Diutronomi 1:32 - Buka Blahi Ka Cheke Holo

^32-33 “Nu neuba iara ne cheke faꞌunha teuna ka mare, mare theome tangomana te fatutuani ni Lord, noda God. Leuleghu fata na mana batu ghita mei mala gnafa ka vido te keli, eghuteuna mana falalase nabrou ka tahati, eghuteuna ka bongi na mana kulu tei ke uluda ka kaisei khaꞌaghi, eghuteuna ka narane na mana kulu tei ke uluda ka kaisei khoveo biꞌo te kegra fadoglo haghe, nu mare theome tangomana te fatutuani ni mana.”

Diutronomi 1:32 ပူးပေါင်းရင်းမြစ်များ

Nodi Khoje Hatimare Mae Jiu 106:24

Nu ke leghu na mare ne tirodi fara te tei posa ka famane kantri Kenan, naugna mare neke theome fatutuani ni nogna nhaꞌa cheke God na.

Letas Teke Rioriso Mae Jud 1:5

Neubane lasedihi ghotilo igre, iara magnahaghei ghami ghotilo teke ghatho fapuloni noda Lord teke fakarhidi naiknodi Israel, ka teke hata fajifladi mana Ijep. Nu ke leghugna igne mana neke falelehe fahui iheire teke theome fatutuani nei theome leghuni chekegna.

Hibru 3:12

Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!

Nodi Khoje Hatimare Mae Jiu 78:22

Naugna mare ne theome rouronu ni mana, nei theome fatutuani ni mana eghu nate fakarhidire.

Fapea Kronikols 20:20

Hamerane boibongi ka keha narane na, hatimare mae soldia ne tarabana mala tei ka namono nagou rhegna namono Tekoa. Eghuteuna kate tei mare na, King Jehosafat ne cheke eghu ka mare, “Ghotilo maemi Juda nei Jerusalem, fanomho fakeli ghotilo ia! Fatutuani ka Lord, noda God, eghuteuna mana ginauna farheta ghami ghotilo. Ghotilo fatutuanidi nodi cheke nogna mae profet manara, eghuteuna ghotilo ginauna tangomana te uludi mae naoka re.”

Hibru 4:2

Tahati la nomhinihi u Nonomho te Keli igne, nei naiknodi Israel tifa re neke nomhi nila. Nu neubane nomhinihi mare u cheke igne, theome toghodi mare kolho, naugna kate nomhini u cheke igne mare theome fatutuani kolho.

Naba 14:11

Lord ne cheke eghu ka mae Moses, “Niha fata thodo ghau iara si naikno grea? Neubane edi iara kmana khofubobhoi ka tathadi mare re, mare theome ke rouronu kolho ka iara.