Diutronomi 1:31 - Buka Blahi Ka Cheke Holo

³¹ nei ka namono nagou ia eghu. Ghotilo la filonihi jateula kani teke hata fajifla ghita mana Ijep ia eghu, theo kaisei glepo teke goigoni ghita tahati ka nabrou te mei posa agne! Mana reireghi fakeli ghami ghotilo jateula kaisei mama te reireghi fakelini thugna na ia eghu.’

Diutronomi 1:31 ပူးပေါင်းရင်းမြစ်များ

Mae Khuru 13:18

Ka phiatutu finogha ke lamnagna namono nagou na, God neke toghodi fabrahu, neuba mare ne huhughu ne edi kmana puhi biꞌo fara.

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Profet Isaia 40:11

Mana reireghi fakelidi nogna naiknore, jateula mae ihei te reireghi fakelidi nogna sipura eghu. Uve, mana jateula mae ihei te pala sua te ikodire ka fafragna ra eghu, eghuteuna mana batudi idodi sipu te au thudire mala blaknoi tei.

Eksodas 19:4

‘Iagho themu neke filodihi glepo teke edi iara ka naiknodi Ijep ra. Eghuteuna ghotilo jaola neke filo ghauhi iara te hata mei ghami iara agne. Iara neke hata ghami ka namono igne jateula kaisei gaghata biꞌo te pala thugna re flalo te mei kligna ra neku agne.

Naba 11:14

Iara theome tangomana te reireghidi naikno igre naugna mare thono kmana fara!

Diutronomi 32:6

Ba, tuana puhi te keli te mala tegio ka Lord na? Theo. Ghotilo noli fara! Ghotilo theo kaisei nomi glalase te keli! Lord na kmami ghotilo, eghuteuna mana ngala teke vuavuha ghami ghotilo na.

Nodi Khoje Hatimare Mae Jiu 28:9

God, fakarhidi nei fablahidi eghu nou naikno gre, eigna mare jateula sipu eghu kolho. Reireghidi nei doadofradi eghu fabrahu tifa tifa.

Profet Jeremaea 31:32

Nhaꞌa cheke igne ginauna na theome jateula nhaꞌa cheke teke eni iara ka kuꞌedi mare tifa kani teke baubatudi teke jifla iara ka kantri Ijep. Uve, neuba iara ne namhadi fara jateula mae ihei te namhani khetogna na ia neu, mare neke huhughuni nhaꞌa cheke tuana.

Profet Malakai 1:6

Igne nogna cheke Lord mae ihei te au nolaghi fateoteꞌo. Mana ne cheke eghu ka hatimare mae pris, “Leuleghu fata na mae sitei na ghatho tahuni mae kmagna na, eghuteuna mae gloku na mana thofno leghuni nogna mae funei na. Eghume iara thofno mae kmami ghotilo. Naugna unha si ghotilo te theome leghudi nogu cheke iara grea? Iara nomi mae funei ghotilo. “Ghotilo mae pris gre cheke fadiꞌani nanghagu iara na. “Nu ghotilo cheke eghu, ‘Ba? Niha ngala si ghehati teke cheke fadiꞌani nanghamu iagho na ia?’

Diutronomi 8:5

Ghotilo laseni, Lord nomi God ghotilo na tangomana te fadogli ghami ghotilo na jateula kaisei mae te fadoglini thugna na ia eghu.