Diutronomi 1:30 - Buka Blahi Ka Cheke Holo

³⁰ Lord, nomi God ghotilo ginauna batu ghami ghotilo mala magra balumi ghotilo, jateula tela filonihi ghotilo Ijep

Diutronomi 1:30 ပူးပေါင်းရင်းမြစ်များ

Eksodas 14:14

Megeu kolho si ghotilo, Lord thegna ginau na magra tughu ghami ghotilo. Nu ghotilo na theome eni kaisei glepo ka mare eghu.”

Nehemaea 4:20

Kate nomhini ghotilo naoglagna trampet na, ghotilo faghose chari mei mala khapru faligoho ghau iara. Noda God tahati na ginauna magra ranghi ghita tahati!”

Letas Teke Riso Tei Mae Pol Ka Khiloau Rom 8:37

Nu tahati theome mala nigra ka glepo igre. Naugna Kraes mae ihei te namha ghita na, mana na togho ghita mala tapla sorudi tahati glepo igre leuleghu narane!

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Diutronomi 3:22

Ghotilo thosei mhaghudi mare, naugna Lord nomi God ghotilo ginauna magra ranghi ghami ka mare.’ ”

Nodi Khoje Hatimare Mae Jiu 46:11

Lord mae ihei te funei frunini tharagna kligna na auhi baluda tahati agne. Mana noda God tahati maeda Israel. Mana noda namono keli mala poru tahati.

Josua 10:42

Ka narane tuare, Lord, nodi God maedi Israel igne ne toghodi mare mala uludi nei hata eghu nodi namono mae naoka igre.

Fapea Kronikols 32:8

Mana au nogna nolaghi, nu nogna nolaghi mana tuana mei funugna ka naikno kolho. Nu tahati au tada nogna nolaghi Lord noda God. Mana ginauna magra ranghi ghita mala uluni tahati magra igne.” Aonu nogna cheke King Hesekaea igne ne farerheta gaoghathodi mare re.

Eksodas 14:25

Nodi chariot re ne chakhi ne theome tangomana te thugha na. Aonu hatimare mae Ijep gre ne cheke eghu fari thedi, “Tore, lisa laodi naikno igre, eigna Lord na la toghodi mare la magri ghita tahati! Faghose, rikha noda!”

Diutronomi 1:29

“Nu iara neke cheke eghu ka mare, ‘Ghotilo thosei mhaghudi naikno igre!

Josua 10:14

Funu tifa te ghilei mei posa ka narane gognarogne, theo kaisei narane te jateula narane tuana teuna. Glepo igne neke eghu, naugna Lord neke nomhini nogna cheke naikno na neke toghodi maedi Israel ka magra.

Josua 23:3

Ghotilo la filodihi gobigna lepo teke edi Lord noda God ka naikno teke kulu au ka tahati ka namono igne. Ghotilo laseni Lord noda God neke magra ranghi ghita tahati.

Nehemaea 4:14

Iara filodi naiknore ne mhaghu nodi fara, aonu iara ne eha fabiꞌo ka mae biꞌo, nei ka mae mala baubatu, nei ka keha naikno ka namono na, ne cheke eghu ka mare, “Tore! Ghotilo thosei mhaghudi mae naoka gre! Ghathoni noda Lord mae ihei te au nolaghi fateote'o, nei haghe fara! Tahati kegra haghe mala magra fanogradi mae naoka gre mala theome tangomana mare te mei goigonidi kherada, nei thuda, nei khetoda, nei noda suga la teu igre!”

Eksodas 10:21

Ke leghugna igne Lord ne cheke eghu ka mae Moses, “Tusu haghe khamemu na kligna, eghuteuna u gromno biꞌo te thuta te naba te mala haboni ka khame na ginau na soru mei toku tafruni Ijep.”

Eksodas 19:4

‘Iagho themu neke filodihi glepo teke edi iara ka naiknodi Ijep ra. Eghuteuna ghotilo jaola neke filo ghauhi iara te hata mei ghami iara agne. Iara neke hata ghami ka namono igne jateula kaisei gaghata biꞌo te pala thugna re flalo te mei kligna ra neku agne.

Diutronomi 4:34

Ba, keha god au aheva nga teke tei ka kaisei kantri teke hata fajifla naikno ka namono igne te mala nogna naikno thegna na? Theo! Nu Lord neke tei Ijep neke hata fajifla ghita ka khame nhetagna. Ghotilo neke filo tathami unha teke eni Lord nomi God, mana neke hata fajifla ghami ghotilo Ijep, mana neke loku ka puhi biꞌo, nei ka kofubobhoi, nei ka nolaghi, nei ka magra biꞌo, nei ka glepo te mamhaghuana fara.

Diutronomi 7:18

Nu ghotilo thosei mhaghudi mare! Khogla ke ghathodi unha Lord nomi God teke edi ka king nei ka naikno te gnafa Ijep tifa ra.

Diutronomi 11:3

Eghuteuna mare neke jaola neke theome filodi kofubobhoi nei glepo biꞌo eghu teke edi mana ka king gna Ijep nei ka nogna naikno te gnafa.

Diutronomi 29:2

Mae Moses ne kilo meidi naiknodi Israel, aonu mana ne cheke eghu ka mare: “Ghotilo la filodihi gobigna lepo teke edi Lord ka king gna Ijep, nei nogna mae gloku te gnafa, nei naikno te gnafa ka kantri Ijep.

Diutronomi 31:3

Nu Lord ginauna tei ke ulumi ghotilo, eghuteuna mana ginauna goigonidi naikno te au ka glose nate tei ghotilo tagna na, eghuteuna ghotilo ginauna khotodi gobigna lepo te au ka nodi glose mare re. Gognarona mae Josua ginauna nate nomi mae lida ghotilo na jateu tela chekenihi Lord ia eghu.

Diutronomi 34:11

Lord neke kuruni mae Moses neke tei Ijep neke edi kofubobhoi nei fagaglana ranghini king gna Ijep, nei nogna mae biꞌo, nei naiknodi Ijep.