Matius 5:8 - Buku Masero Pa'dandi Bakaru

⁸ Kerongko' angganna to ma'penawa mapatting, annu la silambi' Puang Allata'alla.

Mamasa

⁸ Kerongko' angganna to ma'penawa mapatting, annu la silambi' Puang Allata'alla.

Matius 5:8 ပူးပေါင်းရင်းမြစ်များ

Uleleanna Rasul 15:9

Anna tae'kia' naissan la napaleang, susi kita to Yahudi tenni tau senga' salianna to Yahudi, annu naseroianni duka' penawanna ura'na kapangngoreananna.

1 Korintus 13:12

Susimiki' duka' temo ta'pa taissanan manappa angga lako sirapan taita tamapi peayoan tae'ki' sitingngayo. Sapo pissan attu la taissanan asan pole' annu la sitingngayomiki'. Temo ta'pa kuissanan asan angga lako, sapo pissan attu la kuissanan asan susi Puang Allata'alla ungkalesona' meng- kalao dio pala' lentekku sae langngan lamba' beluakku.

2 Korintus 7:1

O anggammua' sa'do'dorangku to kukamasei, nakala'kia' duka' to la untarima itin pa'dandio. Iamo too anna la usseroiki' kaleta dio mai angganna la ungkadakeinna penawanta sola batang kaleta. Kenamala la tuttuan maserokia' illalan salu katuoanta annu mengkarea' tongan-tongangkia' langngan Puang Allata'alla.

Titus 1:15

Tae' ia dengan pemali lako to masero, sapo lako to kadake anna to tamangngorean tae' tappa' dengan aka masero naita. Aka anggami kakadakean illalan pikki'na sola illalan penawanna napolalan ta'mo naissan ma'pasise'la.

Ibrani 10:22

Iamo too, anta umpellambi'imoa' Puang Allata'alla sitonda penawa mapatting anna kapangngoreanan matoto'. Annu mangkami napippikki rarana Puang Yesus penawa kadaketa anna mangkamo nadio' wai randang batang kaleta.

Ibrani 12:14

Peangkoa' lalan ammu malara sikalino liu padammu ma'rupa tau, ammu umpeang lalan anna masero katuoammu. Annu tae' dengan tau la silambi' Dewata ke tae' masero katuoanna.

Ibrani 9:14

la ondongpa ia rarana Kristus. Annu ura'na kuasanna Penawa Masero to tuo sae lako-lakona lambisan umpopemala' kalena Kristus langngan Puang Allata'alla sirapan bua pemala' tae' dengan sassana la umpomasero penawanta dio mai panggauan tama'guna anta malara menomba langngan Puang Allata'alla Dewata tuo.

Yakobus 3:17

Aka kakeakasan lu yao mai Puang Allata'alla umpabuttu penawa mapatting, kasikalinoan, marampan penawa, manuru', mamase, ma'gau' mapia, tae' ma'pebulu-bulu anna ia salian ia tanda tama.

Yakobus 4:8

Miengkadappi'koa' lako Puang Allata'alla anna kadapi'koa' duka. Basei limammu o anggammua' to kasalaan, ammu seroi penawammu o anggammua' to' ma' dua penawa.

1 Petrus 1:22

Unturu'mokoa' katonganan napolalan usseroimokoa' kalemu lambisan tae' angga dio pudukmua' ungkamasei padammu to mangngorean. Iamo too la sae rokko tongan tongangkoa' sikamasei.

Pa'paombo' 22:4

la ummita lindona Puang Allata'alla anna la tiuki' yoo kidena sanganna Puang Allata'alla.