Matius 19:22 - Buku Masero Pa'dandi Bakaru

²² Tappana urrangngi tula'na Puang Yesus, rosso siami buana anna le'ba annu buda ewananna.

Mamasa

²² Tappana urrangngi tula'na Puang Yesus, rosso siami buana anna le'ba annu buda ewananna.

Matius 19:22 ပူးပေါင်းရင်းမြစ်များ

Matius 13:22

Banne tappa tama to' duri kalembasanna to urrangngi battakadanna Puang Allata'alla, sapo malallan umpikki' katuoanna illalan lino anna anggarno kamoraian la untombon ewanan illalan penawanna ungkessu' battakada mangka narangngi napalalan tae' kembua.

Matius 14:9

Tila'bak siami buana Herodes, sapo ta'mo naissan nasumbala annu mangkami ma'pinda narangngi to saena, napolalan ussuamo tantarana umpaolaanni pelaunna.

Matius 16:26

Tae' dengan gunana lako mesa tau moi la ummampui angganna issinna lino ke la sanggangri ma'rupa tau.

Matius 19:21

Nakuamo Puang Yesus: “Ianna moraiko la sundun kamanurusammu, laoko umbaluk angganna ewanammu ammu tawaianni to mase-mase allinna, mupolalan la ullolongan enawan yao suruga. Mangkaii saemoko ammu turu'na'.”

Matius 19:23

Nakuamo Puang Yesus lako passikolana: “Kutulasangkoa' sitonganna, marempang tongan-tongan mesa tomakaka la tama kaparentaanna Puang Allata'alla.

Matius 6:24

Tae' dengan tau la nabela umpengkarangan dua puang annu la naturu' manappa mesa, anna la napaboko'i penawa mesa. Battu' dikua marru la napakalando mesa anna tae' la naperangngii mesa. Susimokoa duka', tae' la mubela umpalulangngan Puang Allata'alla penawammu ke mupasiolanni untombon ewanan lino.”

Markus 10:22

Sapo' urrangnginna tula'na Puang Yesus, rosso siami buana anna ma'pasule sitonda kamasussaan annu buda ewananna.

Markus 6:26

Rantang siami buana tomaraya, sapo' ta'mo naissan nasumbala annu mangkami ma'dandi lako narangngi to saena.

Lukas 18:23

Tappana urrangngi tula'na Puang Yesus, rosso siami buana annu tomakaka.

Yohanes 16:20

Kupokadangkoa' sitonganna, la tumangi'koa' sola umbating, sapo la dore' to tamangngorean. La masussa penawammua', sapo itin kamasussaanno la lumalin mendadi kadoresan.

Efesus 5:5

Annu muissanan manappamia kumua angganna to ullullu' pa'bannetauan, to ungkarang gau' meko'do'-ko'do', anna to nataloi kamailuanna la untombon ewanan, tae' mala tama kaparentaanna Kristus sola Puang Allata'alla. lnde to nataloi kamailuan untombon ewananne sirapan to umpenombai dewata panggaraga.

Kolose 3:5

Iamo too, pa'deanni angganna kamailuan mellinona illalan penawammua', susinna: ullullu' pa'bannetauan, gau' meko''do'-ko'do', umpangngula' penawanna lako baine, kamoraian umpogau' kakadakean, anna kamailuan la untombon ewanan anna inde to ummampui kamailuan susie montongmi to umpenombai dewata panggaraga.