Matius 5:3 - Buku Masero Pa'dandi Bakaru

³ “Kerongko' angganna to ussanga kalena to tapalambi', to anggamo Puang Allataalla narannuan, annu la tama kaparentaanna Puang Allata'alla.

Mamasa

³ “Kerongko' angganna to ussanga kalena to tapalambi', to anggamo Puang Allata'alla narannuan, annu la tama kaparentaanna Puang Allata'alla.

Matius 5:3 ပူးပေါင်းရင်းမြစ်များ

Matius 11:25

Anu iatoo ma'sambayang Puang Yesus nakua: “O Ambe', Dewatanna langi' anna lino. Ma'kurru' sumanga'na' matin, annu angganna tula' dibuni mengkalao dio mai mupakawanami lako to naangga' barinni' ma'rupa tau, sapo tontong mbuni lako to naangga' manarang anna tp nagente' keaka' ma'rupa tau.

Matius 11:6

Kerongko' angganna to tae' tikanna penawanna ummitana'.”

Matius 13:16

Sapo kerongko'koa' iko annu paita matammua' anna parangngi talingammu.

Matius 19:14

Ma'kadami Puang Yesus lako passikolana nakua: “Pabeai itin matin anak umpellambi'ina'o. Dau lawaii, annu tau susimo tu matinno la mendadi petauanna Puang Allata'alla illalan kaparentaanna.”

Matius 24:46

Kerongko' inde subua'e ke tontongngi matutu umpalako manappa pengkaranganna nalambi' puangna ke saemi sule.

Matius 25:34

Anna la ma'kadami inde Tomaraya laka to dio tandai kanannae nakua: ‘O anggammua' to natamba' Ambeku, maikoa' ammu tama kaparentaan mangka dipatokangkoa' mengkalao dio anna mane dikombong lino.

Matius 3:2

Mengkatoba'mokoa' annu madappi'mi kasaeanna kaparentaanna Puang Allata'alla.

Matius 8:11

Kutulasangkoa' kumua buda to salianna to Yahudi la sae dio mai angganna angngenan illalan lino anna ummande sola Abraham, Ishak, anna Yakub illalan kaparentaanna puang Allata'alla.

Markus 10:14

Keara'mi Puang Yesus ummita pa'palakona passikolana napolalan ma'kada nakua: “Pabeaii itin matin anak sae umpellambi'ina'o. Dau lawaii annu tau susimo tu matinno la mendadi petauanna Puang Allata'alla illalan kaparentaanna.

Lukas 11:28

Sapo natimba' Puang Yesus nakua: “Marru kerongko' to umperangngii battakadanna Puang Allata'alla anna pogau'i.”

Lukas 18:14

Nakuamo Puang Yesus: “Kutulasangkoa' sitonganna, sulei lako banuanna, tuang passimaria naangga' malolo Puang Allata'alla, tanggia to Farisi. Benna-benna untandean kalena la dipa'barinni'i, anna benna-benna mengkareppe' la ditandean.”

Lukas 22:29

Kubengangkoa' kakuasaan ma'parenta susi Ambeku umbenganna' kakuasaan ma'parenta,

Lukas 22:30

anta malara sola ma'loko ummande anna ummiru' illalan kaparentaangku. Anna la pantan ummokko'koa' yao tongkonan layuk annu la umparentakoa' peampoanna sapulo dua kabuttuanna to Israel.”

Lukas 4:18

“Naluangna' Penawa Maserona Dewata, annu mangkamo' nabassei bayu-bayu la umpalanda' Kareba Kadoresan lako to mase-mase. Anna nasuana' umpa'peassakan kadirappanananna to disakka, kamalapusanna to buta, anna urrappanan to dianda'i onggo'-onggo'na,

Yohanes 20:29

Nakuammi Puang Yesus: “Muoremmi annu muitamo'. Kerongko' anna maupa' angganna to mangngorean moi anna tae'na' naita!”

Yakobus 1:10

Anna ikoa' tomakaka susikoa' bunga-bunga la pa'de babang. Aka ianna nadellekkimo allo malassu, malayumi inde reue napolalan ronno' bunganna, pa'de siami kamalekeanna. Susimi duka' lako tomakaka marassampi illalan pangngangasanna, anna nalambi'mo kamatean. Dadi ikoa' tomakaka la dore'koa' aka dipomareppesammokoa' penawammu.

Yakobus 1:12

Kerongko' ia to matoto' untingngayo passudian, aka ianna patalomo illalan passudian iatoo, la untarimami katuoan sae lako-lakona susi mangka nadandi Puang Allata'alla lako to ungkamaseii.

Yakobus 2:5

Perangngii anggammua' sa'do'dorangku to kukamasei! To mase-mase illalan inde linoe napile Puang Allata'alla mendadi tomakaka illalan kapangngoreanan, anna untarima mana' illalan kaparentaanna Puang Allata'alla susi pa'dandinna lako to ungkamaseii.

Pa'paombo' 19:9

Nakuammo' inde malaeka'e: “Uki'i kumua: ‘Kerongko' ia angganna to ditambai lao ullomba pa'sombaanna Anak Domba?’ ” Nakua pole omo: “Inde battakadae tonganna, buttu yao mai Puang Allata'alla.”

Pa'paombo' 22:14

Kerongko' angganna to umpomabusukki bayu rui'na aka la sipato' ia tama inde kotae anna la siratan ummande bua kayu katuoan.

Pa'paombo' 3:17

Mukuaa': ‘Tomakakakan anna ta'mo dengan aka kipeang.’ Sapo tae'a' muissanan kumua merio-riokoa' sola merantang-rantang bua. Mase-masekoa' butakoa' anna ma'kambelangkoa'.