Diutronomi 10:14 - Buka Blahi Ka Cheke Holo

¹⁴ “Kligna nei nauthoglu nei gobigna lepo fateote'o te au ke lamnadi teu igre nogna Lord nomi God ghotilo khotodi re.

Diutronomi 10:14 ပူးပေါင်းရင်းမြစ်များ

Eksodas 19:5

Jame te leghu ghau iara ghotilo na, eghuteuna tajini ghotilo nhaꞌa cheke teke eni iara balumi ghotilo ia teuna, ghotilo mala thofno nogu naikno iara salaꞌudi keha naikno te gnafa ka nauthoglu igne. Neuba nauthoglu igne ne nogu iara gognarona,

Nodi Khoje Hatimare Mae Jiu 24:1

Nauthoglu nei thua nafnotu fateo te au ke lamnagna igre nogna Lord, eghuteuna naikno te au tagna re jaola nogna mana.

Nodi Khoje Hatimare Mae Jiu 115:16

Kligna na nogna namono Lord kolho, nu nauthoglu igne mana neke tusu ranghini naikno.

Nehemaea 9:6

Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Nodi Khoje Hatimare Mae Jiu 148:4

Maloa, iagho kilo fnaknoni mana, nei khoꞌu te au ka maloa klignara, ghotilo kilo fnaknoni mana.

Ululahu Kings 8:27

“Lord! Iagho tangomana te mei au ka nauthoglu igne na? Neuba maloa kligna igne ne krepa fara, nu maloa kligna igne theome naba te mala au iagho tagna na. Sugablahi igne ikoi fara theome naba te mala au iagho tagna na.

Nodi Khoje Hatimare Mae Jiu 50:12

Eghuteuna jame te rofo na, iara ginauna na theome tore ka ghotilo, naugna nauthoglu igne baludi gobigna lepo te au ke lamnagna igre nogu iara.

Fapea Kronikols 6:18

“Lord, iagho ginauna na mei au balumi ghehati naiknogna nauthoglu igne sia? Kligna na namono biꞌo fara theome nabamu iagho te au tagna na. Sugablahi te eni iara igne jaola ikoi fara theome nabamu iagho te au tagna na.

Eksodas 9:29

Aonu mae Moses ne cheke eghu ka mana, “Uve, kate jifla ari iara kosi ka namono biꞌo igne na, iara ginau na ngafa haghe khame ghu gre mala tarai ka Lord. Eghuteuna fila igne ginau na gnafa, eghuteuna nakhete thina aes igne ginau na hui eghu ngala signea. Eghume iagho ginau na laseni, u glose igne nogna Lord kolho.

Ululahu Korin 10:28

Nu jame kaisei mae cheke eghu ka ghotilo, “Gano igre neke fafara ka mumuju,” ghotilo ghathoni cheke mana igne mala thosei ima gano tuana.

Ululahu Korin 10:26

Ghotilo tangomana te ima na, naugna grioriso te blahi na cheke eghu, “Nauthoglu nei gobigna lepo ke lamnagna teu igre nogna Lord.”

Profet Isaia 66:1

Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?

Jenesis 14:19

Aonu mae Melkisedek ne toreni God mala fablahini mae Ebram. Mana ne cheke eghu, “God, mae ihei te fnakno fara teke vuavuhadi maloa ghe nauthoglu gre, fablahi nigho.

Mae Khuru 17:24

“God mae ihei teke hohorogna u nauthoglu thongana igne, nei gobi lepo fateote'o ke lamnagna. Mana te funei frunini kligna nei pari. Eghume, mana theome au ka suga tharai teke hohoro ka khame naikno!

Fapea Korin 12:2

Iara laseni God hata ghau iara neke haghe kligna ka nabotho fati finogha te liu ra. Iara theome raꞌe laseni jame teke eni tutuani ka thinigu iara na ba neke khogla ka mifi kolho, nu God ngala te laseni na.

Diutronomi 10:13

Eghuteuna ghotilo mala leghudi nogna cheke nei farirhiu eghu teke tusu ari mana te mala keli nakarhami ghotilo re.

Diutronomi 33:26

Aonu mae Moses neke cheke eghu ka naikno te gnafadi Israel, “Theo kaisei god te jateula nomi God ghotilo naiknomi Israel te doglo ra. Mana tangomana te kasa ka maloa na te togho ghami ghotilo, eghuteuna mana tei ke lamna khoveo ka nogna nolaghi biꞌo.

Thoutonu Eigna Mae Job 41:11

Ihei te tangomana te fapholai ka iara te mala fadoglini iara glepo tuana? Thono theo fara, naugna iara ngala te batudi gobigna lepo fateote'o ka nauthoglu igne.

Nodi Khoje Hatimare Mae Jiu 68:33

Ghotilo koje ranghini mae ihei te nolo tafri teu ka maloa kligna, maloa igne neke au vuha tifa. Fanomho si ghotilo, mana eha fabiꞌo jateula fila eghu.

Jenesis 14:22

Nu mae Ebram ne cheke eghu ka mae king gna Sodom na, “Lord, God te fnakno fara, mae ihei teke vuavuhadi maloa ghe nauthoglu gre, iara nhaꞌa cheke ka nanghagna mana, iara theome tangomana te tathaji kaisei nou glepo iagho malagu thegu na tulao kaisei glepo ikoi fara jateula naglaja mala susuki ba gnarho mala famamhaku sadol. Thono theo fara. Ka puhi igne iagho theome tangomana te cheke eghu na, ‘Ka iara neke dedei fara nga si mae Ebram gnea teuna.’