Yohanes 17:4 - Buku Masero Pa'dandi Bakaru

⁴ Mangkamoko kupomatande inde lino annu suppikmi pengkarangan mangka mubeenna'.

Mamasa

⁴ Mangkamoko kupomatande inde lino annu suppikmi pengkarangan mangka mubeenna'.

Yohanes 17:4 ပူးပေါင်းရင်းမြစ်များ

Lukas 22:37

Annu kutulasangkoa' innang la lemba'mi lako kaleku battakada illalan Buku Masero nakua: ‘La diangga' to kadake gau'.’ Annu inde battakada illalan Buku Masero untetteranna'e, marassammi lemba'.”

Yohanes 12:28

O Ambeku, pakawanammi kamatandeanna sangammu.” Dirangngi siami kamara yao mai langi' nakua: “Mangkami kupakawanan kamatandeangku anna la kupakawanan polepa.”

Yohanes 14:13

Iamo mupelau ke umpotendangko sangangku la kubengangkoa' situru' pelaummu anna malara dipomatande Ambeku ummolai pa'palakoku.

Yohanes 14:31

Sapo tae' mala tala dadi lako kaleku anna malara naissanan ma'rupa tau kumua ungkamaseina' Ambeku anna kupalako asan parentana lako kaleku. Ke'de'mokoa' anta pellei inde angngenanne.”

Yohanes 15:10

Ianna tontongkoa' umpalako parentaku, la ussa'dingan liukoa' pa'kamaseku. Susi kaleku, ussa'dingan liu pa'kamasena Ambeku annu kupalako parentana.

Yohanes 19:28

Mangkai too, naissanammi Puang Yesus kumua mangka asammi. Nakuamo: “Marekko' kollongku.” Ia nangei ma'kada susi anna malara lemba' battakada tiuki' illaan Buku Masero.

Yohanes 19:30

Mangkai ummiru' inde anggur maissukke, ma'kadami Puang Yesus nakua: “Suppikmi.” Lumbangmi napolalan kattu penawanna.

Yohanes 4:34

Nakua Puang Yesus: “Nandeku Kao iamo unturu' pa'kuanna Puang Allata'alla to ussuana' anna umpasuppik pengkarangan mangka napapassannianna'.

Yohanes 5:36

Sapo ummampuinakkao kasa'bian marru ma'tandalangnganan anna kasa'bianna Yohanes, iamo pengkarangan mangka napapassannianna' Ambeku la kupalako. Inde pengkaranganne marassammi kukarang anna iamo umpakawananni kumua nasuana' Ambeku.

Yohanes 9:3

Natimba' Puang Yesus nakua: “Tangngia kasalaanna to matuanna napolalan buta dadi, tangngia toi kasalaanna. Sapo ia nangei buta anna la naola umpakawanan kakuasaanna Puang Allata'alla lako ma'rupa tau.

Uleleanna Rasul 20:24

Sapo ta'mokkao umpikki' sunga'ku moi sangkanuku malotongmo ke mala siai suppik manappa pengkarangan mangka napapassannianna' Puang Yesus, iamo la umpalanda' Kareba Kadoresan pa'kamasena Puang Allata'alla.

2 Timotius 4:7

Mangkamo' ma'kadua-dua umpalanda' Kareba Kadoresan anna suppik manappamo angganna karangangku anna tontongna' mangngorean.