Diutronomi 10:12 - Buka Blahi Ka Cheke Holo

¹² Aonu mae Moses ne cheke eghu, “Ghotilo naiknomi Israel. Unha te magnahaghei eni ghotilo teu Lord nomi God ghotilo na? Ghotilo mala ghatho tahuni nei leghuni eghu puhigna mana na, eghuteuna tahati mala namhani nei loku ranghini eghu mana ka nagnafada fateote'o nei ka gaoghathoda fateote'o.

Diutronomi 10:12 ပူးပေါင်းရင်းမြစ်များ

Diutronomi 6:5

Eghuteuna ghotilo mala namhani Lord nomi God ka nagnafami fateote'o, nei ka gaoghathomi fateote'o, nei ka nanhetami fateote'o.

Profet Maeka 6:8

Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.

Luku 10:27

Mana ne cheke eghu ka mae Jisas, “Namhani Lord nou God. Namhani mana ka nagnafamu fateo, nei ka gaoghathomu fateo, nei ka nanhetamu fateo, nei ka nou glalase fateo. Namhani kheramu fofodu na jateula iagho te namha nigho themu eghu.”

Diutronomi 5:33

Ghotilo mala leghudi mare gnafa. Eghuteuna jame te eni ghotilo igne na, nakarhami ghotilo re ginauna keli fara, eghuteuna ghotilo ginauna tangomana te au raugha ka glose nate au ghotilo tagna na.”

Diutronomi 11:13

“Jame te leghudi ghotilo vetula te tusu ari iara ka ghotilo gognarogne, eghuteuna ghotilo mala namhani Lord nomi God nei loku ranghini mana ka nagnafami fateote'o nei ka gaoghathomi fateote'o,

Matiu 22:37

Mae Jisas ne cheke eghu ka mana, “Namhani Lord nou God ka nagnafamu fateo, nei ka gaoghathomu fateo, nei ka nou glalase fateo.

Profet Sefanaea 3:9

“Ka Narane igne, iara ginauna tusu lao gaoghatho majaghani ka naikno te au ka kantri igre. Uve, gaoghathodi naikno igre ginauna majaghani mala pogho soru ghau iara, nei mala kaisei nagnafa eghu mala leghuni chekegu iara na.”

Nodi Khoje Hatimare Mae Jiu 34:9

Ghotilo nogna naikno Lord ra, ghatho tahuni mana. Ghotilo iheire te leghuni mana ra, ghotilo theome kmoꞌe ka glepo te keli na.

Diutronomi 4:29

Nu ka keha namonore ghotilo ginauna hironi Lord nomi God. Eghuteuna jame te ghaoghatho fakeli ghotilo ka nomi glalase fateote'o te hironi mana na, ghotilo ginauna tangomana te filo deni mana na.

Hibru 12:28

Eghume tahati mala cheke fakelini God naugna tahati au noda namono te au fabrahu tifa tifa. Eghuteuna tahati mala loku ranghini mana balu mhaghu mala eni fabrahu unha te gleale'ani mana na. Naugna noda God te ghatho tahuni tahati gne jateula khaꞌaghi biꞌo te gnubra fateo gobigna lepo te diꞌa ra eghu.

Profet Esikiel 11:20

Uve, mare ginauna tangomana te leghudi nogu vetula iara re, eghuteuna faꞌuvedi nogu cheke iara re. Eghuteuna mare ginauna nogu naikno iara, eghuteuna iara nomi God mare.

Nodi Khoje Hatimare Mae Jiu 145:20

Mana ginauna na roꞌe fahuidi naikno te diꞌare, nu mana na reireghidi iheire te namhani mana re.

Nodi Khoje Hatimare Mae Jiu 128:1

Keli tadi fara iheire te ghatho tahuni Lord nei leghudi nogna chekere teuna.

Nodi Khoje Hatimare Mae Jiu 81:13

“Iara thono magnahagheni fara jame te fanomho nogu naiknore ka iara. Uve, iara thono magnahagheni fara jame te leghuni mare puhigu iara na.

Josua 22:5

Kate ke figri ghotilo na, ghotilo theome mala ghatho ihodi te mala leghudi nogna famane farirhiu Moses nogna mae gloku Lord, teke tusu arihi ka ghotilo ra. Mana neke chekehi ka ghotilo te mala namhani Lord noda God, tapla leghudi puhigna mana re, leghudi nogna cheke mana re, loku famaku ka mana, eghuteuna loku ranghini mana ka nagnafami fateote'o, nei ka gaoghathomi fateote'o.”

Diutronomi 30:16

Iara cheke faheta ka ghotilo gognaro na, mala namhani Lord nomi God. Ghotilo mala leghudi nogna cheke, nogna farirhiu nei nogna vetula teu mana re. Jame te eghu ghotilo na, ghotilo ginauna au ka nakarha te keli, nei vikemi, nei thumi teu ghotilore ginauna kmana fara, eghuteuna Lord nomi God ginauna fablahi ghami ghotilo ka glose nate tei ghotilo te au tagna na.

Ululahu Jone 5:5

Ba, ihei tangomana te tapla soruni puhigna nauthoglu igne? Uve, mae ihei ngala te fatutuani ni mae Jisas na thofno Thugna God.

Ululahu Jone 2:15

Thosei namhani puhigna nauthoglu igne ba glepo gna nauthoglu igne. Jame ihei te namhani puhigna nauthoglu na, nogna namha Mama na theome au ka mana.

Letas Teke Riso Tei Mae Pol Ka Khiloau Rom 8:28

Eghuteuna te laseni tahati na, ka gobigna lepo te posa ka tahati naikno te namhani God, God ginauna na edi fakeli gobigna lepo ka nakarhadare. Mana eni igne maladi naikno teke vahidi mana re, leghuni nogna gaoghatho thegna na.

Luku 11:42

“Puhi biꞌo ka ghotilo, mae Farasi ra! Naugna ghotilo tangomana te tusu lao ka God kaisei ka fabothodi ghemi khuromu te kilodi mint, nei ruꞌu, nei keha glepo ikoi langau teke hata ka nomi nagare re. Nu ghotilo ghatho ihodi te mala toghodi naiknore nei ghatho iho nila te mala namhani God. Glepo te ikodi igre te mala edi ghotilo re, nu ghotilo thosei ghatho dila glepo te biꞌo are.

Thoutonu Eigna Mae Job 36:11

Jame te fanomho mare te leghuni God eghuteuna loku fakeli ranghini mana teuna, mare ginauna au ka nakarha te keli, eghuteuna au ka pharikeli fabrahu ghilei kuekuꞌe.

Diutronomi 6:13

“Ghotilo mala ghatho tahuni Lord, nomi God, mala loku ranghini kolho mana. Eghuteuna ghotilo nhaꞌa cheke kolho ka nanghagna mana.

Mae Khuru 9:31

Ka narane tuare, naikno khiloau te au heva heva ka Provins Judia nei Galili nei Samaria teure ne au ka pharikeli. Eghuteuna kau nogna thotogho Tharunga te Blahi na nodi gloku mae khiloaure ne nheta fara nei naikno te ruma haghe ka khiloau na kmana ne kmana. Eghuteuna leuleghu narane na naikno khiloaure ne ghatho tahuni nodi Lord na.

Letas Teke Riso Tei Mae Pol Ka Khiloau Rom 1:9

Iara loku ranghini God balu nagnafagu fateo mala toutonuni u Nonomho te Keli eigna Thugna God. Eghuteuna God lase ghau iara te ghatho ghami ghotilo koba ka nogu tharaire.

Nodi Khoje Hatimare Mae Jiu 18:1

God, iara namha nigho fara. Iagho ngala nogu nolaghi iara na.

Ululahu Timoti 1:5

Jame te leghuni mare nogu cheke iara na, mare ginauna namhadi keha naiknore. U namha igne neke jifla mei ka nagnafa te thofno gae nei ka gaoghatho te doglo nei ka thofno fatutuani.

Eksodas 23:25

Jame te pogho soru kolho ghotilo ka iara nomi Lord God na, iara ginau na keli tagu ka ghotilo na tusu ari ghemi gano nei khoꞌu eghu, eghuteuna iara ginau na jaola bara fothi ghami ghotilo ka fogra biꞌo.

Diutronomi 6:2

Ghotilo, baludi thumi nei grami teure mala ghatho tahuni fabrahu Lord nomi God ka puhi te leghudi ghotilo cheke nei vetula eghu te chekedi iara ka ghotilo gognaro igre. Jame te eni ghotilo igne na, ghotilo ginauna au ka nakarha te brahu.

Diutronomi 6:24

Eghuteuna Lord noda God neke cheke faheta ka tahati mala leghudi vetula igre, nei ghatho tahuni Lord. Ka puhi igne, mana ginauna fablahi ghita fabrahu nei reireghi fakelidi nakarhada, jateula te eni mana ka tahati gognarogne eghu.

Diutronomi 10:11

Nu Lord ne cheke eghu ka iara, ‘Iagho tei, mala batudi naiknore tei mala hata glose teke nhaꞌa chekehi iara mala tusu lao ka kuꞌemi ghotilo ra teku igne.’ ”

Diutronomi 10:13

Eghuteuna ghotilo mala leghudi nogna cheke nei farirhiu eghu teke tusu ari mana te mala keli nakarhami ghotilo re.

Diutronomi 11:1

Mae Moses ne cheke eghu, “Ghotilo mala namhani Lord nomi God nei leghudi fabrahu nogna vetula, nogna farirhiu nei nogna cheke teu mana ka ghotilo igre.

Josua 24:14

Josua neke cheke eghu, “Eghume, naugna igne, ghotilo mala thofno ghatho tahuni Lord ka nakarhami re, eghuteuna ghotilo mala leghuni mana, eghuteuna leuleghu fata na gaoghathomi re mala au rheta ka mana. Ghotilo mala koko god te chaichaghi teke tarai kuꞌemi ghotilo tifa Mesopotemia nei Ijep tekura. Lord na noda God tahati, eghuteuna kaisei mana ngala te mala leghuni tahati na.

Ululahu Kings 3:3

Neuba mae Solomon ne namhani Lord ne leghudi cheke te gnafa teke farirhiuni mae kmagna na. Nu mana jaola neke fafara nei gahu insens neku ka keha vido blahi ke kligna thogele.

Nodi Khoje Hatimare Mae Jiu 119:2

Naikno te leghudi nogna farirhiu mana re, nei leghuni mana teu ka nagnafadi fateote'o re, mare keli tadi fara.

Eklesiasti 12:13

Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.

Diutronomi 5:29

Filo sagho, jame au fabrahu ka mare gaoghatho igne meuna, ginauna thofno keli fara. Iara magnahaghedi fara mare te ghatho tahu ghau iara fabrahu eghuteuna leghudi nogu vetula iara re. Naugna jame te eni mare na, nakarhadi mare nei thudire teure ginauna thofno keli fabrahu.

Diutronomi 26:16

Aonu mae Moses ne cheke eghu ka mare, “Ka narane gognarogne, Lord nomi God ghotilo igne cheke ranghi ghami ghotilo mala leghudi nogna vetula nei farirhiu teu mana igre. Eghume ghotilo faghuai eghu ka gaoghathomi fateote'o nei ka nomi glalase fateote'o mala leghudi vetula nei farirhiu teu igre.

Diutronomi 27:10

Eghume ghotilo mala leghuni Lord nomi God, kate leghudi ghotilo nogna cheke nei nogna farirhiu teu mana te tusu ari iara ka ghotilo gognaro igre.’ ”

Ululahu Samuel 12:20

Aonu mae Samuel ne cheke eghu ka mare, “Ghotilo thosei mhaghu! Tutuaniu teke eni ghotilo glepo te diꞌa igne na. Nu gognarona, ghotilo mala thosei tei kokoni Lord, eghuteuna ghotilo mala leghuni mana ka gaoghathomi fateote'o.

Fapea Kings 10:31

Nu King Jehu neke theome thofno leghu fakelidi nogna vetula Lord, nodi God mae Israel. Mana theome koko puhigna King Jeroboam te diꞌa tifa ra, eghuteuna mana neke batudi naiknodi Israel mala pogho soru ka phia mumuju buluka nalhaꞌudi igre.

Fapea Kings 18:3

Mana leghuni puhigna mae kuꞌegna King Devet ne edi glepo te doglo ka tathagna Lord na.

Fapea Kings 18:6

Mana ghatho tahuni Lord neke theome huhughuni mana, nu mana thofno leghuni fabrahu nogna vetula Lord teke tusu ranghini mae Moses tifa ra.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Fapea Kronikols 15:12

Maedi Juda nei Benjamin ne eni kaisei nhaꞌa cheke balugna Lord nodi God mae kuꞌedi mare tifara. Mare nhaꞌa cheke mala thofno ghaoghatho heta te mala leghuni kolho mana na.

Nodi Khoje Hatimare Mae Jiu 81:14

Jame te eghu mare na, iara ginauna magridi nodi naoka mare re, eghuteuna iara na theome raugha na tapla sorudi naikno te diꞌa tuare.