Diutronomi 11:12 - Buka Blahi Ka Cheke Holo

¹² Lord nomi God ghotilo igne mana reireghi fakelini glose igne. Leuleghu narane na mana filo tongana ni, funu ka vuvuhagna finogha na tei posa ka gnafagna finogha na.

Diutronomi 11:12 ပူးပေါင်းရင်းမြစ်များ

Profet Jeremaea 24:6

Iara ginauna fablahidi nei reireghi fakelidi eghu. Eghuteuna iara ginauna nake atha fapulodi agne Juda mala ke au fakeli. Iara jateula kaisei mae te babana suga te maku te theome tangomana te groꞌe, ba jateula kaisei nagare te theome krathu ra eghu.

Ululahu Kings 9:3

Lord ne cheke eghu ka mae Solomon, “Iara nomhini nou tharai iagho ia nei unha teke toreni iagho ia. Eghuteuna iara gognarona fablahi Sugablahi teke horo iagho igne. Eghuteuna naiknore ginauna pogho soruni fabrahu nanghagu iara na ka vido igne. Iara ginauna na reireghini nei ghathoni eghu fabrahu Sugablahi igne.

Nodi Khoje Hatimare Mae Jiu 33:18

Nu Lord na reireghidi iheire te ghatho tahuni nei rouronuni teu nogna namha biꞌo mana na.

Nodi Khoje Hatimare Mae Jiu 34:15

Lord na reireghidi iheire te au doglo eghuteuna fanomho ka nodi tharaire.

Esra 5:5

Nu God na filo ka nodi lida mae Jiu gre. Mae biꞌogna provins igne neke kulu rioriso tei kaisei letas ka King Darius, eghuteuna mare ofoniu cheke tughugna letas igne, mala theome fagnafani mare gloku igne.

Fapea Kings 18:32

Uve, ghotilo tangomana nate au fakeli te ghilei thokeni narane nate hata ghami te tei iara ka keha kantri te jateula nomi kantri ghotilo igne teuna. Iara ginauna lisei ghami ghotilo ka namono aheva te au nagare grep te mala eꞌei waen, nei jaola au famane glose te keli te mala joꞌu wit te mala eꞌei bret. Eghuteuna jaola au gaju oliv, nei kmana jurukuli. Jame te leghuni ghotilo unha te chekeni mana igne meuna, ghotilo ginauna karha na theome lehe! “Ghotilo thosei fanomho ka mae Hesekaea mala chaghi ghami kate chekeni mana Lord ginauna fakarhi ghami ghotilo teuna.

Nodi Khoje Hatimare Mae Jiu 65:11

Iagho thofno lolokeli ranghi ghami ghehati ne fabruara kmana gano. Ka vido aheva te tei iagho na iagho tusu mei kmana gano ka naiknore.

Profet Isaia 36:17

Eghuteuna ghotilo ginauna au fakeli nomi ghilei thokeni narane nate hata ghami te tei iara ka namono delei te jateula nomi namono ghotilo igne teuna. Iara ginauna lisei ghami ka kaisei namono te au nagare grep, nei jaola au famane glose te mala karha wit mala eꞌei bret.