Yohanes 5:41 - Buku Masero Pa'dandi Bakaru

⁴¹ Tangngia Kao pa'pakasallena ma'rupa tau kupeang.

Mamasa

⁴¹ Tangngia Kao pa'pakasallena ma'rupa tau kupeang.

Yohanes 5:41 ပူးပေါင်းရင်းမြစ်များ

Yohanes 12:43

Annu umpakalando ia pantayukan dio mai ma'rupa tau anna la pantayukan yao mai Puang Allata'alla.

Yohanes 5:34

Sitonganna tangngia kasa'bianna ma'rupa tau kuparallui kungei untula' kasa'bianna Yohanes sapo ammu malara dipasalama'.

Yohanes 5:40

Sapo tae'a' muaku sae umpellambi'ina' ammu lolongan katuoan sae lako-lakona.

Yohanes 5:42

Sapo kuissanan asangkoa'i. Kuissanan kumua tae' dengan illaan penawammua' la ungkamasei Puang Allata'alla.

Yohanes 5:44

Tae'a' la muissan mangngorean annu anggami pa'pakasallena ma'rupa tau mupeang, anna tae muaku umpeang pa'pakasallena Puang Allata'alla mesa-mesanna Dewata.

Yohanes 6:15

Sapo naissanarria Puang Yesus kumua inde lako taue la sae umpassai mendadi tomaraya, napolalan le'ba' langngan tanete mesai.

Yohanes 7:18

Benna-benna umpalanda' pepa'guruan kalena, kamatandeanna ia napeang. Sapo ianna to umpeang kamatandeanna to ussuai, to malolo ia anna tae' dengan pa'pakena illaan penawanna.

Yohanes 8:50

Tangngia Kao kamatandeangku kupeang, dengan Kao to umpeanganna' kamatandean anna iamo to ma'bisara.

Yohanes 8:54

Natimba' Puang Yesus nakua: “Ianna Kao siamo la untandean kaleku, innang tae' la ma'guna. Sapo Ambekuri Kao untandeanna' to simukuanna' Dewatangki

1Tesalonika 2:6

Anna tae'kan sae umpeang sanga dio mai ma'rupa tau, la susi lu dio mai kalemua' tenni tau senga', moika anna la sipato' duka' kitarima to digente'mo rasulna Puang Yesus Kristus.

1 Petrus 2:21

Anna innang iamo nangei untambaikoa' Puang Allata'alla la sa'bara' untingngayo kamapa'disan. Annu melolomi Kristus mangka undudungangkoa' pandarraan anna paitaikoa' tandengan la mupampalapai.

2 Petrus 1:17

Annu napakasalle anna napomatande Puang Allata'alla Ambeta ummolai battakadanna to randan matande nakua: “Iamo te Anakku to kukamaseie anna to umpomasannang penawangku.”