Roma 13:10 - Buku Masero Pa'dandi Bakaru

¹⁰ Benna-benna ungkamasei padanna ma'rupa tau, manassa anna tae' la ma'gau' kadake lako. Dadi, benna-benna ungkamasei padanna, unturu' asammi issinna Pepa'guruanna Musa.

Mamasa

¹⁰ Benna-benna ungkamasei padanna ma'rupa tau, manassa anna tae' la ma'gau' kadake lako. Dadi, benna-benna ungkamasei padanna, unturu' asammi issinna Pepa'guruanna Musa.

Roma 13:10 ပူးပေါင်းရင်းမြစ်များ

Matius 7:12

“Pogau'i lako padammu la muporainna napogau' lako kalemu. Iamo te pungngu' tannunna issinna sura'na Musae anna sura'na nabi.

Yohanes 13:34

Temo la kubengangkoa' parenta bakaru, iamo: La sikamase masekoa'. La sikamase-masekoa' umpotandengan pa'kamaseku lako kalemua'.

Roma 13:8

Daua' umpa'indan aka-aka lako padammu ma'rupa tau salianna pa'kamase. Annu benna-benna ungkamasei padan na, unturu' asammi issinna Pepa'guruanna Musa.

Galatia 5:14

Annu angganna issinna Pepa'guruanna Musa tipungngu' tannun illalan mesa parenta nakua: “Kamaseiko padammu ma'rupa tau susi ungkamasei kalemu.”

Yakobus 2:8

Ianna unturu' tongan siakoa' to'na issinna pepa'guruanna Puang Allata'alla susi tiuki' illalan Buku Maserona nakua: “Kamaseikoa' padammu ma'rupa tau susi ke ungkamaseiko kalemu,” ma'gau' mapiamokoa' too.