Yohanes 2:4 - Buku Masero Pa'dandi Bakaru

⁴ Natimba' Puang Yesus nakua: “O Indo', daupa ammu sussaina' aka ta'pa nalambi' attunna la kungei umpakawanan kaleku.”

Mamasa

⁴ Natimba' Puang Yesus nakua: “O Indo', daupa ammu sussaina' aka ta'pa nalambi' attunna la kungei umpakawanan kaleku.”

Yohanes 2:4 ပူးပေါင်းရင်းမြစ်များ

Matius 15:28

Nakuamo Puang Yesus: “Mangngorean tengangko, indo'. La dadimi pelaummu.” Malapu' siami duka' anakna.

Matius 8:29

Ummitanna Puang Yesus, mealo'-alo'mi nakua: “O Anakna Puang Allata'alla, aka la mapoau' lako kaleki? Moraimokoka la undarrakan moi anna ta'pa nalambi' attunna?”

Lukas 2:49

Natimba' Puang Yesus nakua: “O ambe' sola indo', maakari ammu peangna'? Ta'raka muissanan kumua innang la illalanna' banuanna Ambeku?”

Yohanes 12:23

Nakuamo Puang Yesus: “Nalambi'mi attunna la dipakasalle Anak Mentolino.

Yohanes 13:1

La madappi'mi attunna umpakaroa' allo Paskah to Yahudi. Innang naissanammi Puang Yesus kumua nalambi'mi attunna la untampe lino ma'pasule langngan Ambena. Siungkamasei angganna to unturu'i anna tontong liu nakamasei sae lako katampakanna pengkaranganna.

Yohanes 2:3

Tappana naita indona Puang Yesus kumua pura anggurna to kasara', ma'kadami lako Puang Yesus nakua: “Purami anggurna.”

Yohanes 20:13

Mekutanami inde malaeka'e nakua: “O indo', maakari ammu tumangi'?” Natimba' Maria nakua: “Naala tau Puangku, anna tae' kuissanan umba napa' pengngei.”

Yohanes 20:15

Mekutanami Puang Yesus nakua: “O Indo', maakari ammu tumangi'? Bennaraiko mupeang?” Nasanga Maria to ma'bela', napolalan ma'kada lako nakua: “O tuang, ianna ikora umberoi lao, pokadanna' umba mupa'pengngei angku lao ummalai.”

Yohanes 7:30

Anu iatoo moraimi la umpealai Puang Yesus sapo tae' dengan tau mala ummanda'i annu ta'pa nalambi' attunna.

Yohanes 7:6

Natimba' Puang Yesus nakua: “Ta'pa Kao nalambi' attunna la kungei umpa'peissanan kaleku, sapo attunna liu ikoa'.

Yohanes 7:8

Laomokoa' iko ullomba allo dipakaroa' temo, tae'nakkao la lao annu ta'pa nalambi' attungku.”

Yohanes 8:20

Angganna te maie natula' Puang Yesus anna ma'pa'guru illaan Banua Ada'na Puang Allata'alla dio sa'dena patti pemalasan. Sapo tae' dengan tau ussakkai annu ta'pa nalambi' attunna.

2 Korintus 5:16

Iamo too anna tangngiamo kami pangngita ma'rupa tau kipolalan ummissanan tau. Sitonganna ambo' situru' duka' pangngita rupa tau kipolalan ummissanan Kristus, sapo ta'mo temo.