Diutronomi 10:20 - Buka Blahi Ka Cheke Holo

²⁰ Ghotilo mala ghatho tahuni Lord nomi God, nei leghudi unha te chekedi mana re. Ghotilo ghatho tahuni kolho mana. Eghuteuna nomi nhaꞌa cheke re, ghotilo edi ka nanghagna mana kolho.

Diutronomi 10:20 ပူးပေါင်းရင်းမြစ်များ

Diutronomi 6:13

“Ghotilo mala ghatho tahuni Lord, nomi God, mala loku ranghini kolho mana. Eghuteuna ghotilo nhaꞌa cheke kolho ka nanghagna mana.

Diutronomi 13:4

Leuleghu fata na ghotilo mala loku ranghini Lord nomi God eghuteuna ghatho tahuni nei leghuni eghu kolho mana. Ghotilo mala nomhidi nogna cheke mana re, pogho soruni mana, eghuteuna ghatho tahuni mana kolho.

Luku 4:8

Mae Jisas ne cheke tughu eghu ka mae Satan, “Te chekeni ka grioriso te blahi ia, ‘Iagho pogho soru ranghini Lord nou God, eghuteuna loku ranghini ngala mana.’ ”

Diutronomi 11:22

“Leuleghu fata na gaoghathomi ghotilore mala au rheta mala leghudi cheke te gnafa te tusu ari iara ka ghotilo gognarogne. Ghotilo mala namhani Lord nomi God, eghuteuna ghotilo mala leghudi puhigna mana re, eghuteuna ghotilo mala ghatho tahuni mana.

Matiu 4:10

Mae Jisas ne cheke eghu ka mana, “Tei delei, ghema Satan! Naugna te chekeni teu kau grioriso te blahi na, ‘Iagho pogho soru ranghini Lord nou God, eghuteuna loku ranghini kolho mana.’ ”

Nodi Khoje Hatimare Mae Jiu 63:11

Nu iara mae King. Iara ginauna keli tagu fara eigna iagho ginauna togho ghau iara mala theome tangomana nogu naoka iara re te ulu ghau iara na. Iheire teke nhaꞌa cheke ka nanghamu iagho re ginauna cheke fakeli nigho iagho, nu iheire te chaichaghire iagho ginau fofotho foflodire.

Letas Teke Riso Tei Mae Pol Ka Khiloau Rom 12:9

Thosei namha chaichaghi. Filo uchuni unha te diꞌa. Loku famaku ka nagnafami unha te keli.

Profet Isaia 45:23

Iara la enihi kaisei nhaꞌa cheke, eghuteuna nhaꞌa cheke igne theome tangomana na teke tuthughu na. Nogu nhaꞌa cheke iara igne tutuani fabrahu. Ghotilo te gnafa na mala kafe mei tuturupuku ke ulugu iara, eghuteuna ghotilo nhaꞌa cheke mala leghu ghau iara.

Mae Khuru 11:23

Mae Banabas gne kaisei mae keli nei Tharunga te Blahi na au balugna mana, eghuteuna mana ne biꞌo nogna fatutuani na. Kate posa mana ka namono na, mana ne gleale'a fara, naugna mana laseni God na la kulu fablahidihi naiknore. Mana ne cheke faheta ka naikno khiloaudi Antiok re mala thofno leghuni noda Lord. Eghuteuna ka narane tuana kmana naikno ne funu fatutuani ni Lord.

Josua 23:8

Ghotilo mala ghatho tahuni Lord jateula te sughu eni ghotilo te ghilei mei posa gognarogne.

Diutronomi 4:4

Nu, ghotilo iheire teke ghatho tahuni Lord nomi God ra, ghotilo kafe karha teu gognaro gre.

Eksodas 20:7

“Thosei cheke faparini nanghagu iara na. Iara nomi Lord nei God eghu ghotilo. Tutuani, iara ginau na paradi naikno te cheke faparini nanghagu iara na.

Diutronomi 5:11

Ghotilo thosei lausasaba nanghagu iara na, naugna iara Lord, nomi God ghotilo, eghuteuna iara ginauna parani ihei te lausasaba nanghagu iara na.

Josua 23:7

Ghotilo thosei fofodu baludi naikno bongihehe te au teu balumi ghotilo are. Eghuteuna ghotilo thosei tarai ka nanghadi nodi god mare tuare. Eghuteuna ghotilo thosei baubahu tadi ba loku ranghidi ba pogho soru ranghidi.

Ululahu Samuel 7:3

Profet Samuel ne cheke eghu ka maedi Israel gre, “Jame te magnahaghei figri ghotilo gaoghathomi are teke pulo ka Lord na, ghotilo koko mumuju gna gaꞌase god Astarot baludi keha god are. Eghuteuna ghotilo lisa lao nakarhami fateote'o are ka Lord, eghuteuna ghotilo mala tufru soruni mana kolho. Jame te eghu ghotilo na, mana ginauna fakarhi ghami ghotilo ka nodi nolaghi naiknodi Filistia.”

Fapea Kings 18:6

Mana ghatho tahuni Lord neke theome huhughuni mana, nu mana thofno leghuni fabrahu nogna vetula Lord teke tusu ranghini mae Moses tifa ra.

Profet Jeremaea 4:2

Jame te magnahaghei nhaꞌa cheke ghotilo ka nanghagu iara na, ghotilo cheke eghu, ‘Iara thofno nhaꞌa cheke ka nanghagna Lord mae ihei te karha te tifa.’ Jame te eni tutuani ghotilo igne na, iara ginauna fablahi ghami ghotilo naikno te gnafa ka nauthoglu igne.”

Diutronomi 5:29

Filo sagho, jame au fabrahu ka mare gaoghatho igne meuna, ginauna thofno keli fara. Iara magnahaghedi fara mare te ghatho tahu ghau iara fabrahu eghuteuna leghudi nogu vetula iara re. Naugna jame te eni mare na, nakarhadi mare nei thudire teure ginauna thofno keli fabrahu.

Eklesiasti 12:13

Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.