Diutronomi 1:44 - Buka Blahi Ka Cheke Holo

⁴⁴ Nu kokhologna mae Amoa te au ka thogele igre kafe gru mei jateula jurukuli neku neke ngolhidi neke mei magra ka mare. Mare rikha funu ka rijon Idom ne tei posa ka namono Homa.

Diutronomi 1:44 ပူးပေါင်းရင်းမြစ်များ

Nodi Khoje Hatimare Mae Jiu 118:12

Mare khapru faligoho ghau iara jateula naungo eghu, nu iara la goigonidihi mare ka nogna nolaghi Lord. Kate mei mare te mala magra ka iara na, mare jateula buburu te gnubra ka khaꞌaghi te ghosei te dofidi ra eghu kolho.

Naba 14:45

Kate thoke mare ka thogele Kenan, mae ka vikegna mae Amalek ghe mae Kenan te au ka thogele re soru mei ne magra ne uludi mare, aonu mare ngholi fapulo naiknodi Israel gre ne thoke ka namono Homa.

Profet Isaia 7:18

Ka narane igne, Lord ginauna kiloni armi gna Ijep, eghuteuna mae soldiare ginauna jifla mei ka vido te gnafa ka kantri tuana. Mae igre kmana fara jateula sisimi eghu. Mana ginauna na jaola kiloni armi gna Asiria igne. Mae soldia igre ginauna mei jateula jurukuli eghu mala mei goigonidi nei falehedi eghu naiknore.

Naba 21:3

Lord ne nomhidi mare, ne toghodi mala uludi mare vikegna Kenan na. Aonu mae Israel gre tei ne magradi mare ne paꞌe soru nodi suga, namono teu mare re. Aonu mare ne kiloni vido tuana “Homa”, gaoghathogna na “vido te thofno goigoni fabrahu.”

Diutronomi 32:30

Ghathodi nogu ghusna iara gre. Faꞌunha eghu tangomana kaisei soldia kolho te uludi kaisei thogha mae ka magra na? Faꞌunha eghu tangomana phei soldia kolho te ngolhi teidi nabotho thogha mae ka magra na? Ghotilo mala filo glani tuana: Glepo igne na thoke mei naugna Lord nomi vido keli mala poru ghotilo naiknomi Israel igne tei koko ghami ghotilo.

Diutronomi 28:25

“Lord ginauna toghodi mae naoka re mala ulu ghami ghotilo. Neuba ghotilo ne mei fodu ne kaisei mala magridi mare, ghotilo ginauna rikha ka soasopai nabrou. Eghuteuna naikno ka nauthoglu igne ginauna ghatho ghami ghotilo na kaisei glepo diꞌa kolho.

Josua 7:5

Maedi Ai igre ne ngolhidi maedi Israel funu ka grengathagna namono na ne ghilei tei posa ka kaisei thogele te mala dokha thina na. Eghuteuna kate ngolhodi te sukha maedi Ai ka thogele igne na, mare ne aknu falehe tolufulu namno mae ka nogna soldia mae Josua igre. Mae Israel igre ne mhaghudi mae igre ne glaꞌe soru fara gaoghathodire.