisei cheche mala goigonidi ghemi gano ghotilo are, eghuteuna iara ginauna theome snakredi sisidi nomi gaju ghotilo are mala brusu ame muita nga reꞌe eghu.