Diutronomi 10:17 - Buka Blahi Ka Cheke Holo

¹⁷ Lord nomi God ghotilo igne, mana God frunidi god te gnafa nei Lord frunidi Lord te gnafa teu igre. Mana Thofno God mae ihei te au nolaghi fateote'o eghuteuna naikno te gnafa ka nauthoglu igne mhaghuni mana. Kate fateni ihei na, mana theome tangomana te phile ka ihei, eghuteuna mana theome tangomana te hata sileni ka ihei te mala theome fate ka puhi te doglo.

Diutronomi 10:17 ပူးပေါင်းရင်းမြစ်များ

Mae Khuru 10:34

Mae Pita ne funu cheke eghu, “Tutuani fara kheraguro, gognaro na iara thofno laseni igne, God na theome tangomana te kafe pileni ihei na naugna naikno te gnafare kafe nanaba ngala ka God.

Letas Teke Riso Tei Mae Pol Ka Khiloau Rom 2:11

God tangomana te eni igne ka naiknore, naugna naikno te gnafare kaisei nanaba ngala ka God.

Galesia 2:6

Iara theome nanga noguni nafnata mae biꞌo te baubatu ka khiloau na, naugna ka God na naikno te gnafare kaisei nanaba ngala. Nu mae biꞌo ka khiloau te ghatho tahudi fara naikno igre, mare theome cheke ka iara mala eni kaisei glepo te nhogri.

Profet Daniel 2:47

Mana ne cheke eghu ka mae Daniel, “Tutuani fara, nou God iagho igne haghe fara salaꞌudi keha god te gnafa te tufru sorudi ghehati igre. Mana nodi Lord hatimare mae king te gnafa igre. Eigna Mana tangomana te fakakhana gaoghathodi gobigna lepo te poru ka iara igre. Gognarona iara laseni igne, naugna iagho la rurutha la thofno glola fakeli ka iara.”

Thoutonu Eigna Mae Job 34:19

Mana theome phile baludi mae mala baubatu, eghuteuna mana theome fanomho ka mae te dedei nei mae te kuma, naugna mana ngala teke vuavuhadi mare te gnafa na.

Nehemaea 9:32

“Nomi God, iagho fnakno fara nei au nolaghi biꞌo fateote'o, eghume ghehati mhaghu nomi te mei namo ka iagho na. Leuleghu fata na iagho tajini nou nhaꞌa cheke na neke ghatho tahu ghami ghehati. Funu ka narane teke mei king di Asiria teke goigoni ghami ghehati te ghilei mei posa ka narane gognarogne, ghehati au papara fara. Nomi king, nomi lida, nomi pris, nomi profet, nei kuꞌemi teku ghehati tifa ra, ghehati te gnafa na neke kafe au papara fara. Eghume puhi biꞌo igne theome tei koko ghami ghehati ghilei mei posa gognarogne.

Diutronomi 7:21

Eghume ghotilo thosei mhaghudi mare, naugna Lord nomi God ghotilo na au balumi ghotilo. Mana au nolaghi fateote'o, eghuteuna mare mhaghu nodini fara mana.

Thakle 19:16

Ka nogna pohe nei boebokegna teure mare rioriso nangha igne, “Mae King te funei frunidi King te gnafa nei Lord te funei frunidi Lord te gnafa.”

Efesus 6:9

Ghotilo mae funeira, jaola keli ranghidi nomi mae snekare. Eghuteuna koko nafnata puhi te famamhaghudi nomi mae sneka are. Naugna ghotilo laseni nomi funei ghotilo nei nodi funei mare teuna au kligna, eghuteuna naikno te gnafa na kaisei nanaba ngala ka mana.

Josua 22:22

“Lord kolho te thofno God na! Lord, God mae ihei te au nolaghi fateote'o igne, mana tangomana te lasedi unha te edi ghehati re! Eghuteuna ghotilo tangomana te laseni jame te huhughuni ghehati Lord, nei theome fatutuani ni mana teuna, jame te keli na ghotilo falehe ghami ghehati kolho!

Thakle 17:14

King igre balugna bosu na ginauna magra ka Lam. Nu Lam baludi nogna naikno teke vavahi nei kilodi teku thegna te mala au heta ka nodi fatutuani, ginauna tapla sorudi kolho. Naugna Lam na funei frunidi Lord te gnafa nei King te gnafa.”

Profet Daniel 11:36

“King gna Siria ginauna leghuni unha te ghathoni thegna na. Mana ginauna cheke fahaehaghe nei fafnaknoni eghu thegna salaꞌuni God mae ihei te fnakno ke klignadi god fateote'o. Mana ginauna eni fabrahu puhi igne ghilei thoke mei narane teke vahini God te mala parani mana na. Eghuteuna God ginauna eni unha teke ghathoni mana na.

Nodi Khoje Hatimare Mae Jiu 99:3

Kaisei God ngala te blahi na nei fnakno teuna. Eghume, tahati te gnafa na mala kafe cheke fakelini nogna nafnakno mana na.

Nehemaea 1:5

ne cheke eghu, “Lord God gna kligna. Iagho haghe fara, eghuteuna ghehati mhaghu nomi fara te mei namo ka iagho na. Leuleghu fata na iagho tajini nou nhaꞌa cheke na, baludi iheire te namha nigho nei leghudi teu nou chekere.

Profet Jeremaea 20:11

Nu iagho Lord, iagho jateula kaisei mae soldia nheta te au fabrahu teu balugu iara ia eghu. Mae iheire te para ghau iara igre ginauna glaꞌe soru na theome ulu ghau iara. Mare ginauna mamaja fara, eghuteuna mamaja igne ginauna theome gnafa ka mare tifa tifa.

Nehemaea 4:14

Iara filodi naiknore ne mhaghu nodi fara, aonu iara ne eha fabiꞌo ka mae biꞌo, nei ka mae mala baubatu, nei ka keha naikno ka namono na, ne cheke eghu ka mare, “Tore! Ghotilo thosei mhaghudi mae naoka gre! Ghathoni noda Lord mae ihei te au nolaghi fateote'o, nei haghe fara! Tahati kegra haghe mala magra fanogradi mae naoka gre mala theome tangomana mare te mei goigonidi kherada, nei thuda, nei khetoda, nei noda suga la teu igre!”

Fapea Kronikols 19:7

Ghotilo ghatho tahuni Lord noda God. Fiofilo ghami mala fate ka puhi te doglo, naugna mana tirognani puhi te theome doglo na. Eghuteuna mana jaola tirognani mae fate te phile ka ihei na, ba tirognani puhi te fate famaemahe te mala hata sileni na.”

Ululahu Pita 1:17

Kate tarai na ghotilo tangomana te kiloni God, Mama. Tutuani fara, kate fatedi naikno te gnafare, God ginauna theome tangomana te vahini ihei na, nu mana ginauna ghathoni eigna nogna gloku soasopai naikno na. Eghume kate karha nga teu ka nauthoglu igne, ghotilo mala ghatho tahuni God leghu fata.

Kolose 3:25

Eghuteuna God na theome vahini ihei. Eghume, ihei te edi glepo te diꞌare God ginauna nake foli fapulo ka mana leghuni unha teke eni mana na.

Nonomho Te Keli Teke Risoi Mae Mak 12:14

Aonu, mare mei ne ghusna eghu ka mana, “Mae Velepuhi, ghehati lase nigho iagho kaisei mae te cheke koba kate tutuani. Iagho theome mhaghudi unha nafnata gaoghatho te edi naiknore eimu iagho na. Neubane mae biꞌo, iagho farirhiuni ngala unha te tutuani eigna God. Ba, keliu ngala te foli takis tahati ka mae Sisa na? Ba theo?” Mae Sisa gne mae king biꞌo gna Rom.

Ululahu Timoti 6:15

God ginauna na fapulo meini mae Kraes ka narane mana thegna teke vahini. God na keli fara nei mana thegna ngala te au nolaghi biꞌo te mala funei frunidi gobigna lepo fateote'o ka nauthoglu gne. Mana ngala te King ke uludi mae King te gnafa nei Lord ke uludi mae funei te gnafa.

Eksodas 23:8

“Iagho thosei atha sileni ka ihei te magnahaghei nigho iagho te mala cheke chaichaghi ka fate na, naugna sileni igne ginau na fadofu nigho iagho mala theome filo glani iagho unha te doglo na. Nafnata sileni igne mala cheke chaichaghi ngala naikno te keli na.

Diutronomi 1:17

Eghuteuna kate fatedi naiknore, ghotilo fate ka puhi te doglo, thosei phile ka ihei nga. Neubane mae biꞌo ba fiti mae kolho, ghotilo thosei mhaghuni ihei, nu fatedi naiknore ka puhi te naba ka gaoghathogna God. Eghuteuna jame kaisei puhi biꞌo fara, te theome naba ghotilo te fadoglini na, ghotilo ginauna hata mei ka iara, eghuteuna iara ginauna fadoglini puhi tuana.”

Diutronomi 16:19

Mare mala theome leghuni puhi te theome doglo na. Mare theome mala phile baludi keha mae kolho. Mare theome mala snakreni ihei mala famaemaheni kaisei naikno mala hata sileni ka mana, naugna puhi te famaemahe igre tangomana te fadofuni mae mala fate neuba mana ne mae glalase, eghuteuna mae mala fate ginauna theome cheke fadoglo ka kot.

Diutronomi 24:17

“Ghotilo leghuni puhi te doglo ka fate na ranghidi naikno phosa nei goro sua te glehe kokoi. Eghuteuna jame kaisei naikno biꞌo tela lehehi khetogna na kaoni ka ghotilo, ghotilo thosei hata nogna pohe na mala ke tughu fapulo nogna kaoni na.

Diutronomi 27:25

“ ‘Puhi biꞌo ginauna thokeni ihei te hata sileni te mala aknu faleheni ihei te theo nakhibogna na.’ Eghuteuna naiknore ginauna cheke eghu, ‘Amen!’

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Profet Isaia 37:16

“Lord, iagho mae ihei te au nolaghi fateote'o! Iagho nomi God ghehati maemi Israel, iagho King mae ihei te gnokro ka sape nafnakno farihoteidi phei engel. Iagho ngala thofno God te tutuani na, eghuteuna iagho funei frunidi kantri te gnafa ka nauthoglu igne. Iagho neke vuavuhadi maloa ghe nauthoglu igre.

Profet Daniel 2:45

Thina biꞌo te phili funu ka thogelero te soru thegna te goigonidi gol, nei silva, nei bras, nei aean, nei glose teu igre, fagaglana gna God mae ihei te au nolaghi fateote'o igne te fakakhana ka iagho unha nate thoke mei ginauna. Eghuteuna gaoghathodi unha te filodi iagho igre ginauna thoke mei tutuani fara.”

Profet Jeremaea 32:18

Leuleghu fata na, iagho namhadi nei kokhonidi eghu kmana thogha naikno. Nu jame te tapla jafra kaisei phagusu ka nakhibo na, iagho ginauna paradi naikno te leghudi puhi te diꞌa tuare baludi goro thudi nate karha mei ke leghudi re. God, iagho thofno keli fara, nei nolaghi fara eghu, eghuteuna nanghamu iagho na Lord, mae ihei te au nolaghi fateote'o.