Diutronomi 1:11 - Buka Blahi Ka Cheke Holo

¹¹ Snakreni Lord, nodi God kuꞌemi ghotilo ra, fablahi ghami ghotilo mala kmana fara salaꞌui, jateula teke nhaꞌa chekeni mana na eghu.’

Diutronomi 1:11 ပူးပေါင်းရင်းမြစ်များ

Nodi Khoje Hatimare Mae Jiu 115:14

Iara magnahagheni Lord te tusu ari kmana sua ka ghotilo, nei ka iheire nate karha mei ke leghumi ghotilo.

Jenesis 22:17

Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Jenesis 26:4

Iara ginauna na snakre ari ka iagho kmana vike mala jateula nathunu te filodi iagho te theome naba te kahadi ka maloa na are eghu. Eghuteuna iara ginauna na snakre lao namono te gnafa igre ka mare. Naikno te gnafa ka nauthoglu igne ginauna na tore ghau iara mala fablahidi jateula teke eni iara ka vikemu iagho gre eghu.

Naba 6:27

“Eghume te chekeni mare nanghagu iara mala fablahidi naiknodi Israel gre teuna, iara ginauna fablahidi naikno tuare.”

Fapea Samuel 24:3

Nu mae Joab ne cheke eghu ka mana, “King, iara magnahagheni nou Lord God iagho na te fabruaradi mala kmana nei vuragha eghu mae soldia igre, mala tei salaꞌuni mare naba gognarogne. Eghuteuna iara magnahaghei nigho iagho nogu king, nei nogu funei, te mala filoni glepo igne. Nu iara magnahaghei te ghusnani kaisei glepo kolho ka iagho: naugna unha sagho te magnahaghei kaha naikno gnea?”

Jenesis 49:25

Mana na tusu ranghi nigho iagho glepo te keli funu kligna nei funu pari ke lamna thongna nei tusu ranghi nigho kmana vike eghu.

Naba 22:12

Aonu Lord neke cheke eghu ka mana, “Iagho thosei tei baludi mare. Eghuteuna iagho thosei ke tibridi mare mala thokedi hoholo, naugna iara neke fablahidi naikno igre.”

Eksodas 32:13

Iagho ke ghathodi thilo nou mae gloku ra, Ebraham, nei Isak nei Jekop, iagho ke ghathoni u Nhaꞌa Cheke teke eni iagho ka thilo mare ka nanghamu themu. Iagho neke nhaꞌa cheke eghuhi ka thilo mare, ‘Iara ginauna edi iheire nate karha mei ke leghumi ghotilo re mala kmana fara jateula nathunu ka maloa na are eghu. Eghuteuna iara ginauna tusu lao ka mare vido glose te gnafa teke nhaꞌa cheke iara ka ghotilo ra, mala nodi mare fabrahu.’ ”

Jenesis 15:5

Aonu Lord ne hata fajiflani mae Ebram kosi ne cheke eghu ka mana, “Filo haghe sagho ka maloa na. Jare na kmana nathunu fara te theome naba kaisei naikno te kahadire, eghume vikemu iagho re ginauna na jateula nathunu tuare eghu kmana fara.”

Ululahu Kronikols 21:3

Nu mae Joab ne cheke eghu ka king, “King, iara magnahagheni Lord te eni haghe nabadi noda soldia tahati gre mala kmana gobi salaꞌudi gognaro gre. Iagho laseni, naiknodi Israel igre au ke parimu iagho, eghuteuna kaisei iagho ngala nodi king na. Eghume, mala unha eghu sagho te magnahaghei eni puhi te diꞌa ranghidi naiknodi Israel grea?”

Diutronomi 1:8

Igne namono teke nhaꞌa cheke iara teke tusu lao ka thilo kuꞌemi ghotilo tifara, Ebraham, Isak nei Jekop, baludi iheire nate karha mei ke leghudi thilo mare. Gognarona ghotilo tei hata namono igne, nomi ghotilo.”

Diutronomi 1:10

Lord, nomi God ghotilo igne fablahi ghami ghotilo la kmana fara la jateula nathunu ka maloa na are lau.

Diutronomi 1:12

Nu gloku te mala fatedi nomi puhi biꞌo nei fapholai teu ghotilo igre biꞌo fara ranghi ghau iara.

Diutronomi 10:22

Kuꞌemi ghotilo teke sukha teke au Ijep tifa ra neke theome kmana, mare neke fitusalei naikno kolho. Nu gognarona Lord nomi God ghotilo na fablahi ghami ghotilo la ghilei kmana fara jateula nathunu ka maloa na are lau!”

Diutronomi 28:62

Neuba ghotilo ne kmana naikno ne jateula nathunu ka maloa na are neu, nu jame te theome leghuni ghotilo Lord nomi God na, phei ba thiloi kolho nate karha na.

Profet Esikiel 16:7

Iara neke togho nigho iagho mala kotu haghe jateula kaisei gaju ikoi te kotu fakeli ka sare na eghuteuna iagho famane fara filomu na. Jateula phei chuꞌumu iagho te puꞌu haghe te biꞌo fara eghuteuna khakla ka thinimu iagho re jaola kotu haghe, nu iagho neke soesole kolho.