Diutronomi 10:8 - Buka Blahi Ka Cheke Holo

⁸ Eghuteuna ka narane tuana, Lord neke vahini vikegna mae Livae mala palagna nogna Bokis Blahi Nhaꞌa cheke Lord na. Eghuteuna mae igre loku ka Suga Tapuale te Blahi na nei mala fablahidi naiknore ka nanghagna Lord. Igre nodi gloku mare te mei posa gognarogne.

Diutronomi 10:8 ပူးပေါင်းရင်းမြစ်များ

Diutronomi 21:5

Eghuteuna mae pris ka vikegna mae Livae igne jaola mala tei ka vido igne. Lord nomi God ghotilo na neke vahidi mae pris mala edi nogna gloku re, nei mala chekeni fablahi na ka nanghagna mana, nei mala fatedi puhi biꞌo teke fari pholai nei magra teku re.

Diutronomi 18:5

Ghotilo eni igne naugna Lord neke vahi fadelei vikegna Livae igne ka keha vike ghotilo are. Tutuani, Lord neke vahi fadeleidi mare ka keha vikere mala loku ranghini mana fabrahu ka vido blahi na.

Naba 4:15

“Kate tarabana ghotilo mala tei ka keha vido re, mae ka vikegna mae Kohat kolho mala pala gobi lepo tuare. Nu ulu lahu na, mae Eron baludi phei thugna re eghu kolho te mala kaikalitidi gobi lepo tuare, naugna vikegna mae Kohat gre theome tangomana te habo ka glepo blahi tuare. Ne habo nga mare nu, mare ginauna lehe.

Naba 3:6

“Cheke meidi mae ka vikegna Livae ra mala mei toghoni mae pris Eron.

Jone 15:16

Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

Profet Jeremaea 15:19

Aonu Lord ne cheke eghu ka iara, “Nou cheke iagho igre fameomekro kolho. Jame figri iagho gaoghathomu na teke figri mei ka iara na, iagho ginauna nake nogu mae gloku iara. Eghuteuna jame te toutonuni iagho chekegu iara te keli igne ka naiknore, iagho ginauna na jateula foflogu eghu iara.

Fapea Kronikols 30:27

Aonu mae pris nei mae Livaet teu igre ne kegra haghe ke uludi naiknore ne tarai ka God mala fablahidi naikno igre. Eghuteuna God mae ihei te au kligna ka nogna namono blahi na ne nomhidi nodi tharai mare re.

Ululahu Kronikols 15:26

Eghuteuna ka narane pala te tei mae Livaet igre nogna Bokis Nhaꞌa Cheke Lord na, Lord ne toghodi mare. Eghuteuna mae pris gre ne fafara fitu buluka nalhaꞌudi nei fitu sipu nalhaꞌudi eghu ka mana.

Levitikas 9:22

Ke leghugna te gnafa fafara igre, mae Eron ngafa haghe phei khamegna re ne fablahidi naiknore, aonu mana neke soru ka olta na.

Galesia 1:15

Nu God au nogna gaoghatho malagu iara kani au nga teku iara ka thi'agna idogu na. Aonu mana neke kilo ghau iara ka nogna khokofakasai mala

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”

Letas Teke Riso Tei Mae Pol Ka Khiloau Rom 12:7

Jame te hata tahati u khokofakasai te mala toghodi naiknore, tahati mala toghodi naiknore. Jame te hata tahati u khokofakasai te mala farirhiu na, tahati mala farirhiu.

Letas Teke Riso Tei Mae Pol Ka Khiloau Rom 1:1

Iara mae Pol, kaisei nogna mae gloku Jisas Kraes. God neke kilo ghau iara mala nogna mae khuru nei mana neke vahi ghau iara mala toutonuni nogna Nonomho te Keli na.

Mae Khuru 13:2

Kate tarai nei dangna teu mare na, Tharunga te Blahi na ne cheke eghu ka mare, “Ghotilo taofidi mae Banabas ghe mae Sol mala loku ka gloku mala eni phiamare teku iara gne.”

Profet Esikiel 44:15

Lord God ne cheke eghu, “Neuba naiknodi Israel igre ne tei koko ghau iara, hatimare mae Livaet teke karha mei ke leghu ka vikegna Sadok igre faꞌuve ghau iara te mala loku ka nogu Sugablahi iara na. Mare loku ranghi ghau iara jateula pris eghu. Mare mala mei namo ka iara mala hata mei fafara ka nogu Sugablahi iara na. Mare mala hata mei garofadi nei dadaradi eghu buluka mala fafara mei ka iara. Tutuani, iara Lord God neke chekeni igne.

Profet Esikiel 44:11

Mare tangomana te loku ka nogu Sugablahi iara na, loku jateula mae greireghi grengatha eghu, eghuteuna aknu falehe buluka mala fafara te thofno krono fara nei keha fafara, eghuteuna toghodi naiknore ka keha puhi re.

Nodi Khoje Hatimare Mae Jiu 135:2

Ghotilo iheire te kegra lamna ka Sugablahi ra, cheke fakelini mana.

Nodi Khoje Hatimare Mae Jiu 134:2

Ghotilo ruma mei ka nogna Sugablahi mana igne mala ngafa haghe khamemi are balu tharai nei kilo fnaknoni mana eghu.

Fapea Kronikols 29:11

Kheraguro! Ghotilo fanomho ka nogu cheke iara igre! Na glahu glaꞌe soru ghotilo. Lord neke vahi ghami ghotilo mala gahu insens ka mana, nei batudi nogna naikno mana re mala pogho soruni mana.”

Ululahu Kronikols 23:26

Gognarona, nodi gloku hatimare mae Livaet gre kela tughu, naugna gloku te mala tughagna Suga Tapuale te Blahi gne la gnafahi, eghuteuna gloku te mala paladi glepo blahi re la jaola la gnafahi.”

Ululahu Kings 8:6

Ke leghugna te fafara te gnafa na, hatimare mae pris pala nogna Bokis Nhaꞌa Cheke Lord na ne tei lamna Sugablahi. Mare lilisei lamna ka Thofno Chogho te Blahi fara na ke pari baghidi phei mumuju engel igre.

Diutronomi 17:12

Ihei te theome magnahaghedi nei cheke fadiꞌadi teu unha te chekedi nogna mae mala fate ba nogna mae pris Lord nomi God ghotilo igre mala lehe. Igne unha te mala eni ghotilo na te mala hata fadelei puhi te diꞌa igne ka namonomi ghotilo re.

Naba 3:31

Nodi gloku mare na mala reireghini nogna Bokis Nhaꞌa Cheke Lord balugna tevo mala lisei bret blahi na, nei kaisei nafnata frem mala nhaꞌa juta nei phei olta re eghu, eghuteuna keha glepo teke loku mae pris ka suga thapuale na eghu, eghuteuna pohe biꞌo mala fofothogna chogho te blahi na. Eghume gloku igre na lisa lao ka khamedi mare.

Levitikas 8:9

Eghuteuna mana atha nogna khepi mae pris biꞌo na ne nhaꞌa lao ka phaꞌugna mae Eron, eghuteuna ke ulu ka khepi tuana mana fagefe lao medol blahi teke eni ka gol igne. Gobigna lepo igre mae Moses ne thofno leghudi unha teke chekedi Lord ka mana re.

Diutronomi 31:9

Aonu mae Moses ne rioriso nogna Buka vetula Lord na ne tusu lao ka hatimare mae pris nei mae iheire te baubatu ka naiknodi Israel. Mae pris igre ka vikegna mae Livae, eghuteuna mare tangomana te pala nogna Bokis Blahi Nhaꞌa cheke Lord.

Ululahu Kronikols 15:2

Aonu mana ne cheke eghu, “Hatimare mae Livaet kolho te au nodi nolaghi te mala palagna nogna Bokis Blahi God na, naugna Lord neke vahidi mare te mala pala na, nei mala loku ranghini mana.”

Nodi Khoje Hatimare Mae Jiu 134:1

Ghotilo nogna mae gloku Lord te gnafara, ghotilo iheire te loku bongiro ke lamna Sugablahi ra eghu mei kilo fnaknoni mana.

Diutronomi 21:3

Aonu, mae lida gna namono tuana tei vahini kaisei sua buluka te theome eni teu kaisei gloku.

Ululahu Kronikols 23:13

Mae Amram neke au phei thugna nalhaꞌu: Mae Eron ghe mae Moses. Lord neke vahini mae Eron baludi thugna mana re mala fiofilodi glepo blahi teke tusu lao naiknore ka Lord, eghuteuna vikegna mana na eni koba gloku igne. Nodi gloku mare na mala gahu fafara mala tufru soruni Lord, eghuteuna mare edi keha gloku te mala fablahidi naiknore ka nanghagna Lord.