Roma 15:7 - Buku Masero Pa'dandi Bakaru

⁷ La sitarima manappakoa' susi Kristus untarima manappakia' anna malara dipomatande Puang Allata'alla.

Mamasa

⁷ La sitarima manappakoa' susi Kristus untarima manappakia' anna malara dipomatande Puang Allata'alla.

Roma 15:7 ပူးပေါင်းရင်းမြစ်များ

Matius 10:40

Benna-benna untarimakoa', sirapammi kaleku melolo natarima. Anna benna-benna untarimana', untarima duka' to ussuana'.

Markus 9:37

“Benna-benna untarima inde anak susi ura'na kapangngoreananna lako kalekue, sirapammi Kao natarima. Anna benna-benna untarimana' tae' angga Kao natarima sapo' Untarima duka' to ussuana',”

Lukas 15:2

Sipa'mammang-mammangammi to Farisi sola to untarru' issinna sura'na Musa, nakua: “Naakuria sangkalamma' to kasalaan anna ummande sola.”

Lukas 9:48

Nakuamo lako passikolana: “Benna-benna untarima inde anak ura'na kapangngoreananna lako kalekue, sirapammi Kao natarima. Anna benna-benna untarimana' tae' angga Kao natarima sapo' untarima duka' to ussuana'. Annu iamo to ussanga kalena barinni' illalan alla'-alla'mua' iamo randan ma'tandalangnganan.”

Yohanes 13:34

Temo la kubengangkoa' parenta bakaru, iamo: La sikamase masekoa'. La sikamase-masekoa' umpotandengan pa'kamaseku lako kalemua'.

Yohanes 6:37

Angganna to mangka napalessu' lako kaleku Ambeku, la saena' napellambi'i. Angganna to sae umpellambi'ina' tae' dengan la kusumbala.

Roma 15:9

Anna umbengampa lalan tau senga' salianna to Yahudi la umpomatande Puang Allata'alla ura'na pa'kamasena, susi tiuki' illalan Buku Masero nakua: “La kupomatandeko illalan mai alla'na tau senga' salianna to Yahudi, anna la ummoyongna' pampudian untendeng sangammu.”

Roma 5:2

Pengkaranganna siamo duka' tapolalan mala ussa'dingan pa'kamasena Puang Allata'alla annu mangngoreammikia'. Dengammi kadoresan illalan penawanta annu ummampuikia' kaparannuan la mangngala tawa illalan kamatandeanna Puang Allata'alla.

Efesus 1:12

Ia nangei kami to Yahudi to yolomo urrannuan Kristus napile, angki malara umpaka Salle Puang Allata'alla ura'na kamatandeanna.

Efesus 1:18

Anna kupelau duka' kenamala napomasiangangkoa' pikki'mu anna malara mukalesoa' aka tappa' murannuan la nabengangkoa' Puang Allata'alla annu natambaikoa' napopendadi petauanna. Anna la muissanan duka' kumua inde pa'tamba' tadiissan disangaie innang napatoka Puang Allata'alla la nabengan petauanna.

Kolose 3:13

La sa'bara'koa' lako padammu ammu garri'i to umpogau' kakadakean lako kalemua'. La sigarri'angkoa' kasalaammu susi Puang Yesus unggarri'i kasalaammua'.