Yohanes 16:32 - Buku Masero Pa'dandi Bakaru

³² Pengkilalaii! La dengan attunna, anna attunnamo temo la dipasisarak-sarakkoa'. La pantan sulekoa' umpellambi'i banuammu ammu tampena' mesa-mesangku. Sapo tae'na' mesa annu nasolaanna' Ambeku.

Mamasa

³² Pengkilalaii! La dengan attunna, anna attunnamo temo la dipasisarak-sarakkoa'. La pantan sulekoa' umpellambi'i banuammu ammu tampena' mesa-mesangku. Sapo tae'na' mesa annu nasolaanna' Ambeku.

Yohanes 16:32 ပူးပေါင်းရင်းမြစ်များ

Matius 26:31

Ma'kadami Puang Yesus lako passikolana nakua: “La le'ba asangkoa' mani bongi ussipelle-pelleina'. Annu dengan tiuki' illalan Buku Masero nakua: ‘La kupatei to ma'kambi'na anna angganna dombana la tisembu' lao.’

Matius 26:56

Sapo innang la dadi susi anna malara lemba' battakada mangka nauki' nabi illalan Buku Masero.” Mangkaii le'ba asammi passikolana sikakondong umpellei Puing Yesus.

Markus 14:27

Ma'kada Puang Yesus lako passikolana nakua: “Kutulasangkoa' sitonganna, la le'ba asangkoa' ussipellepelleina'. Annu dengan tiuki' illalan Buku Masero nakua: ‘La kupatei to ma'kambi' napolalan tisembu' dombana.’

Markus 14:50

Sikakondong siami passikolana le'ba umpelleii.

Yohanes 12:23

Nakuamo Puang Yesus: “Nalambi'mi attunna la dipakasalle Anak Mentolino.

Yohanes 16:2

La dipasuungkoa' illaan mai banua pa'sambayanganna to Yahudi, anna la dengan attunna nasanga umpengkarangan Puang Allata'alla to umpateikoa'.

Yohanes 16:25

“Angganna te mai kutulasangkoa'e kualangkoa' pa'rapanan. Sapa la dengan attunna ta'mokoa' kualaan pa'rapanan sapo la kubatotongngiammokoa' matin untetteran Ambeku.

Yohanes 16:31

Natimba' Puang Yesus nakua: “Mangngorean tongammokoka temoa'i?

Yohanes 19:27

Anna mane ma'kada lako passikolana nakua: “Iamo tu indomuo.” Mengkalao diomi tee naola umpobaa indona Puang Yesus inde passikolae.

Yohanes 20:10

Mangkaii, sulemi lako banua inde dua passikolae.

Yohanes 4:21

Nakuammi Puang Yesus: “Oreanni inde tula'kue kumua la dengan attunna tae' angga yao inde tanete la dingei umpenombai Ambetae, tae' toi angga yao Yerusalem.

Yohanes 4:23

Sapo la dengan attunna anna attunnamo temo, angganna to menomba tongan la umpenombai Ambeta situru' pa'parundukna Penawa Masero anna situru' katonganan. Annu to menomba susimo tee naporanan Puang Allata'alla Ambeta.

Yohanes 5:25

Sitonganna la dengan attunna, anna mala dikua attunnamo, la narangngi to mate kamaranna Anakna Puang Allata'alla. Anna angganna to urrangngii la ullolongan katuoan.

Yohanes 5:28

Taekoa' la mangnga-mangnga urrangngi inde tula'kue, annu la dengan attunna angganna to mate la unrangngi kamarangku,

Yohanes 8:16

Sapo la rapanni dengan tau kubisara innang la malolo sia pa'parokkoku annu taena' mesa sapo nasolaanna' Ambeku to ussuana'.

Yohanes 8:29

Inde To ussuana'e sola liukan, tae'na' napamesa-mesa annu angga la napomasannangna kupalako.”

Uleleanna Rasul 21:6

Mangkakan ma'sambayang, sisarak-sarakmokan. Langngammokan kappala' anna ma'pasule duka' lako banuanna.

Uleleanna Rasul 8:1

Nasituru'i duka' Saulus kadipateianna Stefanus. Mangkai too saemi pira-pira o mengkarea' langngan Puang Allata'alla ummala batang rabukna Stefanus anna batingngii anna mane lamunni. Sapo' inde Saulus-e morai la umpa'dean angganna to mangngorean lako Puang Yesus. Laomi ullelen banua anna urrui' sesse' to mangngorean susi baine tenni muane anna mane popetarungkunni. Dadi attu iatoo naparandukmi kendek pandarraan mabanda' lako to mangngorean dio Yerusalem. Napolalan angganna to mangngorean, salianna rasul, tisembu' anak manuk ussambai lembangna Yudea anna Samaria.