Diutronomi 1:7 - Buka Blahi Ka Cheke Holo

⁷ Ghotilo jifla tei au ka nodi namono kokhologna mae Amoa ka thogele nei ka glogu Khoꞌu biꞌo Jordan, nei ka nodi namono kokhologna Kenan, nei ka namono nagou ke mata Kenan. Namono igne tei posa ke mosu Thongna Mediterenian, eghuteuna ke raru na tei posa ka Thogele Lebanon, eghuteuna ke mosu na tei posa ka Khoꞌu biꞌo Iufretis.

Diutronomi 1:7 ပူးပေါင်းရင်းမြစ်များ

Diutronomi 11:24

Aheva te tei tapla ghotilo tagna na, glose tuana nomi ghotilo. Nomi nohi ghotilo na ginauna funu ke mata namono nagou tei posa ke raru Thogele Lebanon, eghuteuna funu ke maghati Khoꞌu biꞌo Iufretis tei posa ke mosu Thongna Mediterenian.

Josua 10:40

Mae Josua ne magra heta fara ne uludi namono biꞌo te gnafa te au ka vido igne. Mana tapla faparidi ne gnafa hatimare mae king te au ka thogele ke holo, ka nohi ke mata Negev, ka fanukhu ke mosu, nei ka vido rhegna ke maghati khoꞌu Jordan. Mana aknu falehedi ne gnafa mae king te gnafa nei naikno te gnafa teu te au ka vido te gnafa igre. Mae Josua ne theome magnahaghei te karha kaisei na, naugna God nodi Lord maedi Israel igre neke chekehi ka mare.

Profet Emos 2:9

“Ghotilo nogu naikno iara ra, iara neke togho ghami ghotilo neke falehedi vikegna mae Amo. Vikegna mae Amo igne brahu nei rheta eghu jateula gaju sida ba gaju ok eghu, nu iara neke kafe falehedi gnafa.

Ululahu Kronikols 18:3

Eghuteuna keha fata na, mae Devet baludi nogna soldia re tei ne magra ka naiknodi Hamat rhegna Khoꞌu biꞌo Iufretis mala au mare ke parigna nogna nolaghi mana. Mana ne uluni King Hadadesa mae ihei te king Soba kaisei namono biꞌo ka kantri Siria.

Ululahu Kronikols 5:9

Mare au nodi kmana buluka nei sipu eghu Gilead ne ghilei theome nabadi mare namono igne. Aonu keha ka mare tei ne au ka vido ke maghati namono nagou biꞌo tei posa ka Khoꞌu biꞌo Iufretis.

Fapea Samuel 8:3

Mae Devet jaola ne magra ka mae Hadadesa thugna mae Rehob king gna Soba. Mana neke hata fapulo nohi ka Khoꞌu biꞌo Iufretis.

Josua 24:15

Nu gognarona jame te tiromi leghuni ghotilo mana na, ghotilo mala vavahi god aheva gne te magnahagheni ghotilo na. Jame te magnahaghei leghudi ghotilo nodi god te chaichaghi naiknodi Mesopotemia teke tarai kuꞌeda tahati tifa igre teu tuare nomi ghotilo te mala ghathodi re. Ba jame ghotilo magnahaghei te leghudi nodi god te chaichaghi vikegna Amoa aheva te au teu tahati ka nodi glose na gognarogne, igne jaola nomi ghotilo te mala ghathoni na. Nu iara, balugna tharaknagu gne, ghehati ginauna leghuni kolho Lord.”

Josua 1:4

Namono igne, funu ke mata namono nagou tei posa ke raru Thogele Lebanon. Aonu ke maghati na funu ka Khoꞌu biꞌo Iufretis tei posa ka nodi vido mae Hit. Eghuteuna funu jare tei posa ke mosu Thongna Mediterenian.

Diutronomi 11:11

Nu glose nate tei kasa ghotilo ka Khoꞌu biꞌo Jordan te hata igne, au gukhu nei glogu, eghuteuna leuleghu fata na nakhete fabrahu mala karha gano.

Eksodas 23:31

“Iara ginau na tusu ari ka ghotilo vido te funu ka grathagna ke mata ka Thonga Ukru igne tei posa ka Thonga biꞌo ke mosu Mediterenian. Eghuteuna funu ka Khoꞌu biꞌo Iufretis ke raru na tei posa ka namono nagou ke maghati. Eghuteuna iara ginau na tusu ari nolaghi ka ghotilo mala funei frunidi ghotilo naikno te au ka vido glose igne, eghuteuna kate tei ghotilo te ruma ka kantri igne na, ghotilo ginau na brue fajifladi naikno teke kulu au teku jare ra.

Thakle 9:14

Cheke igne ne cheke eghu lao ka fafamno engel na, “Fati engel teke haru mare ka Khoꞌu biꞌo Iufretis ra, iagho mala ke snakre teidi mare!”

Jenesis 12:9

Ke leghugna igne mae Ebram nei nogna vike na ne jifla jare ne tei ke mhata. Eghuteuna mana ne tei fabrahu ne ghilei tei posa ka nohi Negev.

Diutronomi 1:19

Mae Moses ne cheke eghu, “Lord, noda God tahati na neke cheke ka tahati mala jifla Thogele Sanai, eghuteuna tei salaꞌu ka namono nagou biꞌo te thono diꞌa fara, mala tei posa ka nodi thogele kokhologna mae Amoa. Eghume tahati la eni igne la mei thoke agne Kades Banea.

Naba 10:12

eghuteuna naikno Israel re ne funu jifla kokoni namono nagou Sanai na. Gromno igne mei ne snoto jare Paran.

Josua 9:1

Mae Josua baludi maedi Israel igre mare magra ne uludi phei namono biꞌo Jeriko ghe Ai. Eghuteuna nonomho eigna igne ne tei thoke ka mae king te au ka namono te gnafa ke mosu Khoꞌu biꞌo Jordan. Mae king igre funudi ka vikegna mae Hit, ka vikegna mae Amo, ka vikegna mae Kenan, ka vikegna mae Peres, ka vikegna mae Hivi, nei ka vikegna mae Jebus. Mae igre au ka thogele nei ka gukhu ke mosu, nei ka sare rhegna Mediterenian, tei posa ke raru kantri Lebanon. Mare kafe nomhini thoutonu eigna mae Josua igne baludi mae Israel te uludi nodi naokare ka magra igre.

Ululahu Kronikols 27:29

Eghuteuna mae Sitrae maegna ka namono Saron, mana mae mala fiofilo buluka ka nohi Saron. Eghuteuna mae Safat thugna mae Adlae, mana mae mala fiofilo buluka te au ka sare glogu nohi Saron.