Diutronomi 1:16 - Buka Blahi Ka Cheke Holo

¹⁶ Eghuteuna ka narane tuana iara neke cheke faheta eghu ka mae mala fate igre, “Kate fate te mala fadoglidi faripholai te edi farihoteimi ghotilo re, ghotilo mala fate fadoglo neubane faripholai baludi kherami ba baludi naikno phosa te mei au balumi.

Diutronomi 1:16 ပူးပေါင်းရင်းမြစ်များ

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Fapea Samuel 23:3

Noda God tahati maeda Israel, mana neke cheke. Nodi Thina rheta mae Israel, mana neke cheke eghu ka iara, ‘King igne mana funei frunidi naiknore ka puhi te doglo, nei ka puhi te ghatho tahuni God,

Nodi Khoje Hatimare Mae Jiu 58:1

Ghotilo mae funeira! Ba, tore, ghotilo fatedi naiknore ka puhi te doglo? Ba, ghotilo fatedi naiknore ka nabrou te doglo?

Eksodas 22:21

“Ghotilo thosei fakokhoanadi nei paradi eghu naiknodi delei te mei au balumi are. Naugna tifa na ghotilo neke jateula tuana neku Ijep.

Proveb 31:9

Kate gnokro ka kot na, iagho mala eni puhi te fadoglo na. Eghuteuna iagho toghodi naikno te kuma nei iheire te au ka nakarha te ninhigrana.

Levitikas 19:15

“Kate fateni ghotilo kherami na ka kot, ghotilo fateni mana ka puhi te doglo. Jame kaisei mae kuma tei ka kot, ghotilo thosei kaisei phile fara ka mana naugna te kuma mana na. Eghuteuna jame mae dedei tei ka kot, ghotilo theome ghatho tahuni fara mana naugna mana mae dedei. Ghotilo fatedi phia mare kaisei nanaba kolho.

Levitikas 24:22

Eghuteuna neuba mae igne ne ka tharaknamu ghotilo, ba mae phosa au balumi ghotilo, vetula igne malami ghotilo hui, naugna iara Lord, nomi God ghotilo.”

Jone 7:24

Thosei vavahi ka unha glepo te keli kolho fifilogna ke kosi na, nu te keli na vavahi ka unha glepo te thofno tutuani.”

Diutronomi 1:15

Eghume iara vavahi mae mala baubatu ka vike te lalase nei au nangha te keli. Eghuteuna iara fablahidi mae igre mala batu ghami ghotilo. Keha ka mare mala komanda ka kaisei thogha mae, eghuteuna keha kaisei gobi mae, eghuteuna keha glimafului mae, eghuteuna keha nabotho mae.

Diutronomi 24:14

“Jame kaisei nomi mae gloku ghotilo kuma fara, neuba ne kherami, ba mae phosa te au ka nomi namono ghotilo na, ghotilo thosei chaghini mana.

Diutronomi 25:1

Mae Moses neke cheke eghu, “Jame phia mae fari fapholai, phia mare tei ka fate mala fadoglini fapholai igne. Eghuteuna mae fate na ginauna cheke fajiflani ihei te doglo na, nei ihei te nabagna te au papara na.

Diutronomi 27:11

Ka narane tuanala mae Moses jaola ne cheke eghu ka naiknodi Israel:

Diutronomi 31:14

Aonu Lord ne cheke eghu ka mae Moses, “Gognarona, nou narane te mala lehe iagho na la namohi. Kilo meini mae Josua mala mei ka nogu Suga Tapuale te Blahi iara na. Eghuteuna iara ginauna fablahi ni mana jare mala nodi lida mae Israel.” Aonu mae Moses ghe mae Josua ne tei ka Suga Tapuale te Blahi na.

Ululahu Tesalonika 2:11

Jateula tuana, ghotilo laseni, ghehati sopa togho ghami ghotilo jateula kaisei mae te toghodi goro thugna.

Ululahu Timoti 5:21

Iara cheke faheta ka iagho ke ulugna God nei Jisas Kraes nei hatimare mae engel te blahi, iagho mala famane leghudi cheke igre. Eghuteuna kate leghudi cheke igre, iagho thosei filo ka tatha me vahini kolho mae ihei te magnahagheni themu na.

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.