Diutronomi 10:3 - Buka Blahi Ka Cheke Holo

³ “Aonu iara ne eni kaisei bokis ka taba gaju akesia. Eghuteuna iara ne kato phei thina tataba jateula ulu lahu ra neu. Aonu iara pala ne haghe ka thogele na.

Diutronomi 10:3 ပူးပေါင်းရင်းမြစ်များ

Eksodas 34:4

Aonu, Moses ne sari phei thina jateula teke phei ululahu ra neu. Hamerane ka keha narane na, Moses ne pala phei thina igre ne haghe ka Thogele Sanai, leghuni unha teke chekeni Lord na.

Eksodas 25:10

Lord ne cheke eghu ka mae Moses, “Iagho ginauna chekedi naikno ra mala eni kaisei bokis blahi ka thaba akesia, brahugna na kaisei gobi nabotho glima sentemita, eghuteuna krepagna na namno salei fitu sentemita. Eghuteuna haghegna na namno salei fitu sentemita.

Eksodas 25:5

nei guli sipu nalhaꞌugna te eni faꞌukru, guli vena, thaba gaju akesia,

Diutronomi 10:1

“Ka narane tuana Lord ne cheke eghu ka iara, ‘Moses, iagho ghagra ka phei thina tataba igre jateula teke phei ulu lahu ra eghu. Eghuteuna iagho horo kaisei bokis ka thaba. Eghuteuna iagho haghe ka iara agne ka thogele igne hata mei balumu phei thina tataba tuare.

Hibru 9:4

Ke lamnagna u chogho igne mare lilisei kaisei tevo te hohoro ka gol mala gahu insens ka God, nei kaisei bokis fagaglana gna nogna nhaꞌa cheke God na. U bokis tuana ghiha gol ke kosi. Ke lamnagna bokis na, au phei thabasoa teke riso soru God nogna vetula na. Jaola mare tathaji kaisei botol gol, ke lamnagna botol tuana au katha vido gano gna tifa teke mei funugna ka God te kiloi ‘manna’, nei nogna khodo mae Eron te kotu khakla na au la jare.

Eksodas 38:6

Mare jaola edi phei gaju mala pala gna olta igne ka thaba gaju akesia, eghuteuna mare ghiha tafru phei gaju igre ka bras.