Matius 21:29 - Buku Masero Pa'dandi Bakaru

²⁹ Natimba' anakna nakua: ‘Tae' kuakug.’ Sapo' napikki' sule napolalan lao lako bela' anggur mengkarang.

Mamasa

²⁹ Natimba' anakna nakua: ‘Tae' kuaku.’ Sapo' napikki' sule napolalan lao lako bela' anggur mengkarang.

Matius 21:29 ပူးပေါင်းရင်းမြစ်များ

Matius 21:28

Umpatarru'mi tula'na Puang Yesus untetteran mesa tandengan nakua: “Umba iko nakua pikki'mua' inde kara-karae: Dengan mesa tau dua anakna bassi muane. Laomi umpellambi'i anak pa'bunga'na' anna kuanni: ‘O anakku, laopoko umpengkarangangki' lako bela' anggurta temo.’

Matius 21:30

Mangkai ussua anak pa'bunga'na, lu lakomi anak tampakna anna kuanni duka' susi tula'na lako anak pa'bunga'na. Natimba' anak tampakna nakua: ‘Io ambe', angku laomora.’ Sapo tae' lao.

Matius 21:31

Situru' pikki'mu pikki'mua', umbanna inde dua anak umpalako pa'kuanna ambenae?” Natimba' kapala imam sola perepi'na to Yahudi nakua: “Anak pa'bunga'.” Nakuamo Puang Yesus: “Kutulasangkoa' sitonganna, innang la nayoloikoa' tuang passima sola baine passundala' mendadi petauanna Puang Allata'alla illalan kaparentaanna.

Uleleanna Rasul 26:20

Bunga'-bunga'na kupakareba lako to Yahudi dio Damsyik, anna mane dio Yerusalem, anna mane illalan lembangna Yudea; susi duka' lako tau senga' salianna to Yahudi, kumua: ‘Pengkatoba'koa' ammu ma'palulako Puang Allata'alla ammu pogau' kara-kara situru' pengkatobasammu.’

1 Korintus 6:11

Dengan duka' tau illalan alla'-alla'mua' ma'gau' susi yolona. Sapo mangkamokoa' nabaseian Puang Allata'alla kasalaammu anna sarakkikoa' napopendadi petauanna anna naangga' malolomokoa'. Kara-kara iatoo napogau' Puang Allata'alla ummolai pengkarangna Dewatanta Yesus Kristus anna kakuasaanna Penawa Masero.