Matius 23:7 - Buku Masero Pa'dandi Bakaru

⁷ Marru naporai napa'tabe'i tau lako pasa anna nagente' tau tuangguru.

Mamasa

⁷ Marru naporai napa'tabe'i tau lako pasa' anna nagente' tau tuangguru.

Matius 23:7 ပူးပေါင်းရင်းမြစ်များ

Matius 11:16

Akamo la kupasirapanan inde ma'rupa tau lapik temoe? La kupasirapan anak sipa'loko-lokoan lako pasa' anna ummalo'-alo' solana nakua:

Matius 23:8

Sapo daua' iko ma'din digente' tuangguru annu angga iko mesa Tuanggurummua', pada-padamokoa' sangngin passikola.

Matius 26:25

Nakuamo Yudas to la umpa'perososanni: “Tangngia mamoka kao, Tuangguru?” Natimba' Puang Yesus nakua: “Anna ikomo kumua.”

Matius 26:49

Saena Yudas tappa umpellambi'imi Puang Yesus anna pantula'i nakua: “O Tuangguru.” Anna mane udungngi.

Markus 10:51

Nakutanaimi Puang Yesus nakua: “Aka muporai la kupogau' lako kalemu?” Natimba' nakua: “Moraina' la paita, Tuangguru.”

Markus 11:21

Nakilalai siami Petrus tula'na Puang Yesus samai' lako inde to' arae. Nakuamo: “O Tuangguru, petua'ri inde die to' ara mutado samai'e marekko'mi.”

Markus 12:38

Ma'pa'gurumi Puang Yesus nakua: “Katangkinnikoa' to untarru' issinna sura'na Musa, to angga naporai ma' bayu rui' leen lako lalan anna naporai napa'tabe'i tau tama pasa'.

Markus 14:45

Saei lako tappa umpellambi'imi Puang Yesus anna ma'kada nakua: “O Tuangguru!” anna mane udungngi.

Markus 9:5

Ma'kadami Petrus lako nakua: “O Tuangguru, ta'mo dengan la nasusian masannangki inde rokko angngenanne. Mapia ke kipake'de'i tallu lantang angki pasandaikoa' Simesa: Iko, Musa, anna Elia.”

Lukas 11:43

La sanggangkoa' anggammu to Farisi, annu simuporaia' ma'loko dio tingngayo illalan banua pa'sambayangan anna simuporaia' napa'tabe'i tau lako pasa'.

Yohanes 1:38

Messaile Puang Yesus lako boko'na, naitami naula' indu passikolae. Nakutanaimi nakua: “Akaraikoa' mupeang?” Natimba' nakua: “O Rabi, umbaraiko mungei torro?” (Rabi kalembasanna tuangguru).

Yohanes 1:49

Nakuamo Natanael: “O Tuangguru, Anaknako Puang Allata'alla! Tomarayanna tongammoko to Israel!”

Yohanes 11:8

Natimba'mi passikolana nakua: “O Tuangguru, mane mangka sigaliko la nasileba'-leba'i to Yahudi. Maakari ammu ma pasule lako?”

Yohanes 20:16

Nakuamo Puang Yesus: “O Maria.” Messailemi Maria lako Puang Yesus anna ma'kada ma'basa Ibrani nakua: “Rabuni!” (kalembasanna “Tuangguru”.)

Yohanes 3:2

Pissan attu, lao bongi umpellambi'i Puang Yesus anna ma'kada laka nakua: “O Rabi, kiissanan kumua Ikomo tuangguru pesuaanna Puang Allata'alla annu tae' tappa' dengan tau mala umpogau' tanda memangnga-mangnga susi simupogau' ke tae' nasolaan Puang Allata'alla.”

Yohanes 3:26

Laomi umpellambi'i Yohanes anna kuanni: “O tuangguru, mukilalaipika iato to musolaan sambali' lamban lianna Salu Yordan to mupa'pesa'bian lako kalekio? Marassan duka' mantedok anna budamo tau lao umpellambi'i.”

Yohanes 4:31

Le'bai inde baine tama tondokke, nakuamo passikolana Puang Yesus: “O tuangguru, maimoko anta ummande.”

Yohanes 6:25

Silambi'i Puang Yesus inde tau buda sambali' lamban lianna tasikke, mekutanami nakua: “O Tuangguru, piran Iko ammu sae inde?”

Yohanes 9:2

Makutanami passikolana nakua: “O Tuangguru, bennanna' te kasalaanne, to matuannaraka inderaka dio taue napolalam innang butamo dadi?”