Diutronomi 10:19 - Buka Blahi Ka Cheke Holo

¹⁹ Eghume ghotilo mala jaola mala namhadi naikno phosa igre, naugna tifa na, ghotilo neke jaola neke naikno phosa Ijep.

Diutronomi 10:19 ပူးပေါင်းရင်းမြစ်များ

Eksodas 22:21

“Ghotilo thosei fakokhoanadi nei paradi eghu naiknodi delei te mei au balumi are. Naugna tifa na ghotilo neke jateula tuana neku Ijep.

Galesia 6:10

Eghume kate loku nga teu tahati na, tahati tangomana te toghodi naikno te gnafare. Tulao mala eni igne ka iheire te au lamnagna nogna tharakna God.

Luku 17:18

Ba, ne faꞌunha si mae te theome mae Jiu igne ngala teke pulo mei teke kilo fnaknoni God gnea?”

Luku 6:35

“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Diutronomi 23:7

“Nu ghotilo theome tiromini kaisei maegna Idom, naugna ghotilo kheragna mana. Eghuteuna ghotilo theome thofno tiromini maegna Ijep, naugna tifa na ghotilo neke au ka nodi kantri mare na jateula mae phosa neku.

Profet Esikiel 47:22

Eghuteuna ghotilo ginauna khotogna fabrahu. Naiknodi keha kantri te au balumi ghotilo are nei iheire te karha thudi ka namono igne, mare ginauna jaola au nodi glose balumi ghotilo. Ghotilo ginauna gaoghathodi naikno igre jateula teke karha mei ka vikegna Israel eghu kolho.

Profet Esikiel 47:23

Mare ginauna au nodi glose balumi ghotilo naikno Israel ka nodi nohi vikemi ghotilo te au mare tagna na. Iara Lord God te chekeni igne!”

Diutronomi 23:8

Gradi nafnata mae igre au nogna nolaghi te mala au ka kaisei nodi faidu nogna naikno Lord.”