Diutronomi 1:37 - Buka Blahi Ka Cheke Holo

³⁷ “Eghuteuna Lord jaola diꞌatagna ka iara eidi puhidi mare igre, eghume mana neke cheke eghu ka iara, ‘Iagho jaola na theome tangomana nate filoni namono igne.

Diutronomi 1:37 ပူးပေါင်းရင်းမြစ်များ

Diutronomi 4:21

“Nu Lord ne diꞌatagna fara ka iara eidi puhidi kuꞌemi ghotilo ra, eghume mana neke cheke fadoglo mei ka iara, iara ginauna na theome tangomana nate tei kasa ka Khoꞌu biꞌo Jordan te mala tei ka famane glose nate tufa mana te mala khotogna ghotilo na.

Naba 20:12

Nu Lord ne cheke eghu ka mae Moses ghe mae pris Eron, “Naugna te theome au nomi grouronu ghopa te theome fakakhana ka naiknore te au nolaghi biꞌo iara na, ghopa theome tangomana te batudi naikno igre te tei ka vido teke nhaꞌa chekeni iara ka ghotilo tifa ia!”

Diutronomi 34:4

Aonu Lord ne cheke eghu ka mana, “Glose igne iara neke nhaꞌa cheke hi ka mae Ebraham, nei mae Isak nei mae Jekop. Iara neke chekeni nate tusu lao iara glose igne ka vikedi thilo mare. Iara snakre nigho iagho mala filo kolho tagna, nu iara theome snakre nigho iagho te tei ruma tagna na.”

Naba 27:18

Aonu Lord ne cheke eghu ka mana, “Mae Josua, thugna mae Nun, nolaghi gna nogu Tharunga te Blahi iara na te au balugna mana na. Iagho ginauna tathalei teini mana ka tathadi naiknore nei ka mae pris Eleasa, eghuteuna habo lao khamemu na ka phaꞌu mana na mala taraini. Eghuteuna iagho ginauna cheke ka tathadi naiknore eigna mana teke tughu nigho iagho na.

Diutronomi 3:27

Iagho haghe ka thogele Pisga. Eghuteuna iagho filo thongana ka vido te gnafa are. Filo fakeli ka gobigna lepo te filodi iaghore, naugna iagho ginauna theome tangomana te kasa ka Khoꞌu biꞌo Jordan.

Diutronomi 31:2

Mana ne cheke eghu, “Gognarona iara la kuekuꞌe fara, iara la thokeni hi kaisei gobi varadaki finogha. Iara na theome tangomana nate batu ghami ghotilo na. Eghuteuna Lord nomi God ghotilo na neke cheke ka iara, eigna iara ginauna theome tangomana nate tei kasa ka Khoꞌu biꞌo Jordan.

Diutronomi 32:52

Eghume iagho ginauna filo fakhaba teini kolho namono nate snakre lao iara ka naiknodi Israel, nu iagho na theome tangomana nate tei ruma tagna na.”

Diutronomi 3:28

Nu iara magnahaghei te famane cheke ka mae Josua, eghuteuna iagho farerheta gaoghathogna mana na, naugna ginauna mana u ngala te mala batudi naiknore te kasa ka Khoꞌu biꞌo Jordan mala hata glose nate filoni iagho na.’

Diutronomi 4:22

Iara theome tangomana te tei kasa ka Khoꞌu biꞌo Jordan igne, iara ginauna lehe kolho ka namono igne. Nu ghotilo ginauna tangomana nate tei kasa ka khoꞌu igne te mala khotogna famane glose tuana.