Diutronomi 10:21 - Buka Blahi Ka Cheke Holo

²¹ Ghotilo ghatho tahuni Lord! Eigna mana ngala nomi God ghotilo mae ihei teke edi glepo biꞌo te mamhaghuana teke filodi ghotilo ra.

Diutronomi 10:21 ပူးပေါင်းရင်းမြစ်များ

Profet Jeremaea 17:14

Lord, iara cheke fakeli nigho fabrahu! Fablahi ghau iara te fogra gne mala ke keli fapulo iara. Jame te fakarhi ghau iara iagho na, iara ginauna karha fabrahu.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Nodi Khoje Hatimare Mae Jiu 22:3

Nu neuba, iagho God te blahi, iagho king gna Israel te gnokro teu kau sape nafnakno, ghehati cheke fakeli nigho.

Fapea Samuel 7:23

Eghuteuna theo kaisei naikno ka nauthoglu igne te jateula nou naikno iagho Israel igre teuna. Iagho neke fakarhidi mala kafe laseni nanghamu te fnakno kligna lahu. Ulu lahu na iheire te sneka, nu iagho fasnaglidi mala nou naikno themu. Iagho neke fakarhidi kuꞌedi nou naikno iagho teke au Ijep ra. Iagho neke edi kofubobhoi te biꞌo kani teke brue fajifladi iagho keha naiknora balu nodi mumuju god.

Eksodas 15:2

“Iara koje mala fafnaknoni nanghagna Lord, eigna mana ne tusu mei nanheta ka iara. Mana neke atha fapulo ghau iara, eghuteuna iara magnahaghei te pala hagheni nanghagna mana na. Mana na nogu God iara, mae ihei teke pogho soruni mae kuꞌegu iara ra.

Luku 2:32

Mana jateula kaisei juta eghu mala faphaedi naikno te theome mae Jiure mala filo glani nigho mare. Mana ginauna jaola hata mei nafnakno ka nou naikno Israel.”

Profet Isaia 64:3

Tifa na iagho neke mei edi glepo teke theome ghathodi nei mhaghudi teku ghehati ra. Ka narane tuana, thogele te gnafa igre neke filo nigho iagho, eghuteuna thogele igre neke jateula naikno te mhaghu te fififri fara ra neku.

Profet Isaia 60:19

Ka narane tuana naprai gne ginauna theome phae ka ghotilo, eghuteuna fei bongiro na glaba gne ginauna theome phae ka ghotilo. Nu iara Lord ginauna na au jateula naprai nei glaba eghu mala tusu ari fabrahu naphae na ka ghotilo. Nu iara Lord ginauna nomi naphae ghotilo fabrahu. Uve, naphaegna nogu nolaghi biꞌo iara nomi God ghotilo na ginauna agha mei fabrahu ka ghotilo.

Nodi Khoje Hatimare Mae Jiu 109:1

God, iara kilo fnakno nigho koba! Thosei au kmu, filo mei kolho ka iara sagho!

Ululahu Samuel 12:24

Ghotilo mala ghaoghatho heta fabrahu mala faꞌuveni, nei leghuni eghu Lord ka gaoghathomi fateote'o. Eghuteuna leuleghu fata na, ghotilo mala ghatho tahudi u gloku biꞌo teke edihi mana ka ghotilo ra.

Nodi Khoje Hatimare Mae Jiu 145:6

Naiknore ginauna toutonudi glepo biꞌo teke edi iagho ra, nei iara na toutonuni eigna fnakno fara iagho na.

Nodi Khoje Hatimare Mae Jiu 148:14

Lord na reireghi fakeli ghita tahati nogna naikno Israel, eghume, tahati cheke fakelini mana! Mana namha ghita fara. Tahati kilo fnaknoni Lord!

Eksodas 34:10

Lord ne cheke eghu ka Moses, “Fanomho sagho, iara gognarona nake eni nogu nhaꞌa cheke teke eni iara balumi ghotilo ia. Iara ginauna edi glepo biꞌo ke ulumi ghotilo. Glepo igre neke theome edi nekeu aheva nga ke uludi naiknore ka nauthoglu igne. Eghuteuna naikno te gnafa te au faligoho ghami ghotilo are ginauna filodi glepo biꞌo nate edi iara Lord, eghuteuna mare ginauna jaglo nodi fara nei jaola mhaghu nodi.

Josua 24:18

Eghuteuna kate ruma mei tahati ke lamnagna glose igne, Lord neke ngolhi fajifladi vikegna Amoa baludi keha naikno teke au ka namono igne. Eghume ghehati ginauna mala jaola leghuni mana, naugna mana ngala noda God tahati na.”