Pa'paombo' 6:1 - Buku Masero Pa'dandi Bakaru

¹ Mangkai too, ummitamo' Anak Domba ulla'bakki mesa inde pitu segelna sura'e, angku mane urrangngi mesa inde appa' penatuoe ma'kada nakua: “Maiko!” Inde kamarannae magaruru susi guntu'.

Mamasa

¹ Mangkai too, ummitamo' Anak Domba ulla'bakki mesa inde pitu segelna sura'e, angku mane urrangngi mesa inde appa' penatuoe ma'kada nakua: “Maiko!” Inde kamarannae magaruru susi guntu'.

Pa'paombo' 6:1 ပူးပေါင်းရင်းမြစ်များ

Yohanes 1:29

Masiangna polei, naitami Yohanes sae Puang Yesus umpellambi'i. Ma'kadami Yohanes nakua: “Petua'mia', iamo te Anak Dombana Puang Allata'allae To la umpa'dei kasalaanna ma'rupatau.

Uleleanna Rasul 4:20

Annu tae' dengan leleanna tae' la kitetteran liu kara-kara mangka kiita sola kirangngi.”

Pa'paombo' 11:19

Suppikki pampudianna inde dua pulo appa' perepi'e, titungka'mi Banua Ada'na Puang Allata'alla yao suruga, diitami tama patti nangei bassean kadanna Puang Allata'alla. Tappa silalle siami kila', lippak-lippak guntu', lino' kamai, anna umbanasa-nasa uran batu.

Pa'paombo' 13:8

Inde olo'-olo'e la napenombai angganna tau illalan lino, salianna to innang tiuki'mo sanganna illalan sura' katuoan mengkalao dio mai ta'pa dikombong lino. Inde sura' katuoanne iamo sura'na Anak Domba to mangka direre'.

Pa'paombo' 14:2

Urrangngimo' kamara kamai yao mai suruga ummurrun susi sarambu anna magaruru susi guntu'. Inde kamara kurangngie susi oninna katapi marassan napamoni tau.

Pa'paombo' 19:6

Mangkai too, kurangngi omi susi tau buda mongngo', ummurrun susi sarambu kamai anna magaruru susi guntu', nakua: “Haleluya! Dipakasalle Puang Allata'alla Dewatanta To randan kuasa, annu ma'parentami temo.

Pa'paombo' 4:8

Sanda siannan pani'na nakarepu mata salianna anna tanda tamanna. Allo bongi tae' dengan kattu menani nakua: “Masero, masero, masero Puang Allata'alla to randan ma'kuasa, to dio reen, to innang dio reen mengkalao dio mai, anna to la dio reen sae lako lakona.”

Pa'paombo' 5:1

Tapakala ummitamo' mesa sura' tilulun dio lima kananna to yao tongkonan layuk, ponno pangnguki' salianna anna tanda tamanna, mangka dipanti' umpake pitu segel.

Pa'paombo' 5:12

napemandui menani nakua: “Itin Anak Domba mangka direre'o, sipato' untarima kakuasaan, katomakakaan, kakeakasan anna kamatoroan. Siratan diangga', dipakasalle anna dipudi.”

Pa'paombo' 5:8

Marassanni untarima inde sura'e, malimuntu'mi appa' penatuo anna dua pulo appa' perepi' dio tingngayona inde Anak Dombae. Inde perepi'e pantan ummanda'i katapi anna kolak bulawan kaissi kemenyan, iamo sambayangna angganna petauanna Puang Allata'alla.

Pa'paombo' 6:3

Inde anna kaduannamo segel nala'bakki Anak Dombae, kurangngimi kaduanna penatuo ma'kada nakua: “Maiko!”

Pa'paombo' 6:5

Inde anna ullabakkimo segel katallunna Anak Dombae, urrangngimo' katallunna penatuo ma'kada nakua: “Maiko!” Ummita omo' darang senga', darang bolong nasakei tau. Inde to ussakeie ummanda'i timbangan.

Pa'paombo' 6:7

Inde anna ulla'bakkimo segel kaappa'na Anak Dombae, urrangngimo' penatuo kaappa'na ma'kada nakua: “Maiko!”

Pa'paombo' 8:1

Inde anna kapitunnamo segel nala'bakki Anak Dombae, mattammi suruga umbai sitangnga tettek.